ព័ត៌មាន​ទាន់ហេតុការណ៍
ថវិកាមូលនិធិមហាគ្រួសារកងរាជអាវុធហត្ថ ត្រូវបានប្រគល់ជូនគ្រួសារសពសមាជិកមន្ត្រី អាវុធហត្ថរាជធានីភ្នំពេញ! - ពិតជាគួរឱ្យសោកស្តាយជាទីបំផុតសត្វកែះញីមួយក្បាលដែលជាប់អន្ទាក់និងរងរបួសបានស្លាប់ហើយ - កិច្ចប្រជុំក្រុមប្រឹក្សាភិបាលសាលាសណ្ឋាគារនិងទេសចរណ៍ ប៉ូលឌុលប្រ៊ូល - ក្រសួងសេដ្ឋកិច្ចនិងហិរញ្ញវត្ថុ បើកសិក្ខាសាលាផ្សព្វផ្សាយអនុក្រឹត្យស្ដីពីក្របខ័ណ្ឌមុខងារ ភារកិច្ចរបស់សវនកម្មផ្ទៃក្នុង និងនីតិវីធីនៃការធ្វើអធិការកិច្ចហិរញ្ញវត្ថុ - ពិធីប្រកាសចូលកាន់មុខតំណែង ប្រធានអង្គភាពនគរបាលទេសចរណ៍ ប្រចាំខេត្តសៀមរាប - វេទិកាថ្នាក់តំបន់លើកទី៤ របស់មជ្ឈមណ្ឌលសហប្រតិបត្តិការនៃអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច - សហព័ន្ធកីឡាប្រដាល់គុនខ្មែរ រៀបចំការប្រកួតផ្តាច់ព្រ័ត្រប្រដាល់គុនខ្មែរដណ្តើមខ្សែក្រវាត់ពានរង្វាន់ (សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ)នៅខេត្តសៀមរាប - អាជ្ញាធរខេត្តសៀមរាបប្រារព្ធទិវាអនាម័យជាតិបរិស្ថាន ២៣ វិច្ឆិកា ក្រោមប្រធានបទ “មាតុភូមិយើង កាតព្វកិច្ចយើង ស្អាត និងបៃតង”  - ក្រសួងព័ត៌មានសហការជាមួយក្រសួងសេដ្ឋកិច្ច រៀបចំសិក្ខាសាលាស្តីពីគោលនយោបាយគ្រប់គ្រងផ្ទៃក្នុង និងនីតិវិធីសវនកម្ម នៅខេត្តសៀមរាប - ពិធីប្រគល់ទង់អាស៊ានជូនឥណ្ឌូនេស៊ី និង ធ្វើជាម្ចាស់ផ្ទះនៃកិច្ចប្រជុំ ADMM លើកទី ១៧ និង ADMM-Plus លើកទី ១០នៅឆ្នាំ ២០២៣
0

ពិធីអបអរសាទរខួប លើកទី១០ នៃសេចក្តីប្រកាសសិទ្ធិមនុស្សអាស៊ាន និងសេចក្តីថ្លែងការណ៍ភ្នំពេញស្ដីពីការអនុម័ត សេចក្ដីប្រកាសសិទ្ធិមនុស្សអាស៊ាន


ខេត្តសៀមរាប ÷ នាព្រឹកថ្ងៃទី១៨ ខែវិច្ឆិកា ឆ្នាំ២០២២ នេះ នៅសណ្ឋាគារ អេមព្រីស អង្គរ ខេត្តសៀមរាប ដែលអាយឆាកម្ពុជា ធ្វើជាម្ចាស់ផ្ទះរៀបចំពិធីអបអរសាទរខួបលើកទី១០ នៃសេចក្តីប្រកាសសិទ្ធិមនុស្សអាស៊ាន និងសេចក្តីថ្លែងការណ៍ភ្នំពេញស្ដីពីការអនុម័ត សេចក្ដីប្រកាសសិទ្ធិមនុស្សអាស៊ាន ក្រោមអធិបតីភាពរបស់ឯកឧត្តម កិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី និង ជាប្រធានអង្គភាពប្រឆាំងអំពើពុករលួយ និង ឯកឧត្តម កែវ រ៉េមី តំណាងកម្ពុជាប្រចាំអាយឆា និង មានការចូលរួមពីតំណាង/តំណាងរង ប្រចាំអាយឆានៃប្រទេសអាស៊ានទាំងអស់ ព្រមទាំងលេខាធិកាដ្ឋានអាស៊ានផងដែរ ។

