ខេត្តសៀមរាប៖ ក្រោមមយុទ្ធសាស្ត្រនយោបាយឈ្នះៗ របស់រាជរដ្ឋាភិបាលកម្ពុជា បានបញ្ចប់នូវជីវិត្តនយោបាយដឹកនាំ របស់កម្ពុជាប្រជាធិបតេយ្យ បានធ្វើឲ្យព្រះរាជាណាចក្រកម្ពុជា ទទួលបាននូវសុខសន្តិភាព ពេញផ្ទៃប្រទេស និង មានការអភិវឌ្ឍន៍លើគ្រប់វិស័យ ក្រោមការដឹកនាំប្រកបដោយគិត្តិបណ្ឌិតដ៏ខ្ពស់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី ធ្វើឲ្យប្រជាពលរដ្ឋ មានសិទ្ធិសេរីភាព ក្នុងការកសាងជីវភាពគ្រួសារ សំខាន់លើការគោរពប្រតិបត្តិ លើវិស័យសាសនា ដោយមិនបានប្រកាន់ពូជសាសន៍ និង ជំនឿសាសនារបស់ប្រជាពុទ្ធបរិស័ទឡើយ ។
សាសនាទាំងអស់ ដែលមានវត្តមាននៅក្នុងព្រះរាជាណាចក្រកម្ពុជា គឺពុំមានសាសនាណាមួយត្រូវបានចាប់បដិសន្ធិមុនគេនោះទេ ពិតជាត្រូវបានចារឹកទុកជាប្រវត្តិសាស្ត្រ គ្រប់បណ្តាសាសនាទាំងអស់នៅកម្ពុជា គឺត្រូវបានចាប់បដិសន្ធិក្នុង ថ្ងៃ ខែ ឆ្នាំតែមួយ ដោយរស់នៅក្នុងដំបូលសុខសន្តិភាព ព្រះសង្ឃ គណៈកម្មការវត្តជីក្រែង ពុទ្ធបរិស័ទ អាជ្ញាធរស្រុងជីក្រែង បានរួមកិច្ចសហការជាមួយអាជ្ញាធរជាតិអប្សរា បានរៀបចំធ្វើពិធីបុណ្យជួសបង្កាន់ដៃស្ពានថ្មបុរាណ ស្ពានកំពុងក្តី ហៅស្ពានប្រាប់ទិស ការពីរសៀលថ្ងៃព្រហស្បត្តិ៍ ៨រោច ខែ ផល្គុន ឆ្នាំច សំរឹទ្ធិស័ក្ត ព.ស២៥៦២ ត្រូវថ្ងៃទី២៨ ខែ មីនា គ.ស ២០១៩ បានធ្វើពិធិក្រុងពាលី ដើម្បីសុំនូវសេចក្តីសុខក្នុងពេលតភ្ជាប់បង្កាន់ដៃស្ពាន និង ជូនជាតិមាតុភូមិ សំខាន់ប្រជាពលរដ្ឋនៅទូទាំងព្រះរាជាណាចក្រកម្ពុជា ក៏ដូចជា ស្រុកជីក្រែងទាំងមូលផងដែរ ។
ក្នុងពិធីក្រុងពាលីនោះដែរក៏មានវត្តមានចូលរួមរបស់ឯកឧត្តម ស៊ឹង គង់ អតីតអគ្គនាយករងអាជ្ញាធរជាតិអប្សរា លោក ពៅ ប៊ុនធឿន អភិបាលស្រុកជីក្រែង មន្ត្រីរាជការ មេឃុំ និង កងកម្លាំប្រដាប់អាវុធ រួមទាំងពុទ្ធបរិស័ទ ប្រជាពលរដ្ឋចូលរួមយ៉ាងច្រើនកុះករទៀតផង ។
បន្ទាប់ពីធ្វើការដង្ហែនូវទេវរូប ទាំងពីរអង្គប្រទក្សិណចំនួន៣ជុំទីអសនៈ និង ថ្វាយភូងផ្កា បូជាទៀន ធូក របស់ព្រះសង្ឃ អាជ្ញាធរដែនដីរួចមក លោកតាអាចារ្យ បានចាប់ដំណើរការធ្វើពិធីក្រុងពាលី និង បួងសួង ទៅតាមគន្លងប្រពៃណីព្រះពុទ្ធសាសនា ដែលបានពុទ្ធបរិស័ទខ្មែរយើងគោរពរប្រតិបត្តិតរៀងមក ដោយមានការសែនព្រេន ដើម្បីសុំម្ចាស់ទឹកម្ចាស់ដី ដែលមានបារមី គង់ប្រថាប់ថែរក្សា នៅស្ពាននាគកំពង់ក្តីជាច្រើនពាន់ជំនាន់មកហើយ ដែលមានឈ្មោះលោកតាគង់ និង តាព្រហ្ម សូមឲ្យជួយថែរក្សាប្រជានុរាស្ត្រ នៅទូទាំងព្រះរាជាណាចក្រកម្ពុជា ក៏ដូចក្នុងស្រុកជីក្រែង។
