ព័ត៌មាន​ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេសឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី បន្តវិនិច្ឆ័យក្បាលដីនៃការចុះបញ្ជីដីមានលក្ខណៈជាប្រព័ន្ធ នៅភូមិល្អឺនកាំងមីស ឃុំអូរជុំ ស្រុកអូរជុំ ខេត្តរតនគិរី - សេចក្តីប្រកាសព័ត៌មាន ស្តីពី លទ្ធផលនៃដំណើរទស្សនកិច្ចផ្លូវការរបស់ សម្ដេចមហាបវរធិបតី ហ៊ុន ម៉ាណែត នាយក រដ្ឋមន្រ្តី នៃព្រះរាជាណាចក្រកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប ប្រចាំការបិទផ្សាយជាសាធារណៈនូវឯកសារបញ្ជីឈ្មោះម្ចាស់ដី និងប្លង់សុរិយោដីតំបន់៣ កាត់មកតំបន់១ និងតំបន់២ ស្ថិតក្នុងភូមិសាស្រ្តឃុំកំពង់ភ្លុក ស្រុកប្រាសាទបាគង ខេត្តសៀមរាប - កិច្ចប្រជុំក្រុមការងារសិក្សាពិនិត្យ និងចុះបញ្ជីដីពាក់ព័ន្ធបុរាណដ្ឋាន ក្នុងភូមិសាស្ត្រខេត្តសៀមរាប មានចំនួន ១៩.០០០ក្បាលដី - ឯកឧត្តម សាយ សំអាល់ ថ្លែងថា អាងប្រព្រឹត្តកម្មទឹកកខ្វក់ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ - គណៈកម្មាធិការបណ្តុះបណ្តាលខេត្តសៀមរាបបើកកិច្ចប្រជុំផ្សព្វផ្សាយកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងងាយរងហានីភ័យ! - ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ - សមិទ្ធផលថ្មីព្រះវិហាវត្តទិព្វពិសីហៅវត្តដំរីឆ្លងដែលស្ថិតនៅឃុំសង្វើយស្រុកជីក្រែង ខេត្តសៀមរាបត្រូវបានប្រារព្ធពិធីសម្ពោធ និងកាត់ឫសសីមាដាក់ឱ្យប្រើប្រាស់ - កម្លាំងជំនាញផ្នែករដ្ឋបាលជលផលកំពង់ប្រសាទឃាត់បានឧបករណ៍នេសាទខុសច្បាប់!
0

ការ​ដង្ហែ​ក្បួន​តុក្តតា​យក្ស​ក្រោម​ប្រធាន​បទ​ខ្មែរ​ក្លាហាន​លើក​ទី​១២​នៅ​តាម​ដង​វិថី​ក្រុងសៀមរាប​មាន​អ្នក​ចូលរួម​យ៉ាង​ច្រើន​កុះ​ករ


ខេត្តសៀមរាប ÷ កាលពីល្ងាចថ្ងៃទី១១ ខែមីនា ឆ្នាំ២០២៣ នេះនៅទីក្រុងសៀមរាប មានរៀបចំកម្មវិធីដង្ហែក្បួនតុក្កតាយក្សលើកទី១២ប្រចាំឆ្នាំ២០២៣ ក្រោមប្រធានបទ*ខ្មែរក្លាហាន* ដែលព្រឹត្តិការណ៍នេះរៀបចំឡើងដោយអង្គការក្រៅរដ្ឋាភិបាលនិងអាជ្ញាធរ ខេត្តសៀមរាបរួមគ្នាដង្ហែរក្បួនតុក្កតាយក្សជាប្រភេទសត្វ និងរូបមនុស្ស ដែលធ្វើឡើងដោយឬស្សី ល្ពាក់ និងក្រដាសផ្សេងៗ ដោយធ្វើការដង្ហែចេញពីចំណុចមុខវត្ដដំណាក់ កាត់តាមបណ្ដោយផ្លូវខាងកើតដងស្ទឹងសៀមរាប និងផ្លូវសំខាន់ៗមួយចំនួនទៀត ឆ្ពោះទៅកាន់សួនច្បារព្រះរាជដំណាក់ក្រុងសៀមរាប ដើម្បីដាក់តាំងបង្ហាញឱ្យប្រជាពលរដ្ឋទស្សនាកំសាន្ដ និងចូលរួមគាំទ្រដល់ស្នារដៃសិល្បៈនិងបង្ហាញដល់ភ្ញៀវទេសចរទស្សនាកំសាន្ដ ។ ហើយការដង្ហែក្បួនតុក្កតាយក្សនាពេលនេះគឺដើម្បីលើកស្ទួយនូវវិស័យសិល្បៈ វិស័យអប់រំ វប្បធម៌ បរិស្ថាន និងដើម្បីឱ្យភ្ញៀវទេសចរមានការចាប់អារម្មណ៍ពីវិស័យសិល្បៈផងដែរ ។