ក្នុងកិច្ចស្វាគមន៍នោះ ឯកឧត្តម កែវ រ៉េមី តំណាងកម្ពុជាប្រចាំអាយឆា ក៏បានលើកឡើងអំពីប្រវត្តិនៃ របស់អាយឆា នៅកម្ពុជា ព្រមទាំងបានបញ្ជាញ់អំពីលទ្ធផលអនុវត្តបានក្នុងរយៈ១០ឆ្នាំមកនេះ ។

ឯកឧត្តមបញ្ជាក់ ពីវឌ្ឍនភាពនៃការអនុវត្តកម្មវិធី/សកម្មភាព អាទិភាពរបស់អាយឆាឆ្នាំ២០២២ ដែលពាក់ព័ន្ធនឹងសិទ្ធិកុមារ សិទ្ធិជនមានពិការភាព សិទ្ធិមនុស្សនិង បរិស្ថាន ធុរកិច្ចនិងសិទ្ធិមនុស្ស និងការជួញដូរមនុស្សជាដើម។ ការអនុវត្តក្របខណ្ឌត្រួតពិនិត្យនិងវាយតម្លៃផែនការការ ងារប្រាំឆ្នាំរបស់ អាយឆា ២០២១-២០២៥ វិធាននៃនីតិវិធីសម្រាប់មូលនិធិអាយឆា រួមទាំងគោលការណ៍ណែនាំស្តីពីទំនាក់ទំនងខាងក្រៅរបស់អាយឆា។ ឯកឧត្តម ក៏បានបង្ហាញនូវសុទិដ្ឋិនិយមនិងសេចក្តីរំពឹង យ៉ាងមុតមាំថា អាយឆា-ឥណ្ឌូនេស៊ី ក្នុងនាមជាប្រធានអាយឆាឆ្នាំ២០២៣ នឹងបន្តដឹកនាំបេសកកម្ម សិទ្ធិមនុស្សនេះ ឱ្យសម្រេចបានលទ្ធផលថ្មីៗបន្ថែមទៀត ដើម្បីជាឧត្តមប្រយោជន៍របស់ប្រជាជនអាស៊ាន ទាំងក្នុងពេលបច្ចុប្បន្ននិងអនាគត ។ ថ្លែងនៅក្នុងឱកាសនោះដែរឯកឧត្តម កិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី ក៏បានធ្វើការកោតសរសើរ ពីកិច្ចខិតខំប្រឹងប្រែងរបស់អាយឆា ក្នុងការអនុវត្តសេចក្តីប្រកាសសិទ្ធិមនុស្សអាស៊ាន និង សេចក្តីថ្លែងការណ៍ ភ្នំពេញ ស្តីពីការអនុម័ត សេចក្ដីប្រកាសសិទ្ធិមនុស្សអាស៊ាន ។ ឯកឧត្តមទេសរដ្ឋមន្ត្រី ក៏បានលើកឡើងថា ដោយអនុ លោមតាមមាត្រា១១ នៃធម្មនុញ្ញរបស់អាស៊ាន ហើយអាស៊ានត្រូវបង្កើតឲ្យមានស្ថាប័នអប់រំ ក្នុងគោល បំណងលើកកម្ពស់ និងការពារសិទ្ធិមនុស្ស និងសេរីភាពជាមូលដ្ឋាន ។ កត្តានេះហើយគណៈកម្មការអន្តររដ្ឋាភិបាលអាស៊ានទទួលបន្ទុកសិទ្ធិមនុស្ស (អាយឆា ) ត្រូវបានបង្កើតឡើងនៅឆ្នាំ២០០៩ ដែលជាស្ថាប័នមានការទទួលខុសត្រូវជារួម ដោយគ្រប់ដណ្តប់លើការលើកកម្ពស់ការពារសិទ្ធិមនុស្ស និងសេរីភាពជាមូលដ្ឋាន ក្នុងតំបន់អាស៊ាន ។ ឯកឧត្តមបានបន្តទៀតថា ក្រោយការបង្កើត អាយឆា ក៏បានសម្រេចនូវសមទ្ធិផលរួមដ៏សំខាន់ លើការបង្កើតឧបករណ៍ស្នូលនៃការការពារ និងលើកកម្ពស់សិទ្ធិ មនុស្សរបស់អាស៊ាន និង សម្រាប់កិច្ចសហប្រតិបត្តិការសិទ្ធិមនុស្សអាស៊ាន នៅក្នុងតំបន់ ដែលហៅថា សេចក្តី ប្រកាសសិទ្ធិមនុស្សអាស៊ាន និង សេចក្តីថ្លែងការណ៍ភ្នំពេញស្ដីពីការអនុម័ត សេចក្ដីប្រកាសសិទ្ធិមនុស្សអាស៊ាន នៅឆ្នាំ២០១២ ក្នុងឱកាសកិច្ចប្រជុំកំពូលអាស៊ានលើកទី២១ នៅរាជធានីភ្នំពេញ ។

