ព័ត៌មាន​ទាន់ហេតុការណ៍
លោក ចន្ថា វ៉ាន់ឌី ជានគរបាល បានបាញ់សម្លាប់ខ្លួននៅលើផ្ទះដោយបន្សល់ទុកលិខិត២សន្លឹកថាខ្លួនយកលុយចាក់បាល់ចាញ់អស់ហើយ សុំទោស ប៉ាម៉ាក់!! - សមត្ថកិច្ចនគរបាលស្រុកកំរៀង ឃាត់រថយន្តមួយគ្រឿងដឹកប្រហិតចម្រុះខូចគុណភាពជាងពីរតោនចេញពីប្រទេសថៃតាមច្រកដូង! - ប្រវត្តិទាក់ទងនឹងតំបន់ទីតាំងបុរាណស្ថានជនជាតិដើមភាគតិចសួយ - សម្ដេចក្រឡាហោម ស ខេង ឧបនាយករដ្ឋមន្ដ្រី បានដាក់ទណ្ឌកម្មវិន័យលើលោក សិដ្ឋ តារា អនុប្រធានពន្ធនាគារខេត្តកំពង់ស្ពឺ!! - តើលោក ហ៊ឹម អិត មានខ្នងធំប៉ុណ្ណាទើបហ៊ានចូលកាន់កាប់ដីរបស់លោក អ៊ុង រិន? - អតីតមិត្តភក្តិរួមជំនាន់សាលាបាក់ទូក ០១ក្រុម រួមគ្នាអរគុណសន្តិភាព! - ឧត្តមសេនីយ៍ឯក រ័ត្ន ស្រ៊ាង អញ្ជើញប្រកាសមុខតំណែង និង ប្រគល់ប័ណ្ណសរសើរ លិខិតសរសើរ ជូនដល់ នាយទាហាន នាយទាហានរង នៃ កងរាជអាវុធហត្ថរាជធានីភ្នំពេញ ចំនួន៥៤៥នាក់! - អាវុធហត្ថរាជធានីភ្នំពេញ ចុះបង្ក្រាបជាក់ស្តែង ទីកន្លែងលេងល្បែងភ្នាល់ជល់មាន់ ០២ទីតាំងបន្តបន្ទាប់គ្នា! - កម្លាំងនគរបាលការិយាល័យប្រឆាំងគ្រឿងញៀនខេត្តកែបបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន! - ជនសង្ស័យម្នាក់ ពាក់ព័ន្ធករណីកាន់កាប់នឹងជួញដូរអាវុធដោយខុសច្បាប់ ត្រូវបានកម្លាំងនៃអធិការដ្ឋាននគរបាលខណ្ឌបឹងកេងកង ឃាត់ខ្លួន​
0

ឯកឧត្តម សោម ពិសិដ្ឋ អភិបាលខេត្តកែប និងលោកជំទាវ អញ្ជើញជាអធិបតីក្នុងពិធីក្រុងពាលីសាងសង់អាគារបណ្ណា ល័យមួយខ្នងស្ថិតនៅក្នុងសាលាបឋមសិក្សា និងអនុវិទ្យាល័យ ហ៊ុនសែន ក្រុងកែប!


ខេត្តកែប ÷ នាព្រឹកថ្ងៃទី០៣ ខែកុម្ភៈ ឆ្នាំ ២០២២ នៅសាលាបឋមសិក្សា និងអនុវិទ្យាល័យ ហ៊ុនសែន ក្រុងកែប ខេត្តកែប មានរៀបចំពិធីក្រុងពាលីបញ្ចុះបឋមសិលាដើម្បីសាងសង់បណ្ណាល័យមួយដែលមានទំហំ ៦មx ១២ម រៀបឥដ្ឋ២០ ដំបូលប្រក់ក្បឿងនិងមានយ៉ាប់មុខទំហំ ៤មx៣ម សរុបផ្ទៃក្រឡា៨៤ ម៉ែត្រការ៉េ ក្រោមអធិបតីភាពឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប រួមទាំងលោកជំទាវភរិយា និងឯកឧត្តមអភិបាលរង លោក/លោកស្រីប្រធានមន្ទីរ លោក/លោកស្រីអភិបាលស្រុក/ក្រុង ដែលចំណុះឲ្យរដ្ឋបាល ខេត្តកែប ព្រមទាំងលោកគ្រូ អ្នកគ្រូនិងក្មួយៗ នៃសាលាបឋមសិក្សានិងអនុវិទ្យាល័យ ហ៊ុនសែនក្រុងកែប។

ពិធីសម្រាប់ក្រុងពាលីបញ្ចុះបឋមសិលាមានកម្មវិធី៥ ដូចខាងក្រោម ÷

១. ពិធីក្រុងពាលីបងសួងសុំសេចក្តីសុខសេចក្តីចម្រើនពីម្ចាស់ទឹកម្ចាស់ដី។

២. ពិធីបញ្ចុះបឋមសិលាដើម្បីសាងសង់បណ្ណាល័យ។

៣. ពិធីសំណេះសំណាលក្រោមអធិបតីភាពឯកឧត្តម សោម ពិសិដ្ឋ អភិបាល នៃគណៈអភិបាល ខេត្តកែប។

៤. ពិធីចែកសៀវភៅសរសេរដល់ក្មួយៗដែលកំពុងសិក្សានៅសាលាបឋមសិក្សា និងអនុវិទ្យាល័យ ហ៊ុនសែន ក្រុងកែប ចំនួន៨២០ នាក់ក្នុងម្នាក់ទទួលបានសៀវភៅសរសេរ ២ក្បាល និងប៊ិច ១ ដើម

