ព័ត៌មាន​ទាន់ហេតុការណ៍
អាវុធហត្ថក្លែងក្លាយម្នាក់ទៀតហើយ ត្រូវបានអាវុធហត្ថរាជធានីភ្នំពេញ ឃាត់ខ្លួនបញ្ជូនទៅតុលាការ!  - ការតាំងពិព័រណ៍ភូមិមួយផលិតផលមួយដើម្បីបំផុសស្មារតីអ្នកផលិតនិងអ្នកប្រើប្រាស់ឱ្យបង្កើនការគាំទ្រ និងចូលរួមផ្សព្វផ្សាយពីផលិតផលក្នុងស្រុករបស់ខ្មែរយើង - រដ្ឋបាលខេត្តសៀមរាប បើកយុទ្ធនាការសម្អាតបរិស្ថានក្នុងក្រុង ដើម្បីអបអរសាទរទិវាទេសចរណ៍ ពិភពលោក ឆ្នាំ២០២៣ ក្រោមប្រធានបទ “ ទេសចរណ៍ និងការវិនិយោគបៃតង” - ក្រុមការងារ អាវុធហត្ថខណ្ឌជ្រោយចង្វារ ចូលរួមរំលែកទុក្ខដល់គ្រួសារអតីតសមាជិក ដែលឪពុករបស់លោកទទួលមរណៈភាព! - ឈ្មួញ​រក​សុី​ខាង​ដឹក​ជញ្ចូន​បទ​ល្មេីស​ធន​ធាន​ធម្មជាតិ​ព្រៃ​ឈេី​ឈ្មោះ​ផល ​ក្រោយ​ពី​ស្ងប់​ស្ងាត់​មួយ​រយៈ​ឥលូវ​ចាប់​ផ្តេីម​បន្ត​សម្មភាព​ដឹក​ជញ្ចូន​ឈេី​ឡេីង​វិញ​ហេីយ​! - ឧត្តមសេនីយ៍ឯក ​រ័ត្ន ​ស្រ៊ាង ​បែង​ចែក​ភេសជ្ជៈ​ដល់​កម្លាំង​អាវុធហត្ថ​ចំណុះ​បញ្ជា​ការ​ដ្ឋាន​កង​រាជ​អាវុធហត្ថ​រាជធានី​ភ្នំពេញ! - ឯកឧត្ដម ​កិត្តិសង្គហ​បណ្ឌិត ​គន់ ​គីម ​ទេស​រដ្ឋមន្ត្រី ​អនុ​ប្រធាន​សមាគម​អតីត​យុទ្ធជន​កម្ពុជា ​ជំរុញ​ឱ្យ​អាជ្ញាធរ​ពាក់ព័ន្ធ​ទាំង​អស់​បន្ត​យក​ចិត្ត​ទុក​ដាក់​លើ​ជីវភាព​និង​ការ​រស់​នៅ​របស់​អតីត​យុទ្ធ​ជន - អាវុធហត្ថ​រាជធានី​ភ្នំពេញ ​សម្តែង​នូវ​ការ​ថ្លែង​អំណរ​គុណ​យ៉ាង​ជ្រាល​ជ្រៅ​ចំពោះ​ក្រុម​ហ៊ុន​ ខែ្មរ​ ប៊ែវើរីជីស ​! - ក្រុមចោរលួច​និង​កាច់​ក​ម៉ូតូ​យ៉ាង​សកម្ម​៣នាក់​​ត្រូវ​បាន​អាវុធ​ហត្ថ​រាជធានី​ភ្នំពេញ ​ឃាត់​ខ្លួន​បញ្ជូន​ទៅ​តុលាការ​ដើម្បី​ផ្តន្ទាទោស​តាម​ច្បាប់! - សិក្ខាសាលាផ្សព្វផ្សាយស្តីពីភាពជោគជ័យនៃការអនុវត្តគម្រោងTask Program ដំនាក់កាលទី១និងទី២ នៅកម្ពុជានិងការផ្សព្វផ្សាយគម្រោងមជ្ឈមណ្ឌលស្រាវជ្រាវម្ហូបអាហារ សុវត្ថិភាព និងច្បាប់ម្ហូបអាហារ
0

សភា​ពាណិជ្ជកម្ម​សៀមរាប​-​ឧត្តរ​មាន​ជ័យ​បង្ហាញ​ឆន្ទៈ​គាំទ្រ​ ខណៈ​ដែល​គណៈ​កម្មា​ធិការ​ជាតិ​ជំរុញ​ចលនា​ភូមិ​មួយ​ផលិតផល​មួយ​ថា​ការ​ជួយ​ទិញ​និង​ប្រើ​ប្រាស់​ផលិតផល​ខ្មែរ ​គឺ​ស្នេហា​ជាតិ


