ព័ត៌មាន​ទាន់ហេតុការណ៍
ក្រសួងរៀបចំដែនដី នគរូបនីយកម្ម និងសំណង់ បាននឹងកំពុងអនុវត្តយុទ្ធសាស្រ្តបញ្ចកោណ ដំណាក់កាលទី១ គោលនយោបាយអាទិភាពទាំង៦ និងចំណុចគន្លឹះទាំង៥របស់រាជរដ្ឋាភិបាលកម្ពុជាក្រោមការដឹកនាំដ៏ត្រឹមត្រូវរបស់សម្តេចមហាបវរធិបតីនាយករដ្ឋមន្ត្រី - ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីជំរុញដល់មន្ត្រីនិងអាជ្ញាធរពាក់ព័ន្ធត្រូវរួមគ្នាដោយយកចិត្តទុកដាក់ ដើម្បីសម្រេចតាមផែនការនៃការចុះបញ្ជីដីធ្លីជូនប្រជាពលរដ្ - អ្នកតំណាងរាស្ត្រមណ្ឌលសៀមរាប អញ្ជើញកាត់ខ្សែបូ សម្ពោធឆ្លងកុដិ ផ្លូវបេតុង និងដងទង់ ក្នុងវត្តរតនមុនីរោងគោ ស្រុកក្រឡាញ់ - អគ្គស្នងការនគរបាលជាតិ ប្រកាសការចូលកាន់មុខតំណែង ស្នងការនគរបាលខេត្តសៀមរាបថ្មី - អរគុណនយោបាយឈ្នះឈ្នះ អរគុណសន្តិភាព អរគុណស្ថាបនិកប្រតិបត្តិករសន្តិភាព - ពិធីប្រកាសដាក់ឱ្យប្រើប្រាស់ជាផ្លូវការសេវាសាធារណៈតាមប្រព័ន្ធឌីជីថល របស់ក្រសួងរៀបចំដែនដី នគរូបនីយកម្ម និងសំណង់ - ថ្នាក់ដឹកនាំសាសនាឥស្លាមខេត្តសៀមរាបរៀបចំអបអរសាទរថ្ងៃបិទបញ្ចប់ការបួសរ៉ម៉ាឌន និងរីករាយថ្ងៃបុណ្យរ៉យ៉ាហ្វីតទ្រី (បុណ្យចូលឆ្នាំរបស់សាសនិកឥស្លាម) - វិញ្ញាបនបត្រសម្គាល់ម្ចាស់អចលនវត្ថុចំនួន ១ ៥៦៦បណ្ណ ត្រូវបានចែកជូនបងប្អូនប្រជាពលរដ្ឋនៅភូមិអូរព្រាល ឃុំសំរោង ស្រុកភ្នំក្រវាញ ខេត្តពោធិ៍សាត់ - គណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា បន្តប្រជុំតាមដាន ត្រួតពិនិត្យ និងវាយតម្លៃគម្រោងអភិវឌ្ឍរមណីយដ្ឋានខ្សាច់កម្សាន្តសាធារណៈកម្រិតខ្ពស់ប្រវែង ២ ៧០០ម៉ែត្រ - អាជ្ញាធរសង្កាត់ស្រង៉ែក្រុងសៀមរាបធ្វើសង្ក្រាន្តឆ្នាំថ្មីដើម្បីចង់បង្ហាញវប្បធម៌ អរិយធម៌ ប្រពៃណី និង ទំនៀមទំលាប់របស់ខ្មែរ
0

មន្ទីរពេទ្យកុមារអង្គរបានធ្វើយុទ្ធនាការដើម្បីជួយសង្គ្រោះកុមារពីជំងឺមហារីក


ខេត្តសៀមរាប ÷ មន្ទីរពេទ្យកុមារអង្គរខេត្ដសៀមរាប (មន្ទីរពេទ្យបេះដូង) បានធ្វើយុទ្ធនាការអំពាវនាវរកជំនួយពីសប្បុរសជន ដើម្បីជួយសង្គ្រោះអាយុជីវិតកុមារពីជំងឺមហារីក ដែលជាជំងឺមហារីកដ៏លំបាកក្នុងការព្យាបាលនៅទូទាំងសកលលោក។ យុទ្ធនាការនេះ ធ្វើឡើងនៅទូទាំងប្រទេស ដោយចាប់ពីថ្ងៃទី២៤ ខែតុលាដល់ថ្ងៃទី១២ ខែធ្នូ ឆ្នាំ២០២២នេះ។

