ខេត្តសៀមរាប÷ នៅព្រឹកថ្ងៃទី២៦ ខែតុលា ឆ្នាំ២០២៥ នេះសាលាអន្តរជាតិរ៉ូយ៉ាល់អាមេរិកាំងដែលស្ថិតនៅសង្កាត់ស្វាយដង្គំក្រុងសៀមរាបខេត្តសៀមរាបបានពិធីបើកបវេសនកាលឆ្នាំសិក្សា២០២៥-២០២៦និងចែកវិញ្ញាបនបត្រនិងបណ្ណសរសើរដល់សិស្សានុសិស្សពូកែដែលបញ្ចប់ការសិក្សប្រចាំឆ្នាំសិក្សាឆ្នាំ២០២៤.២០២៥ ។
លោក លី សុវណ្ណ នាយកសាលាអន្តរជាតិរ៉ូយ៉ាល់អាមេរិកាំង បង្ហាញថា៖ឆ្នាំសិក្សាថ្មីនេះជាឱកាសល្អសម្រាប់យើងទាំងអស់គ្នាដើម្បីបន្តគុណភាពអប់រំ តាមរយៈកម្មវិធីសិក្សាថ្មីនិងការអភិវឌ្ឍសមត្ថភាពឌីជីថលស្របតាមសម័យកាលបច្ចេកវិទ្យា ខណៈឆ្នាំថ្មីនេះសាលាពង្រីកសាខាមួយទីតាំងទៀត ជារួមគឺពីរសាខានៅខេត្តសៀមរាប ។ ក្នុងរបាយការណ៍ បង្ហាញថា៖នៅឆ្នាសិក្សា២០២៤-២០២៥សាលាមានសិស្សសរុប៣៣៥នាក់ ក្នុងនោះសិស្សពូកែមាន៧៤នាក់និងសិស្សទទួលបានអាហារូបករណ៍៣៥%មាន១៤នាក់ ។ សាលាបានការទទួលស្គាល់ពីក្រសួងអប់រំតាមប្រកាសលេខ១២៤៣អយក.ប្រក នៅឆ្នាំ២០១០ហើយសាលាបានកំណត់យកមុខវិជ្ជាចំណេះទូទៅខ្មែរពីកម្រិត មត្តេយ្យដល់ថ្នាក់ទី៦ ព្រមទាំងកម្មវិធីសិក្សាភាសាអង់គ្លេស ភាសាចិននិងកុំព្យូទ័រ ព្រមទាំងបណ្តុះនូវសីលធម៌វិន័យ និងសុជីវធម៌ល្អៗសម្រាប់សិស្សរស់នៅក្នុងជីភាពប្រចាំថ្ងៃនិងក្នុងសង្គមជាតិ ។
ចំពោះគ្រូបង្រៀនសុទ្ឋតែបានជ្រើសរើសគ្រូល្អៗដែលមានបទពិសោធនិងមាគរុកោសល្យបង្រៀនពីវិទ្យាស្ថានជាតិអប់រំផងដែរ ៕
ដោយ៖ ពន្លឺ