ក្នុងនោះដែរប្រជាពុទ្ធបរិស័ទ សូមឲ្យបារមីលោកតាថែរក្សាស្ពានថ្មទាំង១៣ តាមបណ្តោយផ្លូវជាតិលេខ៦ ក្នុងការបញ្ជៀសនូវគ្រោះថ្នាក់ចរាចរណ៍ ដែលជាចំណោទបញ្ហារបស់កូនចៅ សំខាន់បារមីលោកតាគង់ លោកតាព្រហ្ម ការពារស្ពាននាគកំពង់ក្តី ឬ ស្ពាន់ប្រាប់ទិស ក្នុងស្រុកជីក្រែង ។
តាមការបញ្ជាក់របស់ព្រះគ្រូសូត្រស្តាំ ឃឿន សាវង្ស ក្នុងនាមតំណាងលោកគ្រូចៅអធិការវត្តជីក្រែង បានឲ្យដឹង ពិធីនេះធ្វើឡើងក្នុងគោលបំណងសម្រាប់អ្នកកាន់ព្រះពុទ្ធសាសន៍ ទៅតាមពុទ្ធាឱវាទរបស់ព្រះសម្មាសម្ពុទ្ធ ដែលទ្រង់បានសម្តែងនូវព្រះធម៌ ទុកឲ្យពទ្ធបរិស័ទ គោរពបូជា ដើម្បីឲ្យយើងគ្រប់រូបចេះរួបរួមសាមគ្គីគ្នា សំខាន់ប្រជាពលរដ្ឋនៅទូទាំងស្រុកជីក្រែង រួមមតិគ្នាបាន ផ្តួចផ្តើមរៀបចំពិធីបុណ្យជួសបង្កាន់ដៃស្ពាន ដែលមានតួអង្គជានាគ ក្នុងការសុំនូវសេចក្តីសុខចម្រើន ថែរក្សានូវសុខសន្តិភាពឲ្យបានគង់វង្ស ដូចការថែរក្សាឲ្យបានគង់វង្សនូវស្ពាននាគបុរាណ ដែលជាប្រភពចំណូលមិនចេះរីងស្ងួតរបស់ជាតិនិងប្រជាជនស្រុកជីក្រែងផងដែរ ។
មានប្រសាសន៍សំណេះសំណាលនោះ ឯកឧត្តម ស៊ឹង គង់ បានគូសបញ្ជាក់ថា ដោយកត្តាសន្តិភាពនេះហើយ ដែលធ្វើឲ្យប្រជាពុទ្ធបរិស័ទ និង ប្រជាពលរដ្ឋយើង មានសិទ្ធសេរីភាព ក្នុងការប្រកបមុខរបរ ការដើរហើរ ការជួបជុំធ្វើបុណ្យទាន ទៅតាមប្រពៃ ណីសាសនា ដែលព្រះសម្មាសម្ពុទ្ធព្រះបរមគ្រូនៃយើងបានចាក់ទុកតាមគម្ពីសត្រាជាយូរលង់មកហើយ ។ ក្នុងនោះឯកឧត្តម ក៏បានលើផងដែរថា អំពីជីវប្រវត្តិរបស់ព្រះបាទជ័យវរ្ម័នទី៧ និង ម្ចាស់ក្សត្រី ឥន្ទ្រទេវី ក្នុងនាមជាវរៈនារីដ៏ឆ្នើមនាសម័យមហានគរ ដោយ ព្រះអង្គទាំងពីរ បានបន្សល់ទុកនូវស្នាព្រះហស្ប៍ លើការកសាងនូវរាល់សមទ្ធិផលជាច្រើន ទៅតាមបែបព្រហ្មមញ្ញសាសនា និង ព្រះពុទ្ធសាសនា ព្រមទាំងអភិវឌ្ឍន៍នូវប្រព័ន្ធធារាស្ត្រ ប្រព័ន្ធគមនាគមន៍ មន្ទីរពេទ្យជាដើម ។ ម្យ៉ាងទៀតការជួបជុំគ្នានៅលើស្ពាននាគបុរាណ គឺដើម្បីធ្វើពិធីជួសបង្កាន់ដៃស្ពាន និង បួងសួងសុំនូវសេចក្តីសុខចម្រើន ជូនដល់ប្រទេសជាតិ សំខាន់ថ្នាក់ដឹកនាំកំពូលៗ និង អាជ្ញាធរគ្រប់ជាន់ថ្នាក់ មន្ត្រីរាជការ និង ប្រជាពលរដ្ឋក្នុងស្រុកជីក្រែង ក្នុងការធ្វើដំណើរឆ្លងកាត់នៅតាមដងផ្លូវទូទាំងប្រទេស សូមកុំឲ្យកើតមាននូវគ្រោះថ្នាក់ចរាចរណ៍ឡើយ ។
ឯកឧត្តមបានលើកផងដែរ អំពីការសាសនា គ្រប់ជាតិសាសន៍ ដោយបញ្ជាក់ថា សាសន៍នៃប្រទេសនិមួយៗ គឺធ្វើការអប់រំមនុស្សគ្រប់រូប ប្រព្រឹត្តតែអំពើល្អ ឲ្យស្គាល់បុណ្យបាប អាក្រក់ល្អ ហើយក៏ជាស្ពានមួយក្នុងការស្វែងរកនូវសេចក្តីស្ងប់ និង សុខសន្តិភាព ។ ដូច្នេះដើម្បីភាពសុខសាន្តរបស់ប្រជាជនកម្ពុជា យើងត្រូវរួមសាមគ្គីគ្នា រក្សានូវសុខសន្តិភាពឲ្យបានគង់វង្ស និង ធ្វើឲ្យប្រទេសជាតិមានភាពរីកចម្រើនទៅអនាគត ៕
ដោយ ៖ វិបុល