ខេត្តសៀមរាប ÷ ប្រធានសភាពាណិជ្ជកម្មខេត្តសៀមរាប -ឧត្តរមានជ័យ លោកឧកញ៉ា បណ្ឌិត ហ៊ុយ ភៀវ បានបង្ហាញឆន្ទៈគាំទ្រពេញទំហឹងចំពោះវេទិកាផ្គូផ្គងភូមិមួយផលដែលរៀបចំដោយគណៈកម្មាធិការជាតិជំរុញចលនាភូមិមួយផលិតផលមួយសហការជាមួយរដ្ឋបាលខេត្តសៀមរាប រយៈពេល៣ថ្ងៃពីថ្ងៃទី ២៥ដល់ថ្ងៃទី២៧ខែសីហាឆ្នាំ២០២៣។

លោកឧកញ៉ា បណ្ឌិត ហ៊ុយ ភៀវ ក៏បានអំពាវនាវដល់អាជ្ញាធរនិងស្ថាប័ន អង្គការដៃគូពាក់ព័ន្ឋជួយជំរុញបន្ថែមដល់វេទិកានេះដើម្បីលើកទឹកចិត្តដល់អ្នកផលិត ឱ្យពង្រឹងគុណភាពនិងបរិមាណនៃការផលិតក៏ដូចជាជំរុញដល់អ្នកប្រើប្រាស់ឱ្យគាំទ្រនិងប្រើប្រាស់ផលិត ផលរបស់កូនខ្មែរ។ ហើយអ្វីដែលជាមោទនភាពនោះ ខេត្តសៀមរាបបានរៀបចំជាលើកដំបូងនូវការតាំងពិព័រណ៌ផលិតផលនៃវេទិកាផ្គូផ្គងរវាងអ្នកផលិត និងអ្នកទិញក្នុងចលនាជំរុញចលនាភូមិមួយ ផលិតផលមួយ បានបង្ហាញពីការសាមគ្គី យោគយល់ មានទំនុកចិត្ត និងទំនាក់ទំនងល្អទៅវិញទៅមករវាងអ្នកលក់និងអ្នកទិញ ទន្ទឹមនឹងនេះ សភាពាណិជ្ជកម្មខេត្តនឹងបន្តជំរុញដល់អ្នកផលិតឱ្យពង្រឹង បរិមាណ គុណភាពអនាម័យនូវផលិតផលរបស់ខ្លួន និងបន្តលើកទឹកចិត្តដល់អ្នកទិញឱ្យងាកមកទិញនិងប្រើប្រាស់ផលិតផលខ្មែរឱ្យកាន់តែច្រើនឡើងៗ សំដៅរួមគ្នាលើកកម្ពស់ផលិតផលគ្រប់ប្រភេទរបស់ខ្មែរយើង។ នេះបើតាមការថ្លែងក្នុងកិច្ចសម្ភាសន៍ កាលពីរសៀលថ្ងៃទី២៦ខែសីហាឆ្នាំ២០២៣នាផ្សារទំនើបម៉ាក្រូខេត្តសៀមរាប។

ឯកឧត្តមបណ្ឌិត សួង ណយ អគ្គលេខាធិការរង នៃគណៈកម្មាធិការជាតិជំរុញចលនាភូមិ១ផលិតផល១ មានប្រសាសន៍ថា៖វេទិកាផ្គូផ្គងរវាងអ្នកផលិត និងអ្នកទិញក្នុងចលនាជំរុញចលនាភូមិមួយ ផលិតផលមួយគឺមានសារៈសំខាន់ណាស់ ព្រោះផ្តល់ឱកាសដល់អ្នកផលិតឬអ្នកលក់បានប្រាស្រ័យទាក់ទងជជែកគ្នាដោយផ្ទាល់ អ្នកទិញជួបជាក់ស្តែង  បានស្ទាប បានភ្លក្ស បានដឹងពិតពីគុណភាព និង តម្លៃ ឯអ្នកលក់ដឹងច្បាស់ពីតម្រូវការនៃផលិតផលដែលអតិថិជនត្រូវការ ជារួមគឺ អ្នកលក់លែងបារម្ភពីបញ្ហាទីផ្សារ ឯអ្នកទិញលែងបារម្ភពីការស្វែងរកផលិតផល។ ឯកឧត្តម បញ្ជាក់ថា៖យើងរួមគ្នាប្រើប្រាស់និងទិញផលិតផលខ្មែរគឺស្នេហាជាតិ ជាទិសស្លោកបង្ហាញនូវជំហររួមគ្នាក្នុងការស្តារនិងអភិវឌ្ឍជីវភាពប្រជាជននៅតាមមូលដ្ឋាននិងសហគមន៍ឱ្យកាន់តែរីកចម្រើន និងបង្ហាញ ពីមោទនភាពជាតិខ្មែរនៅលើឆាកអន្តរជាតិ និងសូមនាំគ្នាគាំទ្រទិញផលិតផលខ្មែរសម្រាប់ជាវត្ថុអនុស្សាវ រីយ៍ទៅជនបរទេស គួរចៀសវាងទិញផលិតផលបរទេសជូនបរទេស ឬទិញផលិតផលបរទេសមកជូនខ្មែរ។

