កិច្ចពិភាក្សាលើកកម្ពស់ការគ្រប់គ្រងសម្រាម សំណល់រឹងទីក្រុងទេសចរណ៍ក្នុងបណ្តាប្រទេសនៅអាស៊ាន

ខេត្តសៀមរាប ÷ នាព្រឹកថ្ងៃទី០៤ ខែតុលា ឆ្នាំ២០២២ នេះនៅរដ្ឋបាលសាលាខេត្តសៀមរាបមានកិច្ចប្រជុំពិភាក្សាលើកកម្ពស់ការគ្រប់គ្រងសម្រាម សំណល់រឹងទីក្រុងទេសចរណ៍ក្នុងបណ្តាប្រទេសនៅអាស៊ាន ក្រោមវត្តមាន របស់លោក ឃុន លីនណេ អភិបាលរងខេត្តសៀមរាប និង លោក Frank Jattke នាយកគម្រោងកិច្ចសហប្រតិបត្តិការ អាល្លឺម៉ង់( giz ) ដោយមានការចូលរួមពីតំណាងក្រសួងបរិស្ថាន និង មន្ទីរ ពាក់ព័ន្ធចូលរួមផងដែរ។ នៅក្នុងគម្រោងកិច្ចសហប្រតិបត្តិការ អាល្លឺម៉ង់ បានជ្រើសរើសប្រទេសចំនួន ៣ក្នុងអាស៊ាន រួមមាន ខេត្តសៀមរាប នៃព្រះរាជា ណាចក្រកម្ពុជា , ខេត្ត វ៉ាងវៀង ប្រទេសឡាវ និងខេត្ត ដាឡាត ប្រទេសវៀតណាម ជាទីក្រុងសាកល្បងលើការគ្រប់គ្រងប្រកបដោយនិរន្តរភាព។

ដោយកំណើនប្រជាពលរដ្ឋកើនឡើងឥតឈប់ឈរ សំខាន់នៅក្នុងទីក្រុង បានបង្កបញ្ហាប្រឈមធំៗជាច្រើន សម្រាប់ការគ្រប់គ្រងរដ្ឋបាលសាធារណៈ ហើយ សម្រាម គឺជាសំណល់រឹងមានការកើនឡើងជាបន្តបន្ទាប់ នៅក្នុងរដ្ឋសមាជិក អាស៊ាន ដែលមានកង្វះខាតធនធាន និងហេដ្ឋារចនាសម្ព័ន្ធ ។ លោក ឃុន លីនណេ អភិបាលរងខេត្តសៀមរាប ក៏បានមានប្រសាសន៍លើកឡើងផងដែរថា នៅក្នុងមួយៗឆ្នាំ រាល់កាកសំណល់មានការកើនឡើងដល់១៦០ លានតោន ចាប់ពីឆ្នាំ២០០៦ ចំពោះសំណល់រឹង ក្នុងក្រុងទេសចរណ៍ ។ ក្នុងនោះលោកក៏មានការចាប់អារម្មណ៍ផងដែរ ចំពោះខេត្តសៀមរាប នៅពេលកំណើននៃភ្ញៀវទេសចរណ៍កើនឡើងវិញ ក្រោយពេលមានភាពធូរស្រាលនៃជម្ងឺកូវិដ ១៩ ដែលធ្វើឲ្យចំណោទបញ្ហាការសំណល់ទាំងរឹង និង រាវមានការកើនឡើង ។ ក្នុងនោះដែរលោកក៏បានសាទរផងដែរ ដែលគម្រោងកិច្ចសហប្រតិបត្តិការ អាល្លឺម៉ង់ ជ្រើសរើសយកខេត្តសៀមរាប ជាក្រុងអនុវត្តសាក ល្បង លើការគ្រប់គ្រងកាកសំណល់រឹង ព្រមទាំងគាំទ្រការអនុវត្តការគ្រប់គ្រងសំណល់ប្រកបដោយនិរន្តរភាព នៅក្នុងទីក្រុងទេសចរណ៍ខ្នាត មធ្យម កត្តាសំខាន់នោះលើកិច្ចសហប្រតិបត្តិការ រវាងក្រសួង ស្ថាប័នជាដៃគូរ សហការជាមួយសមាគមន៍ទេសចរ ណ៍ និងតួអង្គជាតិពាក់ព័ន្ធផ្សេងទៀត ដែលសកម្មក្នុងវិស័យគ្រប់គ្រងសំណល់ និងទេសចរណ៍ ។

លោកអភិបាលរងខេត្ត ក៏បានថ្លែង អំណរគុណចំពោះគម្រោងកិច្ចសហប្រតិបត្តិការ អាល្លឺម៉ង់ ដែលបានជ្រើសយកខេត្តសៀមរាប ក្នុងការអនុវត្តគម្រោងគ្រប់គ្រងកាកសំណល់នេះ។ មានប្រសាសន៍នោះដែរលោក Frank Jattke នាយកគម្រោងកិច្ចសហប្រតិ បត្តិការ អាល្លឺម៉ង់( giz ) បានបញ្ជាក់ថា គម្រោងនេះ មានគោលបំណងចូលរួមចំណែក ក្នុងការធ្វើឲ្យប្រសើរឡើង នូវគុណភាពបរិស្ថានក្នុងក្រុងទេស ចរណ៍ខ្នាត មធ្យមនៅក្នុងតំបន់អាស៊ាន ។ តាមរយៈការពង្រឹងសមត្ថភាពនៃការទុកដាក់សំណល់ចុងក្រោយ និងការកែច្នៃឡើងវិញ ប្រកបដោយប្រសិទ្ធភាព។ ម៉្យាងទៀតគម្រោងនេះត្រូវបានផ្តល់មូលនិធិដោយក្រសួងសហព័ន្ធសម្រាប់កិច្ចសហប្រតិបត្តិការសេដ្ឋកិច្ច និងអភិវឌ្ឍន៍ ដែលអនុវត្តដោយភ្នាក់ងារកិច្ចសហប្រតិបត្តិការ អាល្លឺម៉ង់( giz ) ក្នុងកិច្ចសហប្រតិបត្តិការជិតស្និតជាមួយលេខាធិការដ្ឋានអាស៊ាន ។ លោកបន្តទៀតថា គម្រោងនេះ ក៏បានរួមចំណែកដល់ការសម្រេចបាននូវគោលដៅរបស់អាស៊ាន ដូចបានចែងក្នុងផែនការមេ របស់សហគមន៍សង្គមវប្បធម៌អាស៊ាន ឆ្នាំ២០២៥។ កាបង្កើនប្រសិទ្ធ ភាពនៃការគ្រប់គ្រងសំណល់រឹង និង ការកែច្នៃឡើងវិញប្រកបនិរន្តរភាព និង គិតគូរពីតួនាទីរបស់យេនឌ័រ នៅក្នុងទីក្រុង ទេសចរណ៍គោលដៅ៕

ដោយ ÷ ពន្លឺ