ខេត្តកំពង់ឆ្នាំង÷ លោក អ៊ុង រិន ប្រជាពលរដ្ឋរស់នៅភូមិក្បាលកន្លង់ ឃុំពាមឆ្កោក ស្រុកជល់គិរី ខេត្តកំពង់ឆ្នាំង។
លោក អ៊ុង រិន បានប្រាប់អង្គភាពយើងឱ្យដឹងថា÷ មូលហេតុដែលលោកឡើងមករាជធានីភ្នំពេញដើម្បីដាក់លិខិតស្នើសុំអន្តរាគមន៍ពីឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធ៌ម ដោយមូលហេតុថាលោកមានដីមួយកន្លែង នៅភូមិក្បាលកន្លង់ ឃុំពាមឆ្កោក ស្រុកជល់គិរី ខេត្តកំពង់ឆ្នាំង ត្រូវបានអ្នកមានលុយក្នុងភូមិជាមួយគ្នារំលោភយកធ្វើជាកម្មសិទ្ធិដោយមានការសហការជាមួយនឹងអាជ្ញាធរមូលដ្ឋាន ហើយលោកក៏បានដាក់ពាក្យប្ដឹងទៅសាលាដំបូងខេត្តកំពង់ឆ្នាំង តែការទន្ទឹងរង់ចាំយុត្តិធម៌រហូតដល់ពេលនេះមិនទាន់ដឹងនៅទីណា។
ករណីខាងលើអង្គភាពយើងមិនទាន់អាចសុំការបកស្រាយពីអ្នកនាំពាក្យនៃសាលាដំបូងខេត្តកំពង់ឆ្នាំងបាននៅឡើយទេនាល្ងាចថ្ងៃចន្ទ ទី៣០ ខែធ្នូ ឆ្នាំ២០២៤។
ដោយ÷ សត្យា
