កំពង់ឆ្នាំង ៖ ផ្ទះបណ្តែតទឹករបស់ជនជាតិវៀតណាម លយទៅមុខហួសពីការកំណត់របស់អាជ្ញាធរខេត្តកំពង់ឆ្នាំង
ខណ:ដែលសមាគមន៍វៀតណាម មានដីព្រៃលិចទឹកក្នុងដែននេសាទ៧២ហិចតា សម្រាប់ឡើងគោក តែមិនទាន់មានអនុបយោគ (មិនមានច្បាប់អនុញ្ញាតពីរដ្ឋាថាភិបាលកម្ពុជា)
ផ្ទះបណ្តែតទឹករបស់ជនជាតិវៀតណាមជាច្រើន បានលយទៅមុខ ហួសពីការកំណត់អាជ្ញាធរខេត្ត ការកំណត់ព្រំដែន នៅលើផ្ទៃទឹក ដែលមានទង់ជាតិខ្មែរបានដោតនៅលើដើមឈើ១ដើម នៅជាប់នោះផងដែរក៍មានផ្ទះបណ្តែតទឹក របស់គណ:កម្មាការខេត្ត សម្រាប់ធ្វើការត្រួតពិនិត្យ ការចតផ្ទះទឹករបស់ជនអន្តោសប្រវេសន៍ និងបានហួសទៅពីមុខកំពង់ផែរថ្មី ដែលអាជ្ញាធរខេត្ត បានរៀបចំរួចហើយ ប៉ុន្តែហាក់ដូចជាបានឃើញដែរ តែដូចជាធ្វើមិនដឹង។
សូមបញ្ជាក់ថា ការរៀបចំផ្ទះបណ្តែតទឹករបស់ជនជាតិវៀតណាម ដើម្បីឡើងលើគោគនោះ គឺដឹកនាំដោយអភិបាលខេត្ត និងអភិបាលរងមួយរូប និងមន្ទីរពាក់ព័ន្ធ អាជ្ញាធរខេត្តបានរៀបចំផ្ទះបណ្តែតទឹករបស់ជនជាតិវៀតណាម មិនអនុញ្ញាតអោយនៅលើផ្ទៃទឹកទៀតឡើយ ហើយការអនុវត្តន៍មានច្រើនដំណាក់កាល។
ជនអន្តោសប្រវេសន៍ ជនជាតិវៀតណាមក្នុងខេត្តកំពង់ឆ្នាំង មានចំនួន២៣៩៧គ្រួសារ ដោយឡែកក្នុងក្រុងកំពង់ឆ្នាំងមួយ មានជនអន្តោសប្រវេសន៍ ជនជាតិវៀតណាម ប្រមាណជាង១ពាន់គ្រួសារ និងផ្ទះបណ្តែតលើទឹកតាមមាត់ទន្លេ
មានចំនួនជាង១ពាន់ខ្នង (យោងការបញ្ជាក់ ប្រធានការិយាល័យគ្រប់គ្រងជនបរទេស នៃស្នងការដ្ឋាននគរបាលខេត្តកំពង់ឆ្នាំង)។
បច្ចុប្បន្ននេះបានលិចលឺដំណឹងថា សមាគមន៍វៀតណាមបានទិញដីព្រៃលិចទឹក (ក្នុងដែននេសាទជលផល) ចំនួន៧២ហិចតា នៅចំនុចភូមិដំបូកកោះ និងភូមិត្រពាំងអញ្ចាញ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ដើម្បីរៀបចំជនជាតិវៀតណាមទាំងនោះឡើងមករស់នៅលើគោគ តាមគម្រោងផែនការរបស់អាជ្ញាធរខេត្តផងដែរ ។
ផ្ទៃដីព្រៃលិចទឹកទាំងនោះ ថិតនៅក្រោមការគ្រប់គ្រង របស់ជលផល (ដែននេសាទជលផល) ដោយអាជ្ញាធរខេត្ត បានធ្វើការស្នើសុំទៅកាន់ប្រមុខរដ្ឋាភិបាល ប៉ុន្តែមកដល់ពេលនេះ នៅមិនទាន់ត្រូវបានរដ្ឋាភិបាលអនុញ្ញាតនៅឡើយទេ (មិនទាន់មានអនុបយោគ)។
មានចម្ងល់និងមតិមួយចំនួនបានកើតឡើង
តើជនអន្តោសប្រវេសន៍ ជនជាតិវៀតណាម ដែលមិនទាន់ស្របច្បាប់ អាចមានសិទ្ធទិញ និងគ្រប់គ្រងផ្ទៃដីនៅក្នុងប្រទេសកម្ពុជាដែរ ឬទេ ?
តែបើជនអន្តោសប្រវេសន៍ទាំងនោះ មិនមានសិទ្ធ ឬក៍រដ្ឋាភិបាលមិនអនុញ្ញាត ផ្តល់សិទ្ធទិញលក់ និងគ្រប់គ្រងដីធ្លី ជនអន្តោសប្រវេសន៍នឹងបន្តការរស់លើផ្ទៃទឹកដ៍ដែល ហើយអាជ្ញាធរខេត្តអាចពិបាកក្នុងការគ្រប់គ្រងជនអន្តោសប្រវេសន៍ នាំបញ្ហាអាក្រក់ដល់បរិស្ថាននៃផ្ទៃទឹក ចំនួនផ្ទះទឹកកាន់តែកើនឡើងជាបន្តបន្ទាប់ នៅពេលខាងមុខមិនខាន។
បញ្ហានេះមានតែសម្តេចប្រមុខរាជរដ្ឋាភិបាលតែមួយគត់ ដែលអាចសម្រេចថា តើគួរផ្តល់សិទ្ធគ្រប់គ្រង ដីព្រៃលិចទឹក ចំនួន៧២ហិចតា(ដែននេសាទជលផល) នៅចំណុចខាងលើ អោយទៅជនអន្តោសប្រវេសន៍ទាំងនោះដែរឬទេ?
តាមសភាពជាក់ស្តែង ឬក៍ត្រូវពឹងផ្អែកលើច្បាប់នៃព្រះរាជាណាចក្រកម្ពុជាយើង។
ដោយ ៖ ប៊ុនថន
