ព័ត៌មាន​ទាន់ហេតុការណ៍
លោក ចន្ថា វ៉ាន់ឌី ជានគរបាល បានបាញ់សម្លាប់ខ្លួននៅលើផ្ទះដោយបន្សល់ទុកលិខិត២សន្លឹកថាខ្លួនយកលុយចាក់បាល់ចាញ់អស់ហើយ សុំទោស ប៉ាម៉ាក់!! - សមត្ថកិច្ចនគរបាលស្រុកកំរៀង ឃាត់រថយន្តមួយគ្រឿងដឹកប្រហិតចម្រុះខូចគុណភាពជាងពីរតោនចេញពីប្រទេសថៃតាមច្រកដូង! - ប្រវត្តិទាក់ទងនឹងតំបន់ទីតាំងបុរាណស្ថានជនជាតិដើមភាគតិចសួយ - សម្ដេចក្រឡាហោម ស ខេង ឧបនាយករដ្ឋមន្ដ្រី បានដាក់ទណ្ឌកម្មវិន័យលើលោក សិដ្ឋ តារា អនុប្រធានពន្ធនាគារខេត្តកំពង់ស្ពឺ!! - តើលោក ហ៊ឹម អិត មានខ្នងធំប៉ុណ្ណាទើបហ៊ានចូលកាន់កាប់ដីរបស់លោក អ៊ុង រិន? - អតីតមិត្តភក្តិរួមជំនាន់សាលាបាក់ទូក ០១ក្រុម រួមគ្នាអរគុណសន្តិភាព! - ឧត្តមសេនីយ៍ឯក រ័ត្ន ស្រ៊ាង អញ្ជើញប្រកាសមុខតំណែង និង ប្រគល់ប័ណ្ណសរសើរ លិខិតសរសើរ ជូនដល់ នាយទាហាន នាយទាហានរង នៃ កងរាជអាវុធហត្ថរាជធានីភ្នំពេញ ចំនួន៥៤៥នាក់! - អាវុធហត្ថរាជធានីភ្នំពេញ ចុះបង្ក្រាបជាក់ស្តែង ទីកន្លែងលេងល្បែងភ្នាល់ជល់មាន់ ០២ទីតាំងបន្តបន្ទាប់គ្នា! - កម្លាំងនគរបាលការិយាល័យប្រឆាំងគ្រឿងញៀនខេត្តកែបបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន! - ជនសង្ស័យម្នាក់ ពាក់ព័ន្ធករណីកាន់កាប់នឹងជួញដូរអាវុធដោយខុសច្បាប់ ត្រូវបានកម្លាំងនៃអធិការដ្ឋាននគរបាលខណ្ឌបឹងកេងកង ឃាត់ខ្លួន​
0

ជន​ជាតិ​ដើម​ភាគ​តិច​រៀប​ចំ​កម្ម​វិធី​សែន​ព្រេន​នៅ​លើ​ភ្នំ​ដោះ​ក្រមុំ​ដើម្បី​ទទួល​ស្វាគមន៍ លោក​​អភិបាល​ខេត្ត​មណ្ឌល​គិរី


ខេត្តមណ្ឌលគិរី ៖ បើយោងតាមព័ត៌មាន ពីមន្ទីរព័ត៌មានខេត្តមណ្ឌលគិរី បានបញ្ជាក់ឱ្យដឹងថា នៅ ថ្ងៃទី០៩ ខែមករា ឆ្នាំ២០២២ បងប្អូនជនជាតិដើមភាគតិចព្នង (ពូនង) នៅខេត្តមណ្ឌលគិរី បានរៀបចំកម្មវិធីកាប់ក្របីសែនព្រេនតាមប្រពៃណីនៅលើភ្នំដោះក្រមុំ ដើម្បីទទួលស្វាគមន៍លោក ថង សាវុន ដែលព្រះករុណា ព្រះបាទសម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យ ត្រាស់បង្គាប់ផ្ទេរភារកិច្ចលោក ថង សាវុន ពីអភិបាលខេត្តរតនគិរី ទៅជាអភិបាលខេត្តមណ្ឌលគិរីវិញ។