លោកវេជ្ជបណ្ឌិត សំ លីវណ្ណៈ ដែលជាវេជ្ជបណ្ឌិតឯកទេសជំងឺមហារីក បានពន្យល់ថា “ជំងឺមហារីកគឺជាជំងឺមួយដែលអាចកើតឡើងលើមនុស្សគ្រប់គ្នា រួមទាំងកុមារផងដែរ។ ជំងឺមហារីកបង្កឡើងនៅពេលកោសិកានៅក្នុងរាងកាយបំលែងខ្លួនដោយមិនអាចគ្រប់គ្រងបាន និងរីករាលដាលចូលទៅក្នុងសេរីរាង្គផ្សេងៗទៀតក្នុងខ្លួនយើង នៅក្នុងប្រទេសកម្ពុជា ចំនួនអ្នកកើតមហារីកកំពុងកើនឡើង។ លោក ក៍បានបន្តថា យោងទៅលើទិន្នន័យប្រទេសជិតខាងនៅក្នុងតំបន់ ជារៀងរាល់ឆ្នាំ មនុស្សប្រមាណ ១៥.០០០ ទៅ ១៨.០០០ ត្រូវបានធ្វើរោគវិនិច្ឆ័យអំពីជំងឺមហារីក ខណៈដែលមាន“ជាង ៥៥០នាក់ ក្នុងចំណោមនោះគឺជាកុមារ។ ដោយឡែកចំនួនកុមារដែលស្លាប់មុនការធ្វើរោគវិនិច្ឆ័យគឺមិនមានទិន្នន័យច្បាស់លាស់នោះទេ ប៉ុន្តែការស្រាវជ្រាវបង្ហាញពីអត្រារស់រានមានជីវិតសម្រាប់អ្នកដែលត្រូវបានគេធ្វើរោគវិនិច្ឆ័យថាមានកម្រិតទាប ត្រឹមតែ២០% ប៉ុណ្ណោះ។

លោកវេជ្ជបណ្ឌិត សំ លីវណ្ណៈ បានមានប្រសាសន៍បន្ថែមទៀតថា ជំងឺមហារីកកុមារស្ទើរតែទាំងអស់ត្រូវបានបញ្ជូនមកកាន់មន្ទីរពេទ្យកុមារអង្គរ ព្រោះជាជម្រើសតែមួយគត់របស់ពួកគេ។ នៅទីនេះ យើងអាចព្យាបាលពួកគេបាន”មន្ទីរពេទ្យកុមារអង្គរបានបើកដំណើរការផ្នែកជំងឺមហារីកនៅក្នុងឆ្នាំ២០១២ ដើម្បីពិនិត្យព្យាបាល និងថែទាំ ចំពោះជំងឺដ៏កាចសាហាវនេះ ក្នុងខណៈពេលដែលការព្យាបាលមហារីកបាតភ្នែកក៏បានចាប់ផ្តើមដែរ។ នៅក្នុងឆ្នាំ២០២១ កន្លងមក មន្ទីរពេទ្យបានដាក់ដំណើរការ អគារដាច់ដោយឡែកផ្តោតលើជំងឺមហារីក ដោយបានពិនិត្យព្យាបាល ថែទាំកុមារមហារីកចំនួនចំនួន ៥០៨ ករណី ក្នុងនោះ អ្នកជំងឺមហារីកចំនួនបីភាគបួន (៣/៤ភាគរយ) បានជាសះស្បើយ និងក៏កំពុងតែបន្តទទួលការព្យាបាល។ ការព្យាបាលជំងឺមហារីករួមបញ្ចូលគ្នានូវការវះកាត់ ការព្យាបាលដោយការចាក់ថ្នាំគីមី (ថ្នាំមហារីក) ការព្យាបាលដោយឡាស៊ែរ និងការព្យាបាលដោយប្រើគ្រីស្តាល់ (ដោយប្រើភាពត្រជាក់ខ្លាំងដើម្បីបង្កកជាលិកាមិនធម្មតា) និងព្យាបាលបំបាត់ការឈឺចាប់។ ការព្យាបាលជំងឺមហារីក មានភាពតានតឹងខ្លាំងសម្រាប់កុមារ និងក្រុមគ្រួសារ ដូច្នេះមន្ទីរពេទ្យកុមារអង្គរ ក៏មានរួមបញ្ចូលនូវសេវាគាំទ្រផ្នែកផ្លូវចិត្ត និងហិរញ្ញវត្ថុដល់អ្នកជំងឺមហារីក និងអាណាព្យាបាល ដូចជាការផ្តល់ប្រឹក្សា ប្រាក់ឧបត្ថម្ភធ្វើដំណើរ និងកញ្ចប់អាហារជាដើម។ មិនត្រឹមតែប៉ុណ្ណោះ ឪពុកម្តាយអ្នកជំងឺក៏ទទួលបានការអប់រំចំណេះដឹង អំពីស្ថានភាពរបស់កូនៗ ដែលជាផែនការព្យាបាល និងផលប៉ះពាល់នៃការព្យាបាល និងរបៀបថែទាំកូនរបស់ពួកគេនៅផ្ទះថែមទៀតផង។

