រាជធានីភ្នំពេញ ៖ ស្ត្រីម្នាក់ដែលបានប្រាប់អ្នកសារព័ត៌មានកាលពីយប់ថ្ងៃទី១២ ខែមីនា ឆ្នាំ២០២២ ថាខ្លួនជាម្តាយក្មេករបស់ លោក ម៉ុត ដារ៉ា ជាព្រះរាជអាជ្ញារងអមសាលាដំបូងរាជធានីភ្នំពេញ ករណីលោក ម៉ុត ដារ៉ា បានយកកាំភ្លើងភ្ជង់គំរាមបាញ់ប្រពន្ធ ប្រើប្រាស់ហិង្សាលើប្រពន្ធ និងឈ្នួលបម្រើក្នុងផ្ទះបង្កឲ្យមានការភ្ញាក់ផ្អើលដល់អ្នកជិតខាង និងសមត្ថកិច្ចចុះទៅអន្តរាគមន៍។
ហេតុការណ៍ដែលបង្កឲ្យមានការភ្ញាក់ផ្អើលខាងលើនេះ បានកើតឡើងនៅវេលាម៉ោង ៩៖៣០នាទីយប់ថ្ងៃសៅរ៍ ទី១២ ខែមីនា ឆ្នាំ២០២២ ស្ថិតនៅចំណុចផ្ទះលេខ៨៩ ផ្លូវ១៥០ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
ក្រោយទទួលបានសេចក្តីរាយការណ៍ខាងលើនេះ កម្លាំងសមត្ថកិច្ចមូលដ្ឋាន បានចុះទៅជួយអន្តរាគមន៍ដោយសុំឲ្យស្រ្តីជាប្រពន្ធ ធ្វើដំណើរទៅកាន់ប៉ុស្តិ៍រដ្ឋបាលដើម្បីដាក់ពាក្យបណ្តឹងលើកបុគ្គលឈ្មោះ ម៉ុត ដារ៉ា ជាប្តីយង់ឃ្នង។
បើតាមស្រ្តីជាប្រពន្ធឈ្មោះ ហេង មួយគា និងម្តាយក្មេក បានប្រាប់អ្នកយកព័ត៌មានដែលកំពុងធ្វើការផ្សាយផ្ទាល់នៅកន្លែងកើតហេតុនោះថា ឈ្មោះ ម៉ុត ដារ៉ា តែងតែប្រើហិង្សាមកលើគាត់ជាប្រពន្ធ ជាច្រើនលើកច្រើនសាររហូតស្រ្តីជាប្រពន្ធទ្រាំលែងបាន ទើបឈ្លោះគ្នាកាន់តែខ្លាំងនៅពេលនេះតែម្តង។ ជាមួយគ្នានេះស្រ្តីជាប្រពន្ធ បានទទូចដល់សមត្ថកិច្ច ចាត់វិធានការតាមច្បាប់ចំពោះប្តីរបស់ខ្លួនដែលមានតួនាទីជាព្រះរាជអាជ្ញារងរូបខាងលើនេះផងទាន។
រហូតមកដល់វេលាព្រឹកថ្ងៃទី១៣ ខែមិនា ឆ្នាំ២០២២ នេះអង្គភាពគេហទំព័រ អាស្កាយញូសិ៍ (RskyNews) យើងខិតខំស្វះស្វែងបំភ្ឡឺពីលោក ម៉ុត ដារ៉ា បានទេ ទោះយ៉ាងណាអង្គភាពយើងខ្ញុំនិងរងចាំចំពោះការចោទប្រកាន់ខាងលើពីភាគីពាក់ព័ន្ធរាលម៉ោងធ្វើការ៕
ដោយ ៖ វណ្ណារា