ឯកឧត្តមទេសរដ្ឋមន្ត្រី ក៏បានលើកផងដែរថា ឆ្នាំ២០២២ នេះ គឺជាខួបគម្រប់១០ឆ្នាំ នៃសេចក្តីប្រកាសសិទ្ធិមនុស្សអាស៊ាន និងសេចក្តីថ្លែងការណ៍ភ្នំពេញស្ដីពីការអនុម័ត សេចក្ដីប្រកាសសិទ្ធិមនុស្សអាស៊ាន ។ ម៉្យាងទៀតក្នុងរយៈពេល១ទស្សវត្សនេះ ដើមី្បលើកកម្ពស់និងការពារសិទ្ធិមនុស្ស ក្នុងតំបន់អាស៊ាន ដែលត្រូវបាន បញ្ជា្រប់ចូលទៅក្នុងមូលដ្ឋាននៃតំបន់អាស៊ាន ក្នុងការការពារសិទ្ធិមនុស្ស ក្នុងគោលការណ៍ ដើម្បីជាឧត្តមប្រយោជន៍របស់ប្រជាជាតិអាស៊ាន ទាំងក្នុងពេលបច្ចុប្បន្ននិងអនាគត ។

ឯកឧត្តមក៏បានជម្រុញ អាយឆា ដែលជាស្ថាប័នគ្រប់ដណ្តប់ ក្នុងការលើកកម្ពស់ និង ការការពារសិទ្ធិមនុស្សក្នុងតំបន់អាស៊ាន និង ត្រូវបន្តខិតខំ ប្រឹងប្រែង ដើមី្បលើកកម្ពស់ក្នុងការការពារសិទ្ធិមនុស្ស ឲ្យស្របតាមសេចក្តីប្រកាសសិទ្ធិមនុស្សអាស៊ាន និងសេចក្តីថ្លែងការណ៍ភ្នំពេញស្ដីពីការអនុម័ត សេចក្ដីប្រកាសសិទ្ធិមនុស្សអាស៊ាន តាមរយៈបញ្ជ្រាបសិទ្ធិមនុស្ស ទៅក្នុងសសរស្តម្ភទាំងបី ដែលមានសហគមន៍សេដ្ឋកិច្ចអាស៊ាន ,សហគមន៍វប្បធម៌អាស៊ាន និង បន្តពង្រឹងកិច្ចសហប្រតិបត្តិការល្អ រវាងរដ្ឋក្នុង តំបន់អាស៊ាន ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.