ព័ត៌មាន​ទាន់ហេតុការណ៍
ចោរឆក់ខ្សែ-ក ក្មេងកំពុងលេងនៅមុខផ្ទះសម្រេចបាន៥ថ្ងៃ មិនទាន់បានលក់ចេញជាលុយផង ត្រូវជាប់ខ្នោះដៃ អាវុធហត្ថរាជធានីភ្នំពេញ! - ចំការពូជឈើធ្នង់ចំនួន១០ហិកតាត្រូវភ្លើងឆាបឆេះ នៅស្រុកស្វាយលើ ខេត្តសៀមរាប - បិទវគ្គបណ្តុះបណ្តាលកម្រិតបឋមវិជ្ជាជីវៈនគរបាលដល់សិស្សនាយនគរបាលនិងសិស្សនាយនគរបាល ជ័យលាភីជំនាន់ទី១៦ - គណៈកម្មាធិការពិគ្រោះយោបល់ កិច្ចការស្ត្រី និងកុមារ ខេត្តសៀមរាប បើកសិក្ខាសាលាឆ្លុះបញ្ចាំងលទ្ធផលការងារនៃការអនុវត្តផែនការសកម្មភាពឆ្នាំ២០២២និងលើកទិសដៅអនុវត្តបន្តឆ្នាំ២០២៣ - ថវិកា រួមនឹងអំណោយ របស់លោកនាយឧត្តមសេនីយ៍ សៅ សុខា ត្រូវបានប្រគល់ជូន គ្រួសារសព អតីតមន្ត្រី អាវុធហត្ថរាជធានីភ្នំពេញ! - អ្នកភូមិបង្កោង ឃុំអំពិល ស្រុកប្រាសាទបាគង ខេត្តសៀមរាបនៅតែរក្សាបានទំនៀមចាប់ត្រីរួមគ្នា សម្រាប់ធ្វើម្ហូបត្រៀមឡើងមាឃឬឡើងអ្នកតា - ក្បាលដីចំនួន២.៩០១ក្បាលដីចំនួន៣ភូមិ ក្នុងសង្កាត់ស្រង៉ែក្រុងសៀមរាបត្រូវបានបិទផ្សាយ ជាសាធារណៈនូវឯកសារ នៃការវិនិច្ឆ័យក្នុងការចុះបញ្ជីដីធ្លីដែលមានលក្ខណៈជាប្រព័ន្ធ  - ការចិញ្ចឹមក្របីអាចបង្កើនចំណូលសម្រាប់ផ្គត់ផ្គង់ជាភាពគ្រួសារ - ស្ថាប័ន GIZ នៃប្រទេសអាល្លឺម៉ង់ ជាដៃគូសំខាន់ជួយ បណ្តុះបណ្តាលធនធានមនុស្សខ្មែរជំនាន់ថ្មី លើផ្នែកអភិរក្ស និងព្យាបាលថ្មប្រាសាទបុរាណក្នុងតំបន់អង្គរ - ការប្រកួតបាល់ទាត់ពានរង្វាន់មិត្តភាព យុវនិស្សិតខេត្តបន្ទាយមានជ័យដែលរៀននៅរាជធានីភ្នំពេញ ចាប់ផ្តើមបើកជាថ្មី បន្ទាប់ពីអាក់ខានអស់៣ឆ្នាំ!
0

ទិវា​ជន​មាន​ពិការ​ភាព​កម្ពុជា​លើក​ទី​២៤ ​និង​ទិវា​ជន​មាន​ពិការ​ភាព​អន្តរ​ជាតិ​លើក​ទី​៤០​ក្រោម​ប្រធាន​បទ​ “ពិការ​ភាព​ទាំង​អស់​មិន​អាច​កំណត់​ដោយ​ការ​មើល​នឹង​ភ្នែក​នោះ​ទេ​”


