ព័ត៌មាន​ទាន់ហេតុការណ៍
នៅខេត្តសៀមរាប ការិយាល័យបោះឆ្នោត សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ បានបើកចាប់ពីព្រឹកម៉ោង៧:០០នាទី នៅថ្ងៃនេះ - ការនាំចេញផលិតផលរបស់ក្រុមហ៊ុនសហគ្រាសឬសិប្បកម្មផលិតមិនមែនជាការងាយស្រួលទេ គឺទាមទារឱ្យមានការអភិវឌ្ឍគុណភាពផលិតនិងមានច្បាប់លិខិតបទដ្ឋានគតិយុត្តិនៃប្រទេសនាំចេញ - តើរដ្ឋាភិបាលគួរដាក់មន្ត្រីជំនាញចុះស៊ើបអង្កេតស្រាវជ្រាវឱ្យបានស៊ីជម្រៅលើប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ1នៅចំណុចឃុំកំពង់ភ្នំ ស្រុកលើកដែក ខេត្តកណ្ដាល ប្រមូលលុយតាមរបៀបពុករលួយពេញទំហឹង មិនញញីតអ្វីទាំងអស់? - កម្លាំងមន្ទីរប្រឆាំងបទល្មើសគ្រឿងញៀន បង្ក្រាបករណីដឹកជញ្ជូន ជួញដូរគ្រឿងញៀន ឃាត់ខ្លួនជនសង្ស័យ៤នាក់ រឹបអូសបានថ្នាំញៀនជាង ២គីឡូក្រាម  - លោកមេគយ យី ថុល ធ្វើតេស្តស្ទង់កម្លាំង សម្តេចធិបតី ហ៊ុន ម៉ាណែត ដើម្បីធ្វើជាគំរូពុករលួយដល់គយទូទាំងប្រទេស តើអាចឱ្យទំនិញលោតឆ័ត្របានទៀតឬទេ? - ករណីគ្រឿងចក្រកាយដីបឹង ស្រុកបាទី ខេត្តតាកែវ តើលោកអភិបាលស្រុកបានដឹងឬទេ? - ល្បែងមាន់ជល់អនឡាញយ៉ាងអាណាធិបតេយ្យនៅក្នុងទឹកដីខណ្ឌពោធិ៍សែនជ័យ ចង់សាកមើលតើលោក ម៉ម វុធី មេនគរបាលខណ្ឌពោធិ៍សែនជ័យ មានសមត្ថភាពបង្ក្រាបដែរឬទេ? - មន្ទីរប្រឆាំងបទល្មើសគ្រឿងញៀន សហការជាមួយស្នងការដ្ឋាននគរបាលខេត្តស្ទឹងត្រែង បង្ក្រាបករណីជួញដូរ និងដឹកជញ្ជូនគ្រឿងញៀនឆ្លងដែន រឹបអូសបានថ្នាំញៀនជិត ១៦០គីឡូក្រាម ដែលជនល្មើសបង្កប់ដឹកតាមគោយន្តកន្ត្រៃ - សកម្មភាពបងប្អូនក្រុមការងារវាលទី១៨ (ខណ្ឌមានជ័យ) ចុះប្រចាំការបិទផ្សាយជាសាធារណៈនូវឯកសារនៃការវិនិច្ឆ័យ ភូមិសាឡាំ ភូមិត្រពាំងខ្នារ និងភូមិស្រែខ្ញែរ ឃុំពោធិម្រាល ស្រុកបសេដ្ឋ ខេត្តកំពង់ស្ពឺ - អ្នកស្រី តូ ស៊ីម និងអ្នកស្រី សុខ ស៊ីណា ស្នើសុំដល់លោក សុខ ហេង អធិការនគរបាលខណ្ឌព្រែកព្នៅ មេត្តាជួយណែនាំដល់អធិការរងព្រហ្មទណ្ឌប្រគល់ម៉ូតូដែលបានឃាត់ទុកកាលពីថ្ងៃទី២៦ ខែវិច្ឆិកា ឆ្នាំ២០២៣!
0

ថ្ងៃ​បើក​បវេសន​កាល​ឆ្នាំ​សិក្សា​ថ្មី ​២០២២​-​២០២៣ ​នៅ​ខេត្ត​សៀមរាប


ខេត្តសៀមរាប ÷ ថ្ងៃទី ០២ខែ មករា ឆ្នាំ២០២៣នេះ គឺជាថ្ងៃបើកបវេសនកាលឆ្នាំសិក្សាថ្មី ២០២២-២០២៣ ដែលសិស្សានុសិស្ស ទាំងបឋមសិក្សា និងមធ្យមសិក្សា ចូលមកកាន់សាលារៀនជាថ្ងៃដំបូងរបស់ខ្លួន នៅទូទាំងព្រះរាជាណាចក្រកម្ពុជា ដែលជាថ្ងៃដំបូងនោះ ដែរយើងបានសង្កេតឃើញ សិស្សានុសិស្សនៅគ្រប់បណ្តាសាលាបឋមសិក្សា អនុវិទ្យាល័យ និង វិទ្យាល័យ ទាំងលោកគ្រូ អ្នកគ្រូ សាស្ត្រាចារ្យ បានមកជួបជុំគ្នាប្រារព្ធធ្វើពិធីអបអរសាទរ ថ្ងៃបើកបវេសនកាល ឆ្នាំសិក្សាថ្មី២០២២-២០២៣ ក្នុងនោះដែរក៏មានវត្តមានរបស់អស់លោក លោកស្រីថ្នាក់ដឹកនាំមន្ទីរ និងមាតាបិតា អាណាព្យាបាលសិស្សចូលរួមផងដែរ ។

