ព័ត៌មាន​ទាន់ហេតុការណ៍
លេខទូរស័ព្ទបន្ទាន់ 1291 របស់ កងរាជអាវុធហត្ថរាជធានីភ្នំពេញ កំពុងទទួលបានការចាប់អារម្មណ៍ និងជឿទុកចិត្តពីប្រជាពលរដ្ឋក្នុងភូមិសាស្រ្តរាជធានីភ្នំពេញ  - ក្រុមការងារអាវុធហត្ថរាជធានីភ្នំពេញ នាំយកអំណោយចុះសួរសុខទុក្ខ គ្រួសារសមាជិក ដែលមានប្រពន្ធទើបសម្រាលកូន! - ឧត្តមសេនីយ៍ឯក រ័ត្ន ស្រ៊ាង បន្តចាត់ក្រុមការងារនាំយកអំណោយ ចុះសួរសុខទុក្ខ លោកមេបញ្ជាការរង អាវុធហត្ថខណ្ឌឫស្សីកែវ ដែលមានជំងឺធ្ងន់ធ្ងរ កំពុងសម្រាកព្យាបាល នៅមន្ទីរពេទ្យព្រះកេតុមាលា  - មេបញ្ជាការអាវុធហត្ថខណ្ឌឬស្សីកែវចុះសួរសុខទុក្ខ សមាជិកមានជំងឺប្រចាំកាយកំពុងសម្រាកព្យាបាលនៅមន្ទីរពេទ្យព្រះកេតុមាលា - លោកវរសេនីយ៍ឯក សៀ ទីន សម្តែងការអបអរសាទរចំពោះ សិក្ខាកាមវគ្គបណ្តុះបណ្តាលយោធាចារ្យ ជំនាញបាញ់អាវុធខ្លី នៅសាលានាយទាហានសកម្ម! - ស្រ្តីស្វិតជើងទាំងសងខាងទទួលស្នើសុំរទេះរុញមួយសម្រាប់ប្រើប្រាស់ប្រចាំថ្ងៃ - ប្តីដើមស្លាប់ ប្តីចុងជាប់គុក ព្រោះតែឥទ្ធិពលស្នេហា! - ឧត្តមសេនីយ៍ឯក រ័ត្ន ស្រ៊ាង ព្រមជាមួយ ក្រុមគ្រួសារសាច់ញាតិ អតីតលោកគ្រូអ្នកគ្រូមិត្តរួមជំនាន់សាលាបាក់ទូក និងមន្ត្រីក្រោមឱវាទ អញ្ជើញចូលរួមកាន់បិណ្ឌទី៧ នៅវត្តព្រះបារមីវង្កដ្ឋបុរីកបិលភ័ស្តុ! - ឧត្តមសេនីយ៍ឯក រ័ត្ន ស្រ៊ាង និង ឯកឧត្តម កើត ឆែ អញ្ជើញបញ្ចុះបឋមសិលាសាងសង់អគារមូលដ្ឋាន កងរាជអាវុធហត្ថខណ្ឌកំបូល  - ល្បែងឡូតូ និង​ល្បែង​ជល់មាន់​អនឡាញ (Online) កំពុង​រីក​ដូច​ផ្សិតក្នុងស្រុកសំរោង តើជាឆ្នាំងបាយប្រចាំខែរបស់លោកអធិការស្រុកសំរោងឬទេ?
0

ធនាគារ​ធំមួយ​របស់​ចិន ទិញ​ភាគហ៊ុន​គ្រឹះស្ថាន​មីក្រូ​ហិរញ្ញវត្ថុ អេ អឹម ខេ


ភ្នំពេញ ៖​ ធនាគារ​ពាណិជ្ជ និង​សន្សំ​សៀងហៃ (The Shanghai Commercial & Savings Bank, Ltd.) ហៅ​កាត់​ថា SCSB ដែល​មាន​ដើម​កំណើត​នៅ​ទីក្រុង​សៀងហៃ ប្រទេស​ចិន បាន​ក្លាយ​ជា​ភាគទុនិក​ថ្មី នៃ​គ្រឹះស្ថាន​មីក្រូ​ហិរញ្ញវត្ថុ​អេ អឹម ខេ (AMK)។ នេះ​បើ​យោង​តាម​សេចក្ដី​ប្រកាស​ព័ត៌មាន​របស់ AMK។

