ព័ត៌មាន​ទាន់ហេតុការណ៍
លោក ចន្ថា វ៉ាន់ឌី ជានគរបាល បានបាញ់សម្លាប់ខ្លួននៅលើផ្ទះដោយបន្សល់ទុកលិខិត២សន្លឹកថាខ្លួនយកលុយចាក់បាល់ចាញ់អស់ហើយ សុំទោស ប៉ាម៉ាក់!! - សមត្ថកិច្ចនគរបាលស្រុកកំរៀង ឃាត់រថយន្តមួយគ្រឿងដឹកប្រហិតចម្រុះខូចគុណភាពជាងពីរតោនចេញពីប្រទេសថៃតាមច្រកដូង! - ប្រវត្តិទាក់ទងនឹងតំបន់ទីតាំងបុរាណស្ថានជនជាតិដើមភាគតិចសួយ - សម្ដេចក្រឡាហោម ស ខេង ឧបនាយករដ្ឋមន្ដ្រី បានដាក់ទណ្ឌកម្មវិន័យលើលោក សិដ្ឋ តារា អនុប្រធានពន្ធនាគារខេត្តកំពង់ស្ពឺ!! - តើលោក ហ៊ឹម អិត មានខ្នងធំប៉ុណ្ណាទើបហ៊ានចូលកាន់កាប់ដីរបស់លោក អ៊ុង រិន? - អតីតមិត្តភក្តិរួមជំនាន់សាលាបាក់ទូក ០១ក្រុម រួមគ្នាអរគុណសន្តិភាព! - ឧត្តមសេនីយ៍ឯក រ័ត្ន ស្រ៊ាង អញ្ជើញប្រកាសមុខតំណែង និង ប្រគល់ប័ណ្ណសរសើរ លិខិតសរសើរ ជូនដល់ នាយទាហាន នាយទាហានរង នៃ កងរាជអាវុធហត្ថរាជធានីភ្នំពេញ ចំនួន៥៤៥នាក់! - អាវុធហត្ថរាជធានីភ្នំពេញ ចុះបង្ក្រាបជាក់ស្តែង ទីកន្លែងលេងល្បែងភ្នាល់ជល់មាន់ ០២ទីតាំងបន្តបន្ទាប់គ្នា! - កម្លាំងនគរបាលការិយាល័យប្រឆាំងគ្រឿងញៀនខេត្តកែបបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន! - ជនសង្ស័យម្នាក់ ពាក់ព័ន្ធករណីកាន់កាប់នឹងជួញដូរអាវុធដោយខុសច្បាប់ ត្រូវបានកម្លាំងនៃអធិការដ្ឋាននគរបាលខណ្ឌបឹងកេងកង ឃាត់ខ្លួន​
0

ល្បិច​ឈួស​ឆាយ​ធ្វើ​ផ្លូវ​ដើម្បី​ឈាន​ទៅ​កាប់​ឈើ​របស់​លោកស្រី ​ឡេង ​ធារ៉ា ​ក្រោម​ការ​ឃុប​ឃិត​ជា​មួយ​មន្ត្រី​ជំនាញ​ត្រូវ​បាន​បែក​ធ្លាយ​


ខេត្តព្រះវិហារ ៖ បទល្មើសព្រៃឈើនៅខេត្តព្រះវិហារ ចាប់ផ្តើមកក្រើកឡើងវិញ ក្រោមការឃុបឃិតគ្នាជាប្រព័ន្ឋ ជាមួយមន្រ្តីជំនាញជ្រោកក្រោមស្ថាប័នរដ្ឋ ដែលមាន លោកស្រី ឡេង ធារ៉ា ដែលត្រូវបានគេស្គាល់ថា ជាថៅកែក្រុមហ៊ុនធ្វើផ្លូវចូលក្នុងព្រៃព្រះរការ ដើម្បីកាប់បំផ្លាញព្រៃឈើ ក្នុងនោះក៏បានឲ្យលោក មោក វិច្ឆិកា ដើរតួជាអ្នកបិទមាត់ព័ត៌មាន គ្រប់គ្នាក្នុងខេត្តព្រះវិហារ ។

