ឯកឧត្តមឧត្តមសេនីយ៍ឯក ជួន ណារិន្ទ បានដាក់បទបញ្ជាឱ្យការិយាល័យជំនាញពាក់ព័ន្ធ និងបណ្តាអធិការនគរបាលខណ្ឌទាំង១៤ បង្ការទប់ស្កាត់និងបង្រ្កាបក្រុមក្មេងទំនើង ពិសេសល្បែងស៊ីសងខុសច្បាប់ក្នុងមូលដ្ឋាន តែសមត្ថកិច្ចនគរបាលខណ្ឌពោធិ៍សែនជ័យ ហាក់រក្សាភាពស្ងៀមស្ងាត់!

រាជធានីភ្នំពេញ៖ តាមប្រភពបានរាយការណ៏នៅថ្ងៃទី២៩ ខែតុលា ឆ្នាំ២០២៥ ឱ្យដឹងថាៈ ទីតាំងតារាងបាល់ទះមួយកន្លែងដែលដែលបង្កប់ដោយល្បែងឡូតូផ្លាកសម្គាល់ LC88 ខុសច្បាប់ស្ថិតនៅភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ និងមួយទីតាំងទៀត បង្កប់ល្បែងស៊ីសងប្រភេទឡូតូ៨៨៨៨ កន្លែងនៅក្បែរផ្លូវចូល ច្រក ទាហាន៩១១ ស្ថិតនៅភូមិព្រៃទា សង្កាត់ចោមចៅទី ៣ ខណ្ឌពោធិ៍សែនជ័យ រាជធានីភ្នំ ពេញ បើកលេងយ៉ាងអនាធិបតេ យ្យគ្មានញញើតនិងអាជ្ញាធរ ព្រមទាំងមន្ត្រីពាក់ព័ន្ធក្នុងមូល ដ្ឋានណាមួយនោះឡើយ ។ ដូចក្នុងរូបភាពដែលបានបង្ហាញ ជូនប្រជាពលរដ្ឋបានជំនឿជឿ ជាក់លើសមត្ថកិច្ចមូលដ្ឋាននិងអាចស្វែងរកឃើញ ដោយក្នុងរូបភាពនោះបានបញ្ជាក់ពី និយាមកាច្បាស់លាស់សមល្មមនិងសមត្ថកិច្ចសែ្វងរកបានហើយ ។

សូមរំលឹកផងដែរថាៈ កាលពីរសៀលថ្ងៃទី២៨ ខែតុលា ឆ្នាំ២០២៥ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជើញដឹកនាំកិច្ចប្រជុំបូកសរុបវាយតម្លៃសភាពការណ៍ និងលទ្ធផលនៃកិច្ចប្រតិបត្តិការប្រចាំខែតុលា លើកទិសដៅការងារខែវិច្ឆិកា ឆ្នាំ២០២៥ និងប្រកាសកែសម្រួលសមាសភាពក្រុមការងារទទួលព័ត៌មានទាន់ហេតុការណ៍( HOTLINE ) ជនបរទស ។

ឯកឧត្តម ក៏បានដាក់បទបញ្ជាឱ្យការិយាល័យជំនាញពាក់ព័ន្ធ និងបណ្តាអធិការនគរបាលខណ្ឌទាំង១៤ ត្រូវបន្តពង្រឹងឱ្យខ្លាំងបន្ថែមទៀតលើ បង្ការទប់ស្កាត់និងបង្រ្កាបក្រុមក្មេងទំនើង គឺមិនអាចដកថយនោះឡើយ និងក៏បានបន្តជំរុញកិច្ចការងារបង្ក្រាបគ្រឿងញៀន ល្បែងស៊ីសងខុសច្បាប់ និងបទល្មើសលួច ឆក់ ប្លន់ ផងដែរ ។

មហាជនមានចម្ងល់ថា តើហេតុអ្វីបានជាសមត្ថកិច្ចជំនាញនគរបាលខណ្ឌពោធី៍សែនជ័យរក្សាភាពស្ងៀមស្ងាត់ក្នុងការបង្ក្រាបល្បែងឡូតូក្នុងមូលដ្ឋានរបស់ខ្លួនដូច្នោះទៅវិញ ។

ទន្ទឹមនឹងការលើឡើងខាងលើមហាជនបានសំណូមពរតាមរយៈអង្គភាពសារព័ត៌មានយើងសូមជម្រាបជូនលោកវរសេនីយ៌ឯក ម៉ន វុធី អធិការនគរបាលខណ្ឌពោធិ៍សែនជ័យ ជាពិសេសលោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យមេត្តាចាត់កម្លាំងបង្រ្កាបល្បែងស៊ីងសងដែលមានទីតាំងខាងលើ និងមានទីតាំងផ្សេងៗទៀតក្នុងទឹកដីនៃខណ្ឌពោធិ៍សែនជ័យផងដែរដើម្បីសុវត្ថិភាពក្នុងមូលដ្ឋានផងទាន !៕

ដោយ៖ សត្យា