ព័ត៌មាន​ទាន់ហេតុការណ៍
ថវិកាមូលនិធិមហាគ្រួសារកងរាជអាវុធហត្ថ ត្រូវបានប្រគល់ជូនគ្រួសារសពសមាជិកមន្ត្រី អាវុធហត្ថរាជធានីភ្នំពេញ! - ពិតជាគួរឱ្យសោកស្តាយជាទីបំផុតសត្វកែះញីមួយក្បាលដែលជាប់អន្ទាក់និងរងរបួសបានស្លាប់ហើយ - កិច្ចប្រជុំក្រុមប្រឹក្សាភិបាលសាលាសណ្ឋាគារនិងទេសចរណ៍ ប៉ូលឌុលប្រ៊ូល - ក្រសួងសេដ្ឋកិច្ចនិងហិរញ្ញវត្ថុ បើកសិក្ខាសាលាផ្សព្វផ្សាយអនុក្រឹត្យស្ដីពីក្របខ័ណ្ឌមុខងារ ភារកិច្ចរបស់សវនកម្មផ្ទៃក្នុង និងនីតិវីធីនៃការធ្វើអធិការកិច្ចហិរញ្ញវត្ថុ - ពិធីប្រកាសចូលកាន់មុខតំណែង ប្រធានអង្គភាពនគរបាលទេសចរណ៍ ប្រចាំខេត្តសៀមរាប - វេទិកាថ្នាក់តំបន់លើកទី៤ របស់មជ្ឈមណ្ឌលសហប្រតិបត្តិការនៃអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច - សហព័ន្ធកីឡាប្រដាល់គុនខ្មែរ រៀបចំការប្រកួតផ្តាច់ព្រ័ត្រប្រដាល់គុនខ្មែរដណ្តើមខ្សែក្រវាត់ពានរង្វាន់ (សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ)នៅខេត្តសៀមរាប - អាជ្ញាធរខេត្តសៀមរាបប្រារព្ធទិវាអនាម័យជាតិបរិស្ថាន ២៣ វិច្ឆិកា ក្រោមប្រធានបទ “មាតុភូមិយើង កាតព្វកិច្ចយើង ស្អាត និងបៃតង”  - ក្រសួងព័ត៌មានសហការជាមួយក្រសួងសេដ្ឋកិច្ច រៀបចំសិក្ខាសាលាស្តីពីគោលនយោបាយគ្រប់គ្រងផ្ទៃក្នុង និងនីតិវិធីសវនកម្ម នៅខេត្តសៀមរាប - ពិធីប្រគល់ទង់អាស៊ានជូនឥណ្ឌូនេស៊ី និង ធ្វើជាម្ចាស់ផ្ទះនៃកិច្ចប្រជុំ ADMM លើកទី ១៧ និង ADMM-Plus លើកទី ១០នៅឆ្នាំ ២០២៣
0

សិក្ខាសាលាឆ្លុះបញ្ចាំងស្ដីពីលទ្ធផលនៃការអនុវត្តគម្រោងអភិវឌ្ឍខ្សែច្រវ៉ាក់តម្លៃត្រី និង គម្រោងវារីវប្បកម្មនៅកម្ពុជា


ខេត្តសៀមរាប ÷ នៅព្រឹកថ្ងៃទី ០៤ ខែ វិច្ឆិកា ឆ្នាំ២០២២ នេះមានបើកអង្គសិក្ខាសាលា ស្តីពីលទ្ធផលនៃការអនុវត្តគម្រោងអភិវឌ្ឍខ្សែច្រវ៉ាក់តម្លៃត្រី និង គម្រោងវារីវប្បកម្មនៅកម្ពុជា ក្រោមអធិបតីភាព លោក អ៊ឹង គឹមលាង អភិបាលរងនៃគណៈអភិបាលខេត្តសៀមរាប ដោយមានការចូលរួមពីតំណាងទីភ្នាក់ងារអភិវឌ្ឍបារាំង (AFD) រដ្ឋបាលជលផល អាជ្ញាធរស្រុកសូទ្រនិគម.ស្រុកក្រឡាញ់ . ស្រុកបន្ទាយស្រី (ខេត្តសៀមរាប) ស្រុកសន្ទុក .កំពង់ស្វាយ (ខេត្តកំពង់ធំ) និង នាយខណ្ឌរដ្ឋបាលជលផល សៀមរាប និង ខេត្តកំពង់ធំ ព្រមទាំងអស់លោក លោកស្រីអង្គការដៃគូអភិវឌ្ឍ មាន IRD, CIRAD, APDRA, FAO, WorldFish, Agrisud, និង លោក មេឃុំ កសិករនៅក្នុងគម្រោង និង សហការី ចូលរួមជាសិក្ខាកាម ។

