ល្បីថាបុគ្គលឈ្មោះ ប្រាក់ សំអឿន (Prak Sam Oeun) កាងទីតាំងល្បែងស៊ីសងមាន់ជល់ និងឆ្នោតឡូតូតាមប្រព័ន្ធអនឡាញកំពុងផ្គើននិងអនុសាសន៏របស់ប្រមុខរាជរដ្ឋាភិបាលអាណត្តិទី័ ៧ មែនឬទេ?

រាជធានីភ្នំពេញ៖ នៅថ្ងៃទី២៨ ខែសីហាឆ្នាំ ២០២៥ សេចក្តីរាយការណ៍ពីទីតាំងល្បែងស៊ីសងមាន់ជល់ និងឆ្នោតឡូតូតាមប្រព័ន្ធអនឡាញនៅក្នុងតារាងបាលទះមួយកន្លែងកំពុងបើកដំណើរការបានដោយរលូនស្ថិតនៅតាមបណ្ដោយផ្លូវលំ ភូមិកាកាប សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។

តាមស្តី្រម្នាក់ដែលមានប្តីចាញ់ប្រាក់អស់រាប់ពាន់ដុល្លារបានឪ្យដឹងទៀតថាទីតាំងខាងលើនេះពោរពេញទៅដោយអ្នកញៀនល្បែងទាំងប្រុសទាំងស្រីចូលលេងយ៉ាងអធិបតេយ្យយ៉ាងត្រជាក់ចិត្ត សង្ស័យទីតាំងខាងលើនេះប្រហែលមានខ្នងបង្អែកធំហើយមើលទៅ? បានជាអាជ្ញាធរខណ្ឌពោធិ៍សែនជ័យមិនបង្ក្រាបឱ្យបាត់សោះឡើយ ដោយបានឃើញចុះបង្ក្រាបម្តងក្រោយពីសមត្ថកិច្ចអញ្ចើញត្រឡប់ទៅវិញ បើកលែងយ៉ាងពពាក់ពពួនយ៉ាងពេញទំហឹងគ្មានខ្វល់ជាមួយបងប្អូនណាឡើយ ។ មិនតែប៉ុណ្ណោះអ្នកស្រីបានបញ្ជាក់ប្រាប់ថា ទីតាំងខាងលើនេះជារបស់ឈ្មោះ ប្រាក់ សំអឿន (Prak Sam Oeun) តាមអាខោនតេឡេក្រាម ដោយបុគ្គលនោះបានអួតក្តែងៗប្រាប់អ្នកចូលលេងល្បែងទាំងអស់នោះថា ខ្លួនបានសែនជាខែជូនលោកធំៗចាប់ពីក្រោមដល់លើអស់ហើយមិនបាច់ខ្វះនិងការបង្ក្រាបនោះទេ បើសមត្ថកិច្ចចុះមក គឺគ្រាន់តែបង្គ្រប់កិច្ចឱ្យល្អមើលដូចលេងសៀកតែប៉ុណ្ណោះ ។

ជាថ្មីម្តងទៀងប្រជាពលរដ្ឋសំណូមពរដល់ លោក ម៉ន វុទ្ធី អធិការខណ្ឌពោធិ៍សែនជ័យ ជាពិសេសលោក សក់ ច័ន្ទកញ្ញារិទ្ធិ អភិបាល ខណ្ឌពោធិ៍សែនជ័យមេត្តាជួយអន្តរាគមន៍ជុំវិញករណីល្បែងស៊ីសងខាងលើនេះផងទាន បើអស់លោកថ្នាក់ត្រឹមខណ្ឌមិនមានសមត្ថភាពបង្ក្រាបទេ សូមឯកឧត្តម ឃួង ស្រេង អភិបាលរាជធានីភ្នំពេញ និងឯកឧត្តមឧត្តមសេនីយឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ មេត្តាចាត់កម្លាំងថ្នាក់រាជធានីចុះពិនិត្យម្តងទាន ។

ទោះយ៉ាងណានារសៀលថ្ងៃទី២៨ ខែសីហា ឆ្នាំ២០២៥ នេះភ្នាក់ងារសារព័ត៌មានយើងមិនអាចសុំការបកស្រាយពីបុគ្គលឈ្មោះ ប្រាក់ សំអឿន (Prak Sam Oeun) តាមអាខោនតេឡេក្រាម បានទេ ពាក់ព័ន្ធការចោទប្រកាន់ខាងលើថាជាអ្នកកាងបនល្បែងនោះឡើយ យ៉ាងណាអង្គភាពយើងខ្ញុំរងចាំការបកស្រាយរៀងរាល់ម៉ោងការងារ ៕

ដោយ៖ សត្យា