បើទោះជាមានការបំបិទមាត់អ្នកព័ត៍មានក្នុងការបិទបាំងការកាប់បំផ្លាញព្រៃឈើដែលកំពុងនៅសេសសល់ខ្លះឲ្យឈានទៅរកវិនាសអន្តរាយពីសំណាក់ឈ្មួញឈើទុច្ចរិតក៏ដោយ ក៏ព័ត៍មាននៃការបំផ្លាញសម្បត្តិធម្មជាតិទាំងឡាយនៅតែគេចមិនផុតពីកាម៉េរ៉ាអ្នកកាសែតត្រាច់ចរដដែល។យ៉ាងណាមិញបើយោងតាមសេចក្តីរាយការណ៍ បានឲ្យដឹងថា នៅថ្ងៃទី៩ខែមករា ឆ្នាំ ២០២២ បន្ទាប់ពីដេប៉ូឈើរបស់ ចែម៉ៅ បានផ្អាកមួយរយះ ក៏នៅមានលោកស្រី ឡេង ធារ៉ា ខិតខំឃុបឃិតគ្នាឈូសឆាយផ្លូវចូលព្រៃព្រះរការ ក្រោយក្រុមហ៊ុនដោន និងកងពលតូចលេខ៩ ដោយបានឈូសបុកចូលចំនួន២ច្រក ដើម្បីត្រៀមកាប់បំផ្លាញឈើពីព្រៃព្រះរការ ដែលជាព្រះអភិរក្ស និងជាធនធានសម្បត្តិដូនតាខ្មែរជំនាន់មុន។

ពាក់ព័ន្ឋនិងការចោទប្រកាន់ថា មន្រ្តីរដ្ឋបាលព្រៃឈើ និងមន្ត្រីបរិស្ថានខេត្តព្រះវិហារ បានព្រងើយកន្តើយនិងការថែរក្សាអភិរក្ស ព្រៃឈើ ដោយពុំមានវិធានការក្នុងការបង្រ្កាប បណ្តែតបណ្តោយឲ្យមានការកាប់រុកទន្រ្ទានព្រៃឈើជាច្រើនកន្លែង ជាពិសេសព្រៃព្រះរការ ខណៈអង្គភាព RskyNews ព្យាយាមខលទៅលោក នួន សុខុម នាយខណ្ទរដ្ឋបាលព្រៃឈើ ព្រះវិហារ តែគួរឲ្យសោកស្តាយ ទូរស័ព្ទចូលហើយបែរជាពុំបានលើកទូរស័ព្ទ។

ប្រជាពលរដ្ឋ ក៏ដូចជាអ្នកឃ្លាំមើលថែរក្សា អភិរក្សធនធានធម្មជាតិព្រៃឈើ បានសំណូមពរឲ្យលោកប្រាក់ សុវណ្ណ អភិបាលខេត្តព្រះវិហារ ហ៊ានចេញមុខបង្រ្កាបការឈូឆាយ ការដឹកជញ្ជូនឈើដោយខុសច្បាប់របស់លោកស្រី ឡេង ធារ៉ា បានដែរឬទេ? បើបានសូមមេត្តាជួយចុះត្រួតពិនិត្យព្រៃព្រះរការ ចំនុះនៅក្រោយក្រុមហ៊ុនដោន ក្បែរកងពលតូចលេខ៩ផង ដោយសារតែក្នុងអណត្តិលោកអភិបាលខេត្ត បទល្មើសព្រៃឈើកើនឡើងជាលំដាប់ អំពីបញ្ហាព្រៃឈើ ដូច្នេះដើម្បីទុកដើមឈើជូនកូនចៅ ជំនាន់ក្រោយមើលផងទាន។ម៉្យាងវិញទៀតមជ្ឈដ្ឋានប្រជាពលរដ្ឋដែលរស់នៅក្នុងខេត្តព្រះវិហារទាំងមូលក៏បានសំណូមពរឲ្យអភិបាលខេត្តនេះធ្វើបច្ចុប្បន្នភាពបង្ហាញឲ្យបានច្បាស់លាស់លើសម្បត្តិធម្មជាតិដូចជាព្រៃឈើនេះជាដើម ថាតើវានៅសេសសល់ប៉ុន្មានភាគរយ! ហើយអនុញ្ញាតិឲ្យឈ្មួញបំផ្លាញអស់ប៉ុន្មានភាគរយ! លុយដែលបានពីឈ្មួញមានចំនួនប៉ុន្មាន!បង់ចូលថវិការជាតិប៉ុន្មាន!។ សុំអធ្យាស្រ័យផង ព្រោះនេះគឺជាចម្ងល់របស់ប្រជាពលរដ្ឋដែលបានឃើញឈ្មួញដឹកឈើគគ្រឹកគគ្រេងអត់មានអ្នកបង្រ្កាប៕

ដោយ ÷ សឿន


Filed in: ព័ត៌មានជាតិ, ព័ត៌មានថ្មីៗ, ព័ត៌មានសំខាន់

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.