ខេត្តកែប៖ បុរសម្នាក់សង្ស័យថា ជាកូនចៅ លោកផ្កាយ៣ សៅ សារឿន បានទៅគំរាមកំហែងបុរសចំណាស់អាយុ៨០ឆ្នាំលោកសេង ប៉ី ឲ្យដកពាក្យបណ្តឹង បន្ទាប់ពីបុរសវ័យចំណាស់រូបនោះ បានប្តឹងស្នើសុំលោកព្រះរាជអាជ្ញាខេត្តកែបឲ្យចោទប្រកាន់រឿងរំលោភយកដីប្លឹងរឹងរបស់គាត់។ លើសពីនេះទៅទៀត កូនចៅលោកផ្កាយ៣ បានសម្លុតបុរសវ័យ៨០ឆ្នាំរូបនេះឲ្យផ្តិតមេដៃធ្វើកិច្ចសន្យាដកបង្គោលរបង ដែលបោះរំលោភយកដោយនិយាយថាថា ដើម្បីបញ្ចប់រឿង។
បុរសចំណាស់ សេង ប៉ី អាយុ៨០ឆ្នាំ រស់នៅភូមិកែវក្រសាំង សង្កាត់កែប ក្រុងកែប ថ្មីៗនេះបានសំណូមពរលោកព្រះរាជអាជ្ញា មេត្តាចាត់ការលោកផ្កាយ៣ សៅ សារឿន តាមច្បាប់ ចំពោះអំពើបំពានច្បាប់ដោយអាងអំណាចផ្កាយបីរបស់លោក ដែលបានរំលោភបំពានដីស្របច្បាប់របស់គាត់។
បន្ទាប់លោកបានប្តឹង និងសំណូមពរលោកព្រះរាជអាជ្ញាសាលាដំបូងខេត្តកែបបែនេះ ទើបនៅព្រឹកថ្ងៃទី៩ ខែកញ្ញា ឆ្នាំ២០២៤នេះ កូនចៅលោកផ្កាយ៣ សៅ សារឿន បានទៅគំរាមកំហែងលោកសេង ប៉ី ឲ្យដកពាក្យបណ្តឹង និងបានសម្លុតបុរសវ័យ៨០ឆ្នាំរូបនេះឲ្យផ្តិតមេដៃធ្វើកិច្ចសន្យាដកបង្គោលរបងដែលបោះរំលោភយក ថា ដើម្បីបញ្ចប់រឿង។
អំពើរបស់បុរសដែលអះអាងថា ជាកូនចៅលោកផ្កាយ៣ សៅ សារឿន ដែលបានប្រព្រឹត្តទៅលើបុរសវ័យ៨០ឆ្នាំ លោក សេង ប៉ី នេះ បានធ្វើឲ្យគាត់ រួមទាំងសាច់ញាតិរបស់គាត់មានការព្រួយបារម្ភយ៉ាងខ្លាំងចំពោះសុវត្ថិភាពផ្ទាល់ ដោយសារខ្លាចអំណាចបុណ្យសក្តិលោកផ្កាយបី សៅ សារឿន ដែលរំលោភយកដីកម្មសិទ្ធិស្របច្បាប់ គេហើយ ថែមទាំងគំរាមកំហែងថែមទៀត។
ជាមួយគ្នានេះ ម្ចាស់កម្មសិទ្ធិដីប្លឹងរឹងម្នាក់ទៀតឈ្មោះ កៅ សារាវុឌ្ឍ ក៏បានប្តឹងលោកផ្កាយ៣ សៅ សារឿន ទៅអយ្យកាសាលាដំបូងខេត្តកែបថែមទៀតផងដែរ ចំពោះអំពើបំពានច្បាប់រំលោភយកដីប្រជាពលរដ្ឋដែលមានប្លង់រឹងនេះដែរ ដោយទាមទារប្រាក់ចំនួន១០ម៉ឺនដុល្លាអាម៉េរិក។
យោងតាមពាក្យបណ្តឹងរបស់លោក កៅ សារាវុឌ្ឍ មានលើកឡើងថា សូមអានពាក្យបណ្តឹងលោក កៅ សារាវុឌ្ឍ ទាំងស្រុង៖