សេចក្ដី​ប្រកាស​ព័ត៌មាន​ដដែល មិន​បញ្ជាក់​ពី​ចំនួន​ភាគហ៊ុន​ដែល SCSB បាន​ទិញ​យក​នោះទេ ប៉ុន្តែ​តាម​ការ​ចុះផ្សាយ​របស់​កាសែត​ភ្នំពេញប៉ុស្តិ៍ បាន​ឲ្យដឹងថា អេ អឹម ខេ បាន​លក់​ភាគហ៊ុន​ ៨០{cd5bdb6ac61e7c4949e2b5eddea10f7a39669d1fb1784b7fffa616dbf3eb4004} ឲ្យ​ទៅធនាគារ​ដែល​មាន​មូលដ្ឋាននៅ​សៀងហៃ​នោះ។

អេ អឹម ខេ បាន​បញ្ជាក់​នៅ​ក្នុង​សេចក្ដី​ប្រកាស​ព័ត៌មាន​របស់​ខ្លួន​ថា ការសម្រេចចិត្តទទួលយកភាគទុនិកថ្មី គឺដោយ​សារ​ហេតុផល ២យ៉ាង ៖
ទី១. ភាគទុនិកចាស់ចំនួនបីរបស់ អេ អឹម ខេ ផុតកំណត់អណត្តវិនិយោគនឹងត្រូវចាកចេញ
ទី២. ដោយសារតែបេសកកម្ម និងទស្សនវិស័យរបស់ SCSB និង អេ អឹម ខេ មានលក្ខណៈដូចគ្នាស្ទើរតែទាំងស្រុង គឺជួយ​ដល់ប្រជាពលរដ្ឋក្រីក្រភាគច្រើន តាម​រយៈការផ្តល់សេវាមីក្រូហិរញ្ញវត្ថុសមស្រប និងឋិតថេរ។

បច្ចុប្បន្ននេះ អេ អឹម ខេ មានភាគទុនិកចំនួន៥ គឺ Agora Microfinance N.V. (AMNV), Rural Impulse Fund II S.A. SICAV-FIS (RIF II), Société de Promotion et de Participation pour la Coopération Economique S. A. (PROPARCO) មូលនិ​ធិអភិវឌ្ឈន៍កម្ពុជា-ឡាវ (CLDF) និងសមាគមបុគ្គលិក អេ អឹម ខេ (AMK-SA)។ ប៉ុន្តែភាគទុនិក​ចំនួនបីនឹងត្រូវផុត​កំណត់​អណត្ត​វិនិយោគ គឺ RIF II, PROPARCO និង CLDF។

លោក គា បូរាណ ប្រធាននាយកប្រតិបត្តិ អេ អឹម ខេ បានលើកឡើងថា “វាជាឱកាសរបស់ អេ អឹម ខេ ដែលយើងជ្រើសរើស​យក SCSB ព្រោះយើងនៅតែមានជំនឿយ៉ាងមុតមាំថា​ ប្រព័ន្ធធនាគារមួយដែលមានភាពរឹងមាំ គឺត្រូវការម្ចាស់ភាគ​ហ៊ុនដែល​មានប្រភពទុនធំ ហើយ SCSB គឺជាធនាគារមួយដែលមានភាពស័ក្តសម អាចនាំ អេ អឹម ខេ អភិវឌ្ឍទៅជំហានបន្ទាប់ទៀត”។