ខេត្តសៀមរាប ÷ នៅថ្ងៃទី២៣ខែធ្នូឆ្នាំ២០២២ មន្ទីរសង្គមកិច្ចអតីតយុទ្ឋជននិងយុវនិតិសម្បទាខេត្តសៀមរាបសហការជាមួយរដ្ឋបាលខេត្ត បានរៀបចំទិវាជនមានពិការភាពកម្ពុជាលើកទី២៤ និងទិវាជនមានពិការភាពអន្តរជាតិលើកទី៤០ក្រោមប្រធានបទ “ពិការភាពទាំងអស់មិនអាចកំណត់ដោយការមើលនឹងភ្នែកនោះទេ” ក្រោមអធិបតីភាព ឯកឧត្តម ទេស ច័ន្ទគិរី សមាជិកក្រុមប្រឹក្សាខេត្ត ឯកឧត្តម ភា សុផាត ទីប្រឹក្សាក្រសួងសង្គមកិច្ចអតីតយុទ្ឋជននិងយុវនិតិសម្បទា និងវត្តមានប្រធាន អនុប្រធានមន្ទីរអង្គភាពនានាក្នុងខេត្ត អង្គការដៃគូនិងបងប្អូនមានពិការភាពជាច្រើនរូបផងដែរ។ ពិធីនេះធ្វើឡើងក្នុងគោលបំណងបង្កើនការយល់ដឹងអំពីពិការភាពដើម្បីលើកស្ទួយការអនុវត្តកាតព្វកិច្ចនានាឈានទៅសម្រេចឱ្យខាងតែបាននូវការអនុវត្តអភិក្រម ធ្វើឲ្យក្លាយជាការពិតដើម្បីផ្លាស់ប្តូរផ្នត់គំនិតការប្រើប្រាស់ពាក្យសំដីប្រមាថមាក់ងាយសើចចំអកឡកឡើយដែលនាំឱ្យប៉ះពាល់ដល់សិទ្ឋិនិងសេចក្តីថ្លៃថ្នូរហើយវាអាចបាត់បង់ឱកាសចូលរួមយ៉ាងពេញលេញរបស់ជនមានពិការភាព។ ទិវាជនពិការត្រូវបានកំណត់ជា សកលដោយអង្គការសហប្រជាជាតិនៅឆ្នាំ១៩៨២ ហើយកម្ពុជាបានរៀបចំពិធីនេះជាផ្លូវការនៅឆ្នាំ១៩៩៩ជារៀងរាល់ឆ្នាំ ក្នុងគោលបំណង លើកកម្ពស់ការគោរពសិទ្ឋិសេរីភាព លុបបំបាត់ការរើសអើងជំរុញការអភិវឌ្ឍនិងធ្វើបរិយាប័ន្នជនមានពិការភាព ក្នុងការងារសេដ្ឋកិច្ចសង្គម វប្បធម៌ នយោបាយស្របតាមច្បាប់ស្តីពីកិច្ចការពារនិងលើកកម្ពស់សិទ្ឋិជនពិការដែលជាគន្លឺះធានាការលើកកម្ពស់សិទ្ឋិសេរីភាពសេចក្តីថ្លៃថ្នូរនិងគ្មានឧបសគ្គ។

ក្នុងរបាយការណ៍ លោក គង់ សំអឿន ប្រធានមន្ទីរសង្គមកិច្ចអតីតយុទ្ឋជននិងយុវនិតិសម្បទាខេត្តថា៖ខេត្តសៀមរាបក្នុងឆ្នាំ២០២២ ជនមានពិការភាពប្រមាណ១.៣០៥នាក់បានមកទទួលសេវាស្តារលទ្ឋភាពពលកម្មកាយសម្បទានៅមជ្ឈមណ្ឌលស្តារលទ្ឋភាពពលកម្មកាយសម្បទាគ្រប់ប្រភេទដោយឥតគិតថ្លៃរួមជាមួយនឹងកញ្ចប់ឧបត្ថម្ភរបបគោលនយោបាយសម្រាប់ការធ្វើដំណើរ ការហូបចុក ស្នាក់នៅក្នុងអំឡុងពេលទទួលសេវាបានផ្តល់ឧបករណ៍ទ្រទ្រង់រាងកាយចំនួន៩២០គ្រឿង ដែលសេវានេះអាចឆ្លើយតបទៅនឹងតម្រូវការរបស់ជនមានពិការភាពទាំងបរិមាណនិងគុណភាព។