អង្គសិក្ខាសាលានេះធ្វើឡើងក្នុងការបង្ហាញលទ្ធផលនៃការអនុវត្តគម្រោងអភិវឌ្ឍខ្សែច្រវ៉ាក់តម្លៃត្រី និង គម្រោង វារីវប្បកម្មនៅកម្ពុជា ដល់ភាគីពាក់ព័ន្ធ ព្រមទាំងស្វែងយល់ ឆ្លុះបញ្ចាំងជាមួយភាគីពាក់ព័ន្ធសំខាន់ ៗ ទៅលើសកម្មភាពជាយុទ្ធសាស្ត្ររបស់គម្រោង De´Fip ដំណាក់កាលទី២។

លោកស្រី ចេប ម៉ាលីបុប្ផា នាយិកាអង្គការអ្នកត្រួសត្រាយនៃកម្ពុជា បានបញ្ជាក់ពី គោលបំណងនៃគម្រោង គឺដើម្បីរួមចំណែកធ្វើឲ្យប្រសើរឡើងនូវសន្តិសុខស្បៀង និងអាហារូបត្ថម្ភ និងការលើកម្ពស់ជីវ ភាពរស់នៅរបស់ប្រជាជននៅតាមជនបទតាមរយៈ ការរួមបញ្ចូលគ្នានៃការអភិវឌ្ឍន៍បច្ចេកទេសចិញ្ចឹមត្រីតាមបែបក្សេត្របរិស្ថាន ហើយឆ្លើយតបជាមួយនឹងទីផ្សារក្នុងតំបន់។

ម៉្យាងទៀតនេះជាគម្រោងសាកល្បងក៏ពិតមែន ប៉ុន្តែបច្ចេកទេស ចិញ្ចឹមត្រីក្នុងស្រែ មិនមែនជាបច្ចេកទេសថ្មីទាំងស្រុងសម្រាប់ ប្រទេសយើងនោះទេ ព្រោះមានអង្គការផ្សេងទៀតបាននាំយកបច្ចេកទេសនេះ មកអនុវត្តជាច្រើនឆ្នាំមកហើយ ។

មានប្រសាសន៍បើកអង្គសិក្ខាសាលានាឱកាសនោះលោក អ៊ឹង គឹមលាង អភិបាលរងខេត្តសៀមរាប ក៏បានគូសបញ្ខាក់ថា សិក្ខាសាលាថ្ងៃនេះ គឺជាឱកាសមួយដ៏ល្អ ដែលយើងមានការជួបជុំគ្នាទាំងអាជ្ញាធរ ទាំងមន្រ្តីជំនាញ ខាងសង្គមស៊ីវិល អ្នកស្រាវជ្រាវ ព្រមទាំងកសិករយើងផង ដើម្បីជជែកគ្នារកដំណោះស្រាយនូវបញ្ហាខាងលើនេះ។ លទ្ធផលនៃការអនុវត្តគម្រោងអភិវឌ្ឍខ្សែច្រវ៉ាក់តម្លៃត្រី និង គម្រោងវារីវប្បកម្មនៅកម្ពុជា គឺលើកកម្ពស់កម្រិតជីវភាព និងសុវត្ថិ ភាពស្បៀងដល់គ្រួសារគោលដៅ និងពង្រឹងការគ្រប់គ្រងធនធានធម្មជាតិ និងប្រើប្រាស់ប្រកបដោយនិរន្ត៍ភាព ព្រមទាំងលើកកម្ពស់សេវា និងមធ្យោបាយទឹកស្អាត និងអនាម័យ ការបង្កើនការអប់រំនៅតំបន់គោល ដៅនិងកៀរគរធនធានដើម្បីនិរន្ត៍រ ភាពស្ថាប័ន ដើម្បីអាចបន្តនូវទស្សនវិស័យនិងបេសកកម្មរបស់ខ្លួន ក្នុងការបំពេញនូវតម្រូវការរបស់សហគមន៍នាពេលអនាគត។