លោកបានបន្តទៀតថា “នៅពេលដែលយើងមានប្រភពទុនធំ មានអ្នកជំនាញចាំជួយយើង អេ អឹម ខេ នឹងមានឱកាសកាន់​តែច្រើន​ ក្នុងការពង្រីកអាជីវកម្មរបស់​ខ្លួនដែលធ្វើឲ្យផលិតផល និងសេវាកម្មរបស់យើងកាន់តែមាន​ភាពសម្បូរបែបជូន​ដល់​អតិថិជន​ទូទៅ ជាពិសេសប្រជាជននៅតំបន់ជនបទមានឱកាសគ្រប់ៗគ្នាក្នុងការប្រើប្រាស់ផលិតផល និងសេវាហិរញ្ញវត្ថុ អេ អឹម ខេ ដើម្បីធ្វើឲ្យជីវភាពរបស់ពួកគាត់មានភាពប្រសើរឡើង…”។

សូមបញ្ជាក់ថា អេ អឹម ខេ គឺជាគ្រឹះស្ថានមីក្រូហិរញ្ញវត្ថុធំមួយ​នៅ​កម្ពុជា ដែល​មាន​​បុគ្គលិកសរុបចំនួនជាង ២៦០០នាក់ (គិតត្រឹម​ខែឧសភា ឆ្នាំ២០១៨) និង​មាន​អតិថិជនចំនួនជាង ៧៨ម៉ឺននាក់។ អេ អឹម ខេ មាន​ផលប័ត្រប្រាក់​កម្ចីជាង ២៣០ លានដុល្លារអាមេរិក ប្រាក់បញ្ញើជាង ១២៦លានដុល្លារអាមេរិក ការិយាល័យប្រតិបត្តិការចំនួន ១៥០កន្លែង និង​ភ្នាក់ងារ​ជាង ៣៥០០កន្លែងនៅ​ទូទាំង​ប្រទេស។ ចំណែក​ធនាគារ​ SCSB ត្រូវបានបង្កើតឡើងនៅទីក្រុងស៊ាងហៃ ឆ្នាំ១៩១៥ ដោយ​បច្ចុប្បន្ន​មាន​បុគ្គលិក​ជាង ៤ពាន់​នាក់ និងមាន​ការិយាល័យ​ប្រតិបត្តការ​ចំនួន ៤៤៧ ទូទាំង​ពិភពលោក។ ធនាគារ​នេះ គ្រប់គ្រងទ្រព្យ​សកម្មសរុបចំនួន ជាង ៥៨ ពាន់លានដុល្លារ ដើមទុនជាង ១,៣ ពាន់លានដុល្លារអាមេរិក និងមូលធនរបស់ម្ចាស់​ភាគហ៊ុន​សរុប​ជាង ៥,៥ពាន់លានដុល្លារអាមេរិក។

គួរ​រំលឹក​ដែរថា ​គ្រឹះស្ថាន​មីក្រូហិរញ្ញវត្ថុ​ ចំនួន ២ ទៀត ក៏បាន​លក់​ភាគហ៊ុន​របស់​ខ្លួន ឲ្យ​ធនាគារ​ក្រៅ​ស្រុក​ផងដែរ នា​ប៉ុន្មាន​ខែ​ចុងក្រោយ​នេះ។ គ្រឹះស្ថាន​មីក្រូ​ហិរញ្ញវត្ថុ​ VisionFund Cambodia បាន​លក់​ភាគហ៊ុន​ទាំង​អស់​របស់​ខ្លួន ឲ្យ​ទៅធនាគារ Woori Bank របស់​កូរ៉េខាងត្បូងកាលពី​ខែមិថុនា ខណៈ​គ្រឹះស្ថាន​មីក្រូ​ហិរញ្ញវត្ថុសាមិក បាន​លក់​ប្រតិបត្តិការ​ទាំង​មូល​របស់​ខ្លួន​ឲ្យ​ទៅ​ធនាគារ NongHyup Bank របស់​កូរ៉េខាងត្បូង​ដូចគ្នាដែរ នា​ខែសីហា​នេះ៕

ដោយ ៖ កុសល់


Filed in: ព័ត៌មានជាតិ, ព័ត៌មានថ្មីៗ, សេដ្ឋកិច្ច

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.