ឯកឧត្តម ទេស ច័ន្ទគិរី សមាជិកក្រុមប្រឹក្សាខេត្ត ចាត់ទុកប្រធានបទនៃទិវាជនមានពិការភាពក្នុងឆ្នាំ២០២២ នេះថានឹងក្លាយជាឱកាសជំរុញលើកទឹកចិត្តនិងលើកកម្ពស់សិទ្ធិដល់ជនមានពិការភាពនៅទូទាំងប្រទេស កម្ពុជា ជាមួយគ្នានោះ ឯកឧត្តម បាននាំយកនូវការផ្ដាំផ្ញើការសាកសួរសុខទុក្ខយ៉ាងកក់ក្ដៅពីសម្តេចអគ្គមហាសេនាបតីតេជោហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានកិត្តិយសក្រុមប្រឹក្សាសកម្មភាពជនពិការ និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាល សម្ដេចទាំងពីរ តែងយកចិត្តទុកដាក់ និងគិតគូរខ្ពស់ពីសុខទុក្ខ និងជីវភាពរស់នៅរបស់បងប្អូនជនមានពិការភាពគ្រប់រូបមិនថានៅទីក្រុងឬទីជនបទ។

ឯកឧត្តម មានប្រសាសន៍ថា៖ ព្រះរាជាណាចក្រកម្ពុជា ប្រារព្ធទិវាជនមានពិការភាពនេះឡើង គឺដើម្បីរំលឹក អំពីមហាវិនាសកម្មកើតឡើងដោយសារសង្គ្រាម ជាពិសេសដោយរបបប្រល័យពូជសាសន៍ ប៉ុល ពត ដែលបាន បន្សល់ទុកនូវផលវិបាកជាច្រើនរួមមាន៖ ស្រ្តីមេម៉ាយ កុមារកំព្រា ជនមានពិការភាព ព្រមទាំងបន្សល់នូវគ្រាប់មីន និងកាកសំណល់ជាតិផ្ទុះសល់ពីសង្គ្រាមរាប់លានតោន នេះជាសោកនាដ កម្មមួយរបស់កម្ពុជាដែលប្រជាជនកម្ពុជាធ្លាប់ទទួល រងពីការទម្លាក់គ្រាប់បែករាប់លានតោន ហើយធ្វើឱ្យរបួស ពិការ ស្លាប់រាប់លាននាក់ដោយគ្មានការ ទទួលខុសត្រូវហើយបន្ទុកបានធ្លាក់មកលើរាជរដ្ឋាភិបាលកម្ពុជាក្នុងសម័យនេះ។ រាជរដ្ឋាភិបាលកម្ពុជា ក្រោមការដឹកនាំដ៏ត្រឹមត្រូវប្រកបដោយគតិបណ្ឌិតរបស់    សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី មិនបានទុកជនមានពិការភាពឱ្យនៅឯកានោះឡើយ ពោលគឺបានចាត់ថ្នាក់ដឹកនាំក្រសួងសង្គមកិច្ច អតីតយុទ្ធ ជន និងយុវនីតិសម្បទា និងក្រុមប្រឹក្សាសកម្មភាពជនពិការ រដ្ឋបាលខេត្ត មន្ទីរ អង្គភាពនានា ចុះសាកសួរសុខទុក្ខ និងចែកអំណោយដ៏ថ្លៃថ្លាជូន បងប្អូន កូនក្មួយ មានពិការភាពនៅតាមបណ្តាសមាគម អង្គការមិនមែនរដ្ឋាភិបាលនានាដើម្បីផ្តល់ភាពកក់ក្តៅ ដែលប្រការនេះបង្ហាញអំពីការយកចិត្តទុកដាក់ គ្រប់កាលៈទេសៈ គ្រប់ពេលវេលា ក្នុងនាមជាអាណាព្យាបាល ដែលមានការទទួលខុសត្រូវខ្ពស់៕


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2023 រស្មីក្រុងយើង | Rasmey Krong Yoeng. All rights reserved. XHTML / CSS Valid.