ព័ត៌មាន​ទាន់ហេតុការណ៍
ចោរឆក់ខ្សែ-ក ក្មេងកំពុងលេងនៅមុខផ្ទះសម្រេចបាន៥ថ្ងៃ មិនទាន់បានលក់ចេញជាលុយផង ត្រូវជាប់ខ្នោះដៃ អាវុធហត្ថរាជធានីភ្នំពេញ! - ចំការពូជឈើធ្នង់ចំនួន១០ហិកតាត្រូវភ្លើងឆាបឆេះ នៅស្រុកស្វាយលើ ខេត្តសៀមរាប - បិទវគ្គបណ្តុះបណ្តាលកម្រិតបឋមវិជ្ជាជីវៈនគរបាលដល់សិស្សនាយនគរបាលនិងសិស្សនាយនគរបាល ជ័យលាភីជំនាន់ទី១៦ - គណៈកម្មាធិការពិគ្រោះយោបល់ កិច្ចការស្ត្រី និងកុមារ ខេត្តសៀមរាប បើកសិក្ខាសាលាឆ្លុះបញ្ចាំងលទ្ធផលការងារនៃការអនុវត្តផែនការសកម្មភាពឆ្នាំ២០២២និងលើកទិសដៅអនុវត្តបន្តឆ្នាំ២០២៣ - ថវិកា រួមនឹងអំណោយ របស់លោកនាយឧត្តមសេនីយ៍ សៅ សុខា ត្រូវបានប្រគល់ជូន គ្រួសារសព អតីតមន្ត្រី អាវុធហត្ថរាជធានីភ្នំពេញ! - អ្នកភូមិបង្កោង ឃុំអំពិល ស្រុកប្រាសាទបាគង ខេត្តសៀមរាបនៅតែរក្សាបានទំនៀមចាប់ត្រីរួមគ្នា សម្រាប់ធ្វើម្ហូបត្រៀមឡើងមាឃឬឡើងអ្នកតា - ក្បាលដីចំនួន២.៩០១ក្បាលដីចំនួន៣ភូមិ ក្នុងសង្កាត់ស្រង៉ែក្រុងសៀមរាបត្រូវបានបិទផ្សាយ ជាសាធារណៈនូវឯកសារ នៃការវិនិច្ឆ័យក្នុងការចុះបញ្ជីដីធ្លីដែលមានលក្ខណៈជាប្រព័ន្ធ  - ការចិញ្ចឹមក្របីអាចបង្កើនចំណូលសម្រាប់ផ្គត់ផ្គង់ជាភាពគ្រួសារ - ស្ថាប័ន GIZ នៃប្រទេសអាល្លឺម៉ង់ ជាដៃគូសំខាន់ជួយ បណ្តុះបណ្តាលធនធានមនុស្សខ្មែរជំនាន់ថ្មី លើផ្នែកអភិរក្ស និងព្យាបាលថ្មប្រាសាទបុរាណក្នុងតំបន់អង្គរ - ការប្រកួតបាល់ទាត់ពានរង្វាន់មិត្តភាព យុវនិស្សិតខេត្តបន្ទាយមានជ័យដែលរៀននៅរាជធានីភ្នំពេញ ចាប់ផ្តើមបើកជាថ្មី បន្ទាប់ពីអាក់ខានអស់៣ឆ្នាំ!
0

ក្រុម​ប្រឹក្សា​ខេត្ត​សៀមរាប​បើក​វេទិកា​ផ្សព្វ​ផ្សាយ​និង​ពិគ្រោះ​យោបល់​របស់​ក្រុម​ប្រឹក្សា​ខេត្ត​អាណត្តិ​ទី៣​ឆ្នាំ​២០២២​សម្រាប់ស្រុក​ប្រាសាទ​បាគង​ស្រុក​សូទ្រ​និគម