លោកវេជ្ជបណ្ឌិត ខូវ ផារ៉ា ប្រធានផ្នែកអគារចក្ខុរោគ បានបង្ហាញថា “ក្នុងនាមជាគ្រូពេទ្យផ្នែកចក្ខុរោគម្នាក់នៃមន្ទីរពេទ្យកុមារអង្គរ លោកបានពិនិត្យនឹងព្យាបាល កុមារមហារីកបាតភ្នែកជាច្រើននាក់។ អាណាព្យា បាលអ្នកជំងឺភាគច្រើនភ្ញាក់ផ្ញើលនៅពេលដែលដឹងថាកូនរបស់ខ្លួនមានជំងឺមហារីកបាតភ្នែក។ គ្រូពេទ្យផ្នែកចក្ខុរោគ និងផ្នែកមហារីកធ្វើការយ៉ាងជិតស្និតជាមួយគ្នាក្នុងការព្យាបាលកុមារម្នាក់ៗ ឱ្យបានជាសះស្បើយ ពីមហារីកនោះ។

ដោយសារតែមានការប្រឈមនឹងបញ្ហាមូលនិធិ ហើយចំនួនអ្នកជំងឺកាន់តែកើនឡើង ទើបមន្ទីរពេទ្យសូមអំពាវនាវដល់សាធារណៈជនទាំងអស់ សូមេត្តាចូលរួមគាំទ្រដល់យុទ្ធនាការផ្សព្វផ្សាយរៃអង្គាសមួយនេះឲ្យបានទទួលជោគជ័យ សម្រាប់ការទ្រទ្រង់ផ្គត់ ផ្គង់សេវាពិនិត្យព្យាបាលថែទាំជំងឺមហារីកនៅក្នុងមន្ទីរពេទ្យកុមារអង្គរ។

លោកវេជ្ជបណ្ឌិត ងួន ច័ន្ទភក្ត្រា នាយកមន្ទីរពេទ្យកុមារអង្គរ ក៍បានពន្យល់ថា “ ដើម្បីដំណើរការផ្តល់សេវាពិនិត្យព្យាបាល និងថែទាំជំងឺមហារីកទាំងមូល យើងត្រូវការចំណាយថវិកាចន្លោះពី ៣៥០.០០០ ដុល្លារ ទៅ ៤៥០.០០០ដុល្លារអាមេរិក ក្នុងមួយឆ្នាំៗ ។ ប្រសិនបើគ្មានមូលនិធិគ្រប់គ្រាន់នោះទេ ការពិនិត្យ ព្យាបាល និងថែទាំជំងឺមហារីកអាចនឹងត្រូវកាត់បន្ថយ រឺប្រឈមនឹងការបិទបញ្ឈប់ គឺបណ្តាលឲ្យមានការប៉ះពាល់ដល់ជីវិតកុមារកម្ពុជា ជាច្រើនកំពុងតែមកទទួលសេវានេះ ពីមន្ទីរពេទ្យកុមារអង្គរយើង។

លោកនាយកមន្ទីរពេទ្យកុមារអង្គរ ក៍បានអំពាវនាវដល់សប្បុរសជន សូមឲ្យមានការគាំទ្រនិងផ្តល់ជំនួយជាការបរិច្ចាគថវិកាជាប្រចាំខែ ឬប្រចាំឆ្នាំ ដល់មន្ទីរពេទ្យកុមារអង្គរ និងចែករំលែកការអំពាវនាវនេះទៅកាន់មិត្តភ័ក្តិ និងក្រុមគ្រួសារ លោកអ្នកអាចជួយ សង្រ្គោះជីវិតកុមារក្នុងពេលបច្ចុប្បន្ននេះ និងទៅអនាគតផងដែរ ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សុខភាព

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.