លោកអភិបាលរងខេត្តក៏បានធ្វើការថ្លែងអំណរគុណចំពោះក្រសួងកសិកម្មរុក្ខាប្រមាញ់ និងនេសាទ ព្រមទាំងអង្គការអ្នកត្រួសត្រាយនៃកម្ពុជា បានអនុវត្តគម្រោង ជាច្រើនដើម្បីលើកកម្ពស់វិស័យជលផល ដូចជាគម្រោង ធនធានជលផលតាមវាលស្រែ នៃកម្មវិធីសន្តិសុខស្បៀង សម្រាប់អនាគតនៅកម្ពុជា ដំណាក់កាលទី១ និងដំណាក់កាលទី២ គម្រោងលើកកម្ពស់ជីវភាព និងអាហារូបត្ថម្ភតាមរយៈវារីវប្បកម្ម គម្រោងលើកកម្ពស់ជីវភាពសហគមន៍នៅឃុំត្បែង ស្រុកបន្ទាយស្រី គម្រោង បង្កើតស្ថានីយបណ្ដុះកូន ឈើព្រៃលិចទឹកនៅឃុំកែវព៌ណស្រុកពួក និងគម្រោង អាស្ប៉ាយ ជាដើម ។ ក្រៅពីបានដើរតួយ៉ាងសំខាន់នៅក្នុងសន្តិសុខស្បៀង ការចិញ្ចឹមត្រីលក្ខណៈគ្រួសារគឺជាយុទ្ធសាស្រ្តមួយក្នុងការអភិវឌ្ឍន៍សហគមន៍យើង និងដើម្បីបំពេញតម្រូវការហូបចុកក្នុងគ្រួសារ កសិករយើងបានព្យាយាមប្រើប្រាស់ស្រះ ឬ អាងស្តុកទឹក ដើម្បីចិញ្ចឹមត្រីផងដែរ។ ហើយនៅក្នុងដំណើរការនេះ មានបញ្ហាប្រឈមជាច្រើនដែល កសិករយើងបានជួបប្រទះ ដែលមានដូចជា ការខ្វះខាតទឹកនៅរដូវប្រាំង ទឹកជំនន់នៅរដូវវស្សា ថ្លៃដើមផលិតខ្ពស់ ហើយទាំងអស់នេះ គឺជាអ្វីដែលយើងជាអ្នកមានសមត្ថកិច្ច ត្រូវស្វែងរកវិធីដោះស្រាយជូនប្រជាកសិករយើង។ លោកអភិបាលរងខេត្ត ក៏បានធ្វើការជម្រុញដល់អាជ្ញាធរមូលដ្ឋានពាក់ព័ន្ធនៃតំបន់គោលដៅរបស់គម្រោង ក្នុងជម្រុញដល់ប្រជាកសិករ បង្កើនការយកចិត្តទុកដាក់លើការការងារពង្រីក វារីវប្បកម្ម ដើមី្បលើកកម្ពស់កម្រិតជីវភាព និងសុវត្ថិភាពស្បៀងដល់គ្រួសារ ប្រជាពលរដ្ឋ ។ ក្នុងនោះដែរលោកក៏បានសំណូមពរដល់ម្ចាស់គម្រោងសូមឲ្យបន្តគម្រោងរបស់ខ្លួនទៅតាមបណ្តាស្រុក ខេត្ត ផ្សេងៗទៀត ដោយបច្ចុប្បន្នសេចក្តីតម្រូវការត្រីរបស់ប្រជាពលរដ្ឋ មានការកើនឡើងជារៀងរាល់ឆ្នាំ ដោយយើងមិនអាច ពឹងផ្អែកតែត្រីក្នុងបឹងធម្មជាតិ លើការផ្គត់ផ្គង់បានគ្រប់គ្រាន់នោះឡើយ ដោយពីមួយឆ្នាំទៅមួយឆ្នាំ បរិមាណត្រីមានការថយចុះ ដែលមិនអាចផ្គត់ផ្គង់បានគ្រប់គ្រាន់ ដូចកាលពីក្នុងទស្សវត្សឆ្នាំ៩០នោះឡើយ ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.