ខេត្តសៀមរាប ÷ នៅព្រឹកថ្ងៃទី២២ខែធ្នូឆ្នាំ២០២២នេះក្រុមប្រឹក្សាខេត្តសៀមរាបបានបន្តបើកវេទិកាផ្សព្វ ផ្សាយ និង  ពិគ្រោះយោបល់របស់ក្រុមប្រឹក្សាខេត្ត អាណត្តិទី៣ឆ្នាំ២០២២ក្នុងគោលដៅទី៤ សម្រាប់ស្រុកប្រាសាទបាគង និងស្រុកសូទ្រនិគម ក្រោមអធិបតីភាពឯកឧត្តម អ៊ាន ឃុន ប្រធានក្រុមប្រឹក្សាខេត្ត និងលោក សុខ ថុល  អភិបាលរងខេត្ត ព្រមទាំងមាន ការអញ្ជើញចូលរួមពីសំណាក់ឯកឧត្តម លោកជំទាវ ជាសមាជិកក្រុមប្រឹក្សាខេត្ត លោក លោកស្រី ជាប្រធាន អនុប្រធានមន្ទីរ-អង្គភាពជុំវិញខេត្តអាជ្ញាធរមូលដ្ឋាន តំណាងអង្គការ សង្គមស៊ីវិល និងបងប្អូនប្រជាពលរដ្ឋទាំងពីរស្រុកជាច្រើននាក់ចូលរួមផង ដែរ។

ឯកឧត្តម អ៊ាន ឃុន ប្រធានក្រុមប្រឹក្សាខេត្ត បានមានប្រសាសន៍ថា ស្ថិតក្នុងបរិបទ នៃការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ គឺជាកាលានុវត្តភាពមួយ ដែលរដ្ឋបាលខេត្តរៀបចំឱ្យមានជាវេទិកាផ្សព្វផ្សាយ និងពិគ្រោះយោបល់នេះឡើង ដើម្បីផ្តល់ឱកាសជូន បងប្អូនប្រជាពលរដ្ឋ អ្នកពាក់ព័ន្ធទាំងអស់ ដែលអញ្ជើញមកពីស្រុកទាំងពីរបានស្វែងយល់ពីស្ថានភាព ទូទៅ នៃការអភិវឌ្ឍខេត្ត ក្រុង ស្រុក ឃុំ/សង្កាត់ ព្រមទាំងបញ្ហាប្រឈមនានា ដែលកើតមាន រយៈកាលកន្លងមក។ ម្យ៉ាងវិញទៀតវេទិកានេះក៏ផ្ដល់នូវឱកាសជូនបងប្អូនប្រជាពលរដ្ឋ អ្នកពាក់ព័ន្ធទាំងអស់ក្នុងការបញ្ចេញមតិរបស់ខ្លួន ដែលពាក់ព័ន្ធនឹងក្តីកង្វល់ សំណូមពរ តម្រូវការជាក់ស្ដែងក្នុងមូលដ្ឋាន។