ឯកឧត្តមបណ្ឌិត សួង ណយ បានសម្តែងនូវមោទនភាពចំពោះវេទិកានៅខេត្តសៀមរាបនេះ ថាជាជោគ ជ័យនិងជាគំរូល្អមួយសម្រាប់ខេត្តដទៃទៀតដែលគ្រោងនឹងរៀបចំឡើងជាបន្តបន្ទាប់តាមការគ្រោងទុក។

ឯកឧត្តម បានលើកឡើងផងដែរថា កន្លងមក អ្នកលក់មិនហ៊ានយកផលិតផលរបស់ខ្លួនមកកាន់ផ្សារទំនើបទេ ដោយសារតែខ្លាចលក់មិនដាច់ឬគ្មានអ្នកទិញ  រីឯអ្នកទិញច្រើនវាយតម្លៃផលិតផលរបស់ខ្មែរថ្លៃនិងគុណភាពអន់ នេះគ្រាន់តែជាការសង្ស័យនោះទេ ដរាបណាអ្នកទិញបានឃើញ បានស្ទាប បានភ្លក្សដោយផ្ទាល់ទើប ដឹងពីគុណតម្លៃនៃទំនិញនោះ ឯអ្នកលក់ឬអ្នកផលិតក៏ទាមទារឱ្យប្រកាន់ខ្ជាប់នូវសុចរិតភាព មានគុណធម៌ ផលិតផលមានគុណភាពនិងបរិមាណឆ្លើយតបតម្រូវការ ទើបភាពស៊ីសង្វាក់នៃអ្នកទិញនិងអ្នកលក់អាចចាប់ដៃគូគ្នាបាន។

ឯកឧត្តម បានជំរុញដល់អ្នកផលិតរួមគ្នាបង្កើនសង្វាក់ផលិតប្រកបសក្តានុពលភាព គុណភាពមានអនាម័យ និងការវេចខ្ចប់ត្រឹមត្រូវ ដើម្បីបំពេញតម្រូវការឱ្យបានគ្រប់គ្រាន់ដល់អ្នកប្រើប្រាស់ក្នុងសហគមន៍ ក្នុងខេត្តជាមុនសិន មុននឹងឈាននាំចេញទៅក្រៅខេត្ត ឬក្រៅប្រទេស ស្របទៅនឹងយុទ្ធសាស្ត្រចតុកោណរបស់រាជរដ្ឋាភិបាល គោលនយោបាយអភិវឌ្ឍជាតិផ្សេងៗ។

សូមបញ្ជាក់ថា៖វេទិកាផ្គូផ្គងរវាងអ្នកផលិត និងអ្នកទិញក្នុងចលនាជំរុញចលនាភូមិមួយ ផលិតផលមួយនេះជាឱកាសល្អរវាងអ្នកផលិតនិងអ្នកទិញ ខណៈដែលផ្សារទំនើប ភោជនីយដ្ឋាន មណ្ឌលកំសាននានា នាំគ្នាមកមើល ទិញផលិតផល និងបានជជែកគ្នាអំពីគុណភាព តម្លៃនិងបង្ហាញពីតម្រូវផលិតផលសម្រាប់យកទៅលក់បន្តឬទិញយកទៅកែច្នៃ។ ក្រៅ តែពីសមាជិកភូមិមួយផលិតផលមួយចំនួន៤២ ផលិត ផល ខេត្តសៀមរាប ក៏បើកទូលាយដោយឥតលក្ខ័ណ្ឌដល់ក្រុមផលិតឬអ្នកលក់ឱ្យយកផលិតផលរបស់ខ្លួនមកដាក់តាំងបង្ហាញនិងលក់ជូនអតិថិជនបានដូចគ្នាផងដែរ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សេដ្ឋកិច្ច

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2023 រស្មីក្រុងយើង | Rasmey Krong Yoeng. All rights reserved. XHTML / CSS Valid.