ដោយសារ វិស័យសិល្បះ កំពុងតែមានការរីកចំរើន នៅក្នុងប្រទេសកម្ពុជានោះ ខេត្តសៀមរាប ធ្លាប់មានការរៀបចំព្រឹត្តិការណ៍ដ៏ភ្ញាក់ផ្អើល អស់រយះពេល ១២ឆ្នាំ រួមទាំងឆ្នាំនេះ ហើយជាមួយគ្នានេះដែរសម្រាប់ ការដង្ហែរតុក្កតាយក្សដោយមានមោទនភាពនៅតាម ដងផ្លូវក្នុងខេត្តសៀមរាបឡើងវិញនេះ នឹងមានមនុស្សយ៉ាងច្រើនកុះករឈរអម និងទស្សនាតាមដងផ្លូវ ព្រោះគម្រោងដង្ហែរតុក្តតាយក្សនេះ ជាព្រឹត្តិការណ៍ទេសចរណ៍មួយដែលតែងតែទាក់ទាញភ្ញៀវទេសចរបានជាច្រើន ក្នុង១ឆ្នាំៗ កាលពីមិនទាន់មានការរីករាតត្បាតជំងឺកូវីដ១៩ផងដែរ។

លោក អ៊ុន សាវ៉ាន់ អ្នករៀបចំកម្មវិធីកុក្កតាយក្ស បានមានប្រសាសន៍អោយដឹងថាក្បួនដង្ហែតុក្កតាយក្សនេះមានរយៈពេល១២ឆ្នាំមកហើយ ដោយចាប់ផ្តើមនៅឆ្នាំ២០០៧ ដែលទទួលបានលទ្ធផលជោគជ័យក្នុងក្រុងសៀមរាប។ លោកក៏បានឱ្យដឹងថា តុក្កតាយក្សឆ្នំា២០២៣ ក្រោមប្រធានបទខ្មែរក្លាហាន បន្ទាប់ពីអាក់ខានដោយសារការរាតត្បាតជាសាកលនៃជំងឺ កូវីដ១៩រយៈពេលជាង២ឆ្នាំកន្លងមក។ ការបង្ហាញតុក្ដាយក្សនេះដើម្បីលើកស្ទួយនូវវិស័យសិល្បៈ វប្បធម៌ បរិស្ថាន និងស្ដារឡើងវិញនូវក្បួនដង្ហែតុក្កតាយក្ស សម្រាប់ឱ្យមានការទាក់ទាញភ្ញៀវទេសចរផងដែរ។

លោកបន្ដថា កុក្កតាយក្សនេះ មានចំនួន៧តួអង្គ ដែលរចនាឡើងដោយអង្គការក្នុងស្រុកនិងក្រៅស្រុកជាង១០ស្ថាប័ន ដែលមានកុមារាកុមារីមកពីអង្គការ ព្រមទាំងសិស្សានុសិស្សនៅសាលាបឋមសិក្សាក្នុងស្រុកចំនួន២កន្លែងផងដែរ។ តុក្ដាយក្សមានតួអង្គចំនួន៧តុក្ដាក្នុងនោះ មានតួអង្គចំនួន៣សំខាន់ៗ រួមមានតួអង្គព្រះវេស្សន្ត បង្ហាញពីភាពធន់នឹងស្មារតីកម្ពុជា មេត្ដាករុណា តួអង្គអ្នកម្ដាយបង្ហាញពីការបីបាច់ថែរក្សាកូនៗរបស់ពួកគាត់ឱ្យរួចផុតពីការឆ្លងជំងឺ កូវីដ ១៩ និងតួអង្គតុក្កតាកសិករ បង្ហាញពីការប្រកបរបរកសិកម្ម ការផ្ដល់នូវស្រូវអង្ករដល់ប្រជាពលរដ្ឋដែលមិនបានធ្វើស្រែចំការផងដែរ និងមានរូបតុក្កតាសត្វត្រីកម្រ សត្វស្លាបនិងតំណាងសត្វល្អិតផងដែរ ដែលបញ្ចាំងពីធាតុនៃបរិស្ថានសង្គម វប្បធម៌ និងធម្មជាតិរបស់ប្រទេសកម្ពុជាពីសត្វជិតផុតពូជ។ សូមបញ្ជាក់ផងដែរថា ព្រឹត្តិការណ៍ដង្ហែតុក្កតាយក្ស ដ៏អស្ចារ្យនេះ មិនត្រឹមតែជាព្រឹត្តិការណ៍នៅ ព្រះរាជាណាចក្រ កម្ពុជា ប៉ុណ្ណោះទេ វាជាព្រឹត្តិការណ៍ដង្ហែតុក្កតាយក្ស ធំជាងគេនៅអាស៊ី-អាគ្នេយ៍យើងនេះ ហើយវាបានក្លាយជាព្រឹត្តិការណ៍ប្រចាំឆ្នាំ ប្រចាំខេត្ត និងជាព្រឹត្តិការណ៍ទេសចរណ៍មួយដែលបានទាក់ទាញ ភ្ញៀវទេសចរបរទេសមកទស្សនាព្រឹត្តិការណ៍ដង្ហែតុក្កតាយក្សនេះ ក៏ដូចជាប្រាង្គប្រាសាទ នានាក្នុង ព្រះរាជាណាចក្រកម្ពុជា ផងដែរ។

ហើយការដង្ហែតុក្កតាយក្សនោះ ប្រព្រឹត្តិទៅបានជោគជ័យ ដោយមានការកោតសរសើរ និងគាំទ្រពីបណ្ដាប្រជាពលរដ្ឋ ភ្ញៀវជាតិ អន្តរជាតិ អាជ្ញាធរ សមត្ថកិច្ច និងអ្នកដែលបានចូលរួមផងដែរ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សិល្បៈ

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.