ឯកឧត្តមប្រធានក្រុមប្រឹក្សាខេត្ត ក៏បានបន្តទៀតថា វេទិកាផ្សព្វផ្សាយ និងពិគ្រោះយោបល់មានសារៈ សំខាន់សម្រាប់លើកកម្ពស់គណនេយ្យភាព តម្លាភាព ការឆ្លើយតប និងការចូលរួមរបស់ប្រជាពលរដ្ឋទាំងបុរស ស្រ្តី យុវវ័យ និងជនងាយរងគ្រោះ ក្នុងកិច្ចដំណើរការអភិបាលកិច្ចរបស់ក្រុមប្រឹក្សា នៃរដ្ឋបាលថ្នាក់ក្រោមជាតិ។ ក្នុងន័យនេះ ការរៀបចំវេទិកាផ្សព្វផ្សាយ និងពិគ្រោះយោបល់ គឺធ្វើឡើងក្នុងគោលបំណងសំខាន់ៗដូចខាងក្រោម ៖- ផ្ដល់ព័ត៌មានជូនប្រជាពលរដ្ឋអំពីសមិទ្ធផល ដែលក្រុមប្រឹក្សាសម្រេចបានកន្លងមក និងបញ្ច ប្រឈមនានា- ផ្ដល់ព័ត៌មានជូនប្រជាពលរដ្ឋអំពីបញ្ហាអាទិភាព នៃការអភិវឌ្ឍរបស់ក្រុមប្រឹក្សាសម្រាប់ឆ្នាំបន្ទាប់- ផ្តល់ឱកាសជូនប្រជាពលរដ្ឋក្នុងការពិភាក្សាលើរបាយការណ៍របស់ក្រុមប្រឹក្សា- ទទួលយកនូវអនុសាសន៍ និងសំណូមពររបស់ប្រជាពលរដ្ឋ ដើម្បីពិភាក្សា និងឆ្លើយតប- ជំរុញឱ្យមានការចូលរួមពិសេស បង្កើនភាពស្និទ្ធស្នាលរវាងភ្នាក់ងារផ្តល់សេវាសាធារណៈ និងអ្នកទទួលសេវាសាធារណៈឱ្យកាន់តែមានភាពល្អប្រសើរឡើង។ ហើយតាមរយៈអង្គវេទិកានាពេលនេះ នឹងផ្ដល់នូវឱកាសយ៉ាងធំធេងដល់ប្រជាពលរដ្ឋ នៅតាមមូលដ្ឋាន បានលើកពីបញ្ហាប្រឈម ក្តីកង្វល់ សំណូមពរនានា ដើម្បីអាជ្ញាធរមានសមត្ថកិច្ច ពិនិត្យដោះស្រាយ និង ឆ្លើយតបចំពោះតម្រូវការ ដែលបានលើកឡើងទាំងនោះ។ សម្រាប់វេទិកាផ្សព្វផ្សាយ និងពិគ្រោះយោបល់នាពេលនេះ ក៏មានការលើកឡើងនូវសំណួរផ្ទាល់មាត់ ដោយផ្តោតទៅលើបញ្ហា កសិកម្ម (លើតម្លៃកសិផលលក់បានថោក) បញ្ហាហេដ្ឋារចនាសម័្ពន្ធផ្លូវថ្នល់ ស្ពាន , ការងារអប់រំ(កង្វះអគារសិក្សា) ការសុំកាត់ឆ្វៀលជម្រកព្រៃឈើ និង បញ្ហាអត្រានុកូលដ្ឋាន (សុំកែតម្រូវឈ្មោះបញ្ជីកំណើត)ជាដើម ។  ក្នុងនោះមានសំណួរផ្ទាល់មាត់ ១១ សំណួរ សំណូមពរ  និង សរសេរលាយល័ក្ខអក្សរ មាន២២សំណួរ សំណូមពរ  និង ត្រូវបានសាមីមន្ទីរ អង្គភាពជំនាញមានការពាក់ព័ន្ធ បានធ្វើការបកស្រាយបំភ្លឺជូនដល់អង្គវេទិកាទាំងមូល ឲ្យអស់កង្វល់ដែលបងប្អូនមានទុក្ខកង្វល់កន្លងមក ឲ្យបានកាន់តែយល់ច្បាស់ផងដែរ ។ ហើយចំពោះសំណូមពរនិងសំនួរដែលនៅសេសសល់ នឹងត្រូវបានយកទៅពិភាក្សា ដោះស្រាយ និង ដាក់ជូនគណៈអភិបាលខេត្ត ដើម្បីពិនិត្យដោះស្រាយ ព្រមទាំងផ្តល់នូវព័ត៌មានត្រឡប់ ជូនដល់លោក លោកស្រី និងបងប្អូនប្រជាពលរដ្ឋវិញតាមរយៈក្រុមប្រឹក្សា គណៈអភិបាលស្រុក ហើយចំពោះសំណួរ សំណូមពរទាំងអស់នឹងយកមកពិនិត្យ និងពិចារណាជាអាទិភាព ក្នុងការដាក់បញ្ចូលទៅក្នុងគម្រោងផែនការអភិវឌ្ឍរបស់ខេត្ត ដើម្បីធានាការផ្តល់សេវាសាធារណៈ និងលើកកម្ពស់គុណភាព ជីវភាពរស់នៅរបស់បងប្អូនឱ្យកាន់តែល្អប្រសើរឡើងផងដែរ៕


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2023 រស្មីក្រុងយើង | Rasmey Krong Yoeng. All rights reserved. XHTML / CSS Valid.