រាជធានីភ្នំពេញ ៖ នៅថ្ងៃសៅរ៍ ៦កើត ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៨ ខែមករា ឆ្នាំ២០២២ វេលាម៉ោង៧:០០នាទីព្រឹក នៅទីស្នាក់ ការគណបក្ស ប្រជាជនកម្ពុជា ខណ្ឌដូនពេញ បានប្រារព្ធពិធីសន្និបាតបូកសរុបលទ្ធផល នៃការអនុវត្ត គោលនយោបាយអភិវឌ្ឍន៍សង្កាត់ផ្សារថ្មីទី៣ អាណត្តិទី៤ ឆ្នាំ២០១២-២០២២ និងទិសដៅភារ កិច្ច ពីពេលនេះរហូតដល់ថ្ងៃបោះឆ្នោតក្រុមប្រឹក្សាសង្កាត់ អាណត្តិទី៥ ឆ្នាំ២០២២- ២០២៧ ខណ្ឌដូនពេញ រាជធានីភ្នំពេញ ក្រោមអធិបតីភាព លោក សុខ ពេញវុធ អភិបាលនៃគណៈអភិបាល ខណ្ឌដូនពេញ និងជាអនុប្រធានគណបក្សខណ្ឌដូនពេញ និងដោយ មានការចូលរួមរួមពី លោក-លោកស្រី សមាជិកអចិន្ត្រៃយ៍គណបក្សខណ្ឌ លោក-លោកស្រី ប្រធានក្រុមការងារចុះជួយសង្កាត់ផ្សារថ្មីទី៣ និងសមាជិកសមាជិកា សរុបចំនួន១០០នាក់ ។
បើទោះណាថ្ងៃនេះគឺជាថ្ងៃសៅរ៍ដែលជាថ្ងៃឈប់សំរាករបស់មន្រ្តីរាជការក៏ដោយ តែសំរាប់គណបក្យប្រជា ជនកម្ពុជា គឺជាពេលវេលាដ៏មានតម្លៃនៃការឈានទៅរកភាពឈ្នះ!ទាំងឈ្នះលើការដឹកនាំ ទាំងឈ្នះលើកំរិតជីវភាពរបស់ប្រជាពលរដ្ឋ ដែលមានលោក សុខ ពេញវុធ គឺជាចៅហ្វាយខណ្ឌមួយរូបដែលត្រូវបានថ្នាក់ដឹកនាំមើលឃើញថាមានបុគ្គលិកលក្ខណៈពេញលេញ ទាំងអត្តចារិក ព្រមទាំងសមត្ថភាពដែល គេរំពឹងយ៉ាងមុតមាំថាខណ្ឌដូនពេញនឹងទទួលបានការគាំទ្រពីមហាជននៅរដូវកាលនៃការបោះឆ្នោតក្រុមប្រឹក្សាឃុំ សង្កាត់ ដែលនឹងមកដល់នៅពេលដ៏ខ្លីខាងមុខ៕
ដោយ ÷ វិបុល