នាព្រឹកនោះដែរ នៅគ្រប់បណ្តាគ្រឹះស្ថានសិក្សាទាំងអស់ ក៏មានរៀបចំធ្វើ ក្បួនដង្ហែរទៅតាមដងវិថីនានាក្នុងខេត្តសៀមរាប ប្រកបទៅដោយសណ្តាប់ធ្នាប់រៀបរយ វិន័យថ្លៃថ្នូរ ដោយមាន ការរំលេចនូវ បដារពាក្យស្លោកធំៗ នៅតាមក្បួនដង្ហែរ ព្រមទាំងមានការលាយឡំនូវសម្រែកជ័យឃោស របស់សិស្សានុសិស្ស បង្កប់នូវខ្លឹមសារ អត្ថន័យ ក្នុងការលើកស្ទួយ និង អភិវឌ្ឍន៍វិស័យអប់រំ ដើមី្បធានានូវគុណភាព នៃ ការបណ្តុះបណ្តាលធនធានមនុស្ស ដែលជាទំពាំងស្នងឬសី្ស នៃប្រទេសជាតិទៅថ្ងៃអនាគត ។

ក្នុងឱកាសបើកបវេសនកាលឆ្នាំសិក្សាថ្មី ២០២២-២០២៣ នៅវិទ្យាល័យ ១០មករា ១៩៧៩ លោក អ៊ឹង គឹមលាង អភិបាលរងខេត្ត តំណាងឯកឧត្តម ទៀ សីហា អភិបាលនៃគណៈអភិបាលខេត្ត បានអានសារលិខិតរបស់សម្តេចតេជោ ហ៊ុន សែន នាយករដ្ឋមន្ត្រី ក្នុងឱកាសបើកបវេសនកាលឆ្នាំសិក្សាថ្មី២០២២-២០២៣ ។ ក្នុងខ្លឹមសារលិខិតបានបញ្ជាក់ថា ឆ្លងកាត់ដំណាក់កាលដ៏លំបាក ដែលប្រជាជន និងរាជរដ្ឋាភិបាលកម្ពុជា បានឆ្លងកាត់នាពេលកន្លងមក និង តាមរយៈយុទ្ធនាការចាក់វ៉ាក់សាំងជូនដល់បុគ្គលិកអប់រំ សិស្សានុសិស្ស បានយ៉ាងហោចបីដូស ធ្វើឲ្យចូលរៀនសូត្រ និងអនុវត្តយ៉ាងមានប្រសិទ្ធភាពនូវ (គន្លងប្រក្រតីភាពថ្មី នៃវិស័យអប់រំ ) ហើយបានចាត់ទុកអាយុជីវិតរបស់បុគ្គលិកអប់រំ សិស្សានុសិស្ស ជាកត្តា អាទិភាព ការអនុវត្តយ៉ាងខ្ជាប់ខ្ជួន នូវវិធានការ ៣កុំ ៣ការពារ និង បានរៀបចំដំណើរការអប់រំ ទាំងប្រព័ន្ធអប់រំ ដែលមានភាពធន់ និង ឆ្លើយតបទៅនិងវិបត្តិ ។

ក្នុងសារលិខិត បានបញ្ជាក់ថា រាជរដ្ឋាភិបាលកម្ពុជាសង្ឃឹមយ៉ាងមុតមាំ កិច្ចដំណើរការឆ្នាំ សិក្សាថ្មី ២០២២-២០២៣ ប្រព្រឹត្តទៅដោយរលូន ធានាបានសុវត្ថិភាព ក្នុងការរៀនសូត្ររបស់សិស្សានុសិស្ស ដូចជាការប៉ះប៉ូវឡើងវិញ នូវលំហាត់ការសិក្សា ដែលបានខាតបង់កន្លងមក ។ ក្នុងសារលិខិតនោះដែរក៏បានលើកនូវចំណុចសំខាន់ របស់ក្រសួងអប់រំ ក្នុងការអនុវត្តឲ្យកាន់មានប្រសិទ្ធភាព ប្រសិទ្ធផលនូវទស្សនាទាន(គន្លងប្រក្រតីភាពថ្មីនៃវិស័យអប់រំ ) ដោយធានាសេវាអប់រំ ភាពធន់រស់រវើក និងការឆ្លើយតប។