ក្នុងពិធីដ៏អធិកអធមនោះដែរ ក៏មានវត្តមានលោក ណយ ស្រូន សមាជិកព្រឹទ្ធសភាប្រចាំភូមិភាគទី៨ លោក អ៊ុន ចាន់ដា អភិបាលខេត្តកំពង់ចាម លោក លោកស្រី គណៈប្រតិភូអមដំណើរ អភិបាលរងខេត្ត ថ្នាក់ដឹកនាំមន្ទីរអង្គភាពពាក់ព័ន្ធ អភិបាលក្រុង/ស្រុក និងតំណាងចាស់ទុំជនជាតិដើមភាគតិច មកពីបណ្តាក្រុង/ស្រុកទាំង០៥ក្នុងខេត្ត និងយុវជនជាច្រើននាក់ ដែលប្រព្រឹត្តទៅនៅលើភ្នំលោកតាស្រុះ យាយផ្លុំ (ភ្នំដោះក្រមុំ) ស្ថិតនៅភូមិដោះក្រមុំ សង្កាត់សុខដុម ក្រុងសែនមនោរម្យ។

ក្នុងពិធីនោះ តំណាងចាស់ទុំជនជាតិដើមភាគតិចព្នងនៅខេត្តមណ្ឌលគិរី ក៏បានបួងសួងដល់បារមីរបស់លោកតាស្រុះ យាយផ្លុំ (ភ្នំដោះក្រមុំ) តាមជួយថែរក្សា ការពារទឹកដីនៃខេត្តមណ្ឌលគិរី សូមតាមជួយបីបាច់ថែរក្សាថ្នាក់ដឹកនាំរាជរដ្ឋាភិបាល ថ្នាក់ដឹកនាំខេត្ត មន្រ្តីរាជការ ប្រជាពលរដ្ឋ រួមទាំងបងប្អូនជនជាតិដើមភាគតិចទាំងអស់ឱ្យទទួលបានសេចក្តីសុខសប្បាយ និងចៀសផុតពីជំងឺផ្សេងៗ។

អង្គភាពមន្ទីរព័ត៌មានខេត្តមណ្ឌលគិរី បានបញ្ជាក់បន្តថា នាឱកាសនោះ លោក ថង សាវុន អភិបាលខេត្តមណ្ឌលគិរី បានថ្លែងនូវការរំភើបរីករាយដែលបងប្អូនជនជាតិដើមភាគតិច បានរៀបចំកម្មវិធីសែនព្រេន តាមប្រពៃណី ដើម្បីទទួលស្វាគមន៍រូបលោកដែលមកកាន់តំណែងជាអភិបាលខេត្តមណ្ឌលគិរី។ លោកក៏បានបួងសួងដល់វត្ថុស័ក្តិសិទ្ធិក្នុងលោក ជាពិសេសលោកតាស្រុះ យាយផ្លុំ (ភ្នំដោះក្រមុំ) សូមជួយរក្សាការពារ ប្រជាពលរដ្ឋ ក៏ដូចជាបងប្អូនជនជាតិដើមភាគតិចទាំងអស់ សូមមានសុខភាពល្អ និងចៀសផុតពីជំងឺតម្កាត់នានា។ បន្ថែមលើសនេះ លោក អភិបាលខេត្តបានអំពាវនាវដល់ប្រជាពលរដ្ឋក៏ដូចជាបងប្អូនជនជាតិដើមភាគតិចនៅខេត្តមណ្ឌលគិរី ដែលមិនទាន់បានចាក់វ៉ាក់សាំងការពារជំងឺកូវីដ-១៩ សូមរួសរាន់ទៅចាក់វ៉ាក់សាំងឱ្យបានគ្រប់ៗគ្នានៅតាមទីតាំងដែលរដ្ឋបាលក្រុង/ស្រុកបានកំណត់ជូនប្រជាពលរដ្ឋ ជាពិសេសត្រូវបន្តចូលរួមអនុវត្តឲ្យបានខ្ជាប់ខ្ជួននូវវិធានការរបស់រាជរដ្ឋាភិបាលកម្ពុជា ៣កុំ និង៣ការពារ៕

ដោយ ÷ វិបុល


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.