៥. ពិធីថតរូបទុកជាអនុស្សាវរីយ៍ជាមួយគណៈអធិបតីទាំងអស់គ្នា។

នៅក្នុងកម្មវិធីនោះឯកឧត្តម សោម ពិសិដ្ឋ បានមានមតិសំណេះសំណាលជាមួយលោកគ្រូអ្នកគ្រូនិងក្មួយៗសិស្សានុសិស្សអំពីប្រវត្តិនៃការបង្កើតបណ្ណាល័យមួយនេះគឺដោយសារលោកបានមើល ឃើញពីតម្រូវការចាំបាច់របស់ក្មួយៗសិស្សានុសិស្ស ដូច្នេះហើយលោកបានផ្ដល់បណ្ណាល័យមួយនេះដោយមិនចាំបាច់ឱ្យលោកនាយកសាលាសំុឡើយ ហើយបណ្ណាល័យមួយនេះគ្រោងចំណាយអស់ថវិកាជិត២ម៉ឺនដុល្លារដែលជាថវិកាផ្ទាល់ខ្លួនរបស់លោកនិងទាំងសប្បុរសជនក្នុងខេត្ត ដោយបណ្ណាល័យនេះត្រូវមានគុណភាពល្អរឹងមាំហើយប្រើប្រាស់បានយូរ។ ក្នុងឱកាសនោះលោកបានណែនាំឲ្យលោកប្រធានមន្ទីរជុំវិញខេត្តធ្វើគម្រោងអ្វីមួយចាប់ពីពេល នេះទៅត្រូវតែគិតអំពីគុណភាពដើម្បីទុកប្រើបានយូរអង្វែង។ ឯកឧត្តមបានបន្ថែមទៀតថាគម្រោងកន្លង មកនឹងបញ្ចប់ឲ្យបានមុនចូលឆ្នាំខ្មែរខាងមុខនេះ ហើយនិងរៀបចំបើកសម្ពោធការដ្ឋានសម្រាប់គម្រោងឆ្នាំ២០២២ខាងមុខទៀត ព្រមទាំងរៀបចំបើកសម្ពោធគម្រោងផែកោះទន្សាយនៅពេលខាងមុខនេះតាមពេលវេលាដែលនឹងសមស្របបំផុតដោយមិនអាចជម្រាបមុនបានទេ។

ឆ្លៀតក្នុងឱកាសនោះឯកឧត្តមគណៈអធិបតីបានថ្លែងអំណរគុណដល់កងកម្លាំងប្រដាប់អាវុធទាំង អស់រួមទាំងមន្ត្រីរាជការដែលបានថែរក្សាសន្តិសុខ សុវត្ថិភាព បរិស្ថាន ជូនភ្ញៀវទេសចរណ៍ដែលបានអញ្ជើញមកទស្សនាដើរកម្សាន្តតាមរមណីយដ្ឋាននានាក្នុងខេត្តកែប នាឱកាសបុណ្យចូលឆ្នាំប្រពៃណីចិនវៀតណាមកន្លងទៅនេះដោយលោកបានឲ្យដឹងថាស្ថិតិភ្ញៀវទេសចរណ៍សរុបគិតត្រឹមថ្ងៃទី០២ ប្រហែលជា៤ ម៉ឺននាក់ នឹងអាចមានរហូតដល់ ៦ម៉ឺននាក់ក្នុងថ្ងៃនេះ។

ជាចុងក្រោយឯកឧត្តមបានថ្លែងអំណរព្រះគុណប្រគេនដល់ព្រះសង្ឃគ្រប់ព្រះអង្គដែលមានព្រះវត្តមាននៅក្នុងកម្មវិធីនេះ និងជូនពរដល់ភ្ញៀវ និងក្មួយៗសិស្សានុសិស្សសូមជួបប្រទះតែពុទ្ធពរទាំង៤ប្រការគឺអាយុ វណ្ណៈ សុខៈ ពលៈ។

យោងតាមលោកនាយកបឋមសិក្សា និងអនុវិទ្យា ល័យបានឲ្យដឹងថា ÷ ទីធ្លានៃសាលាបឋមសិក្សានិងអនុវិទ្យាល័យ ហ៊ុនសែន ក្រុងកែប មានផ្ទៃដីសរុប៣៦,៧២៥ម៉ែត្រការ៉េ ដោយមានទីធ្លាសម្រាប់លេងកីឡាដូចជា បាល់ទះ បាល់ទាត់ បាល់បោះ និងបួល ជាដើម ព្រមទាំងមានអគារសម្រាប់សិស្សអនុវិទ្យាល័យចំនួន៣ បូកទីចាត់ការ អាគាបឋម សិក្សា២អាគារ លោកគ្រូអ្នកគ្រូសម្រាប់សិស្សអនុ វិទ្យាល័យសរុប៣២នាក់ស្រី១៣នាក់ លោកគ្រូអ្នកគ្រូសម្រាប់សិស្សបឋមសិក្សា២២នាក់ស្រី១២ នាក់ ដើម្បីផ្ដល់ចំណេះដឹងដល់ក្មួយៗសិស្សានុ សិស្សដែលមានសរុបចំនួន៨២០នាក់។

ដោយ ÷ វិបុល


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.