មានប្រសាសន៍សំណេះសំណាលនោះ លោក អ៊ឹង គឹមលាង បានលើកឡើងថា យើងត្រូវយកចិត្តទុកដាក់ទាំងអស់គ្នា ដើម្បីធ្វើជាត្រីវិស័យតម្រង់ទិសឆ្ពោះទៅការកែទម្រង់សំដៅបន្តលើកកម្ពស់គុណភាព និង ប្រសិទ្ធភាពនៃការអប់រំបណ្តុះបណ្តាលធនធានមនុស្ស ក្នុងបរិការណ៍នៃសង្គមពុទ្ធិ និងសំដៅត្រៀមលក្ខណៈឲ្យបានល្អ និងបន្តផ្តោតការយកចិត្តទុកដាក់ដល់ការប្រមូលកុមារឲ្យបានចូលរួមគ្រប់ៗគ្នា ទោះបីជាពួកគេស្ថិតនៅទីណា រស់ក្នុងស្ថានភាពបែបណាក៏ដោយពោល គឺត្រូវទៅឲ្យដល់កន្លែងណាដែលយើងទៅមិនទាន់ដល់ សំខាន់តំបន់ដាច់ស្រយាល ដោយអនុវត្តតាមទិសស្លោក«សាលារៀនស្វែងរកកុមារ» ដើមី្បបង្កលក្ខណៈងាយស្រួលដល់កុមារ ទទួលបានការអប់រំប្រកបដោយសមធម៌នឹងជម្រុញឲ្យមានការចូលរួមពី គ្រប់ភាគីពាក់ព័ន្ធ ជាពិសេសមាតាបិតា អ្នកអាណាព្យាបាលសិស្ស ក្នុងការបង្កើតបរិស្ថានរៀនសូត្រដល់សិស្សានុសិស្សឲ្យប្រកបដោយផាសុកភាពទាំងផ្លូវកាយ និងផ្លូវចិត្ត ពោលគឺប្រែក្លាយសាលារៀនជាសាលាកុមារមេត្រី និង ដើម្បីឲ្យកុលបុត្រ កុលធីតាខ្មែរបានទទួលការអប់រំទាំងអស់គ្នា សមស្របតាមបាវចនាសម្រាប់ការងារអប់រំរបស់យើង ដែលបានលើកឡើងថា «ការអប់រំសម្រាប់ទាំងអស់គ្នា ទាំងអស់គ្នាដើម្បីការអប់រំ » និងចូលរួមយ៉ាងសកម្ម ក្នុងការជួយអប់រំកូនចៅឲ្យបានល្អ ទាំងផ្នែកសុខភាព ចំណេះដឹង និងសីលធម៌ ដើម្បីបន្តលើកកម្ពស់កិត្តិយសសង្គមជាតិ ស័ក្តិសមជាប្រជាពលរដ្ឋដែលមានឈាមជ័រតភ្ជាប់ពីសម័យអង្គរដ៏រុងរឿងនៃយើង។

លោកអភិបាលរងខេត្ត ក៏បានធ្វើការផ្តាំផ្ញើដល់ សិស្សានុសិស្ស លោកគ្រូអ្នកគ្រូ សូមឲ្យយកចិត្តទុកដាក់ខ្ពស់ក្នុងការបង្ហាត់បង្រៀនសិស្ស មិនត្រូវគិតពីផលប្រយោជន៍ផ្ទាល់ខ្លួន ដែលធ្វើឲ្យប៉ះពាល់កេរ្តិ៍ឈ្មោះរបស់មន្ត្រីអប់រំ ព្រមទាំងលើកកម្ពស់សីលធម៌សង្គម និង ជម្រុញដល់សិស្សានុសិស្សខិតខំរៀនសូត្រ ឲ្យទទួលបានលទ្ធផលល្អនៅពេលបំណាច់ឆ្នាំសិក្សា ឬ និទ្ទេស A នៅពេលប្រឡងបញ្ចប់មធ្យមសិក្សាទុតិយភូមិ ដែលកន្លងមកវិទ្យាល័យ១០មករា ១៩៧៩នេះ ក៏ទទួលបានកេរ្តិ៍ឈ្មោះចំណាត់ថ្នាក់ លេខ២ នៅទូទាំងប្រទេស និង សូមឲ្យក្មួយៗសិស្សា នុសិស្សទាំងអស់ រក្សានូវប្រពៃណី កេរ្តិ៍ឈ្មោះវិទ្យា ល័យ ១០មករា ១៩៧៩បន្តដល់សិស្សជំនាន់ក្រោយរបស់យើង និងគោរពឲ្យបាននូវច្បាប់ចរាចរណ៍ នៅក្នុង ពេលបើកបរ ត្រូវពាក់មួកសុវត្ថិភាព និង ដាក់ខែ្ស ក្រវ៉ាត់សុវត្ថិភាព ព្រមទាំងចាកចេញឲ្យឆ្ងាយពីគ្រឿង ញៀនទៀតផង ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.