បន្ទាយមានជ័យយ ÷ នាថ្ងៃទី៣ខែមករាឆ្នាំ២០២២ ក្រុមអ្នកញៀនល្បែងស៊ីសងជល់មាន់ បានស្កាត់មក ពីក្នុងក្រុងនិងពីស្រុកផ្សេងៗក្នុងភូមិសាស្ត្រខេត្តបន្ទាយមានជ័យ។ ពួកគេបានចតឡាន ពង្រាយ នៅតាមចិញ្ចើមផ្លូវនិងដីឡូត៍ ហើយក៏មានកន្លែងដាក់ផ្ញើម៉ូតូ យកលុយផងដែរ។ អ្នកលេងក៏នាំគ្នាចូល ទៅ លេង ដ៏គគ្រឹក ។
ទើបបែកធ្លាយកាលពីថ្ថ្ងៃទី៤ខែមករាឆ្នាំ២០២២ នូវសង្វៀនបញ្ជល់មាន់ដ៏ធំមួយកន្លែងមានម្ចាស់ឈ្មោះ ផេ ចំណុចជិតជើងភ្នំស្វាយឬក៏ជិតស្ថានីយផ្សាយសំឡេងចំនួនបីស្ថានីយនាខាងជើងសាលាខេត្ត និង តុលាការខេត្ត។ ទីនោះក៏នៅជិតបន្ទាយយោធភូមិភាគ៥ ទិសទី១(បន្ទាយមានជ័យ ) ស្ថិតនៅ ក្នុងភូមិភ្នំកន្ទួត សង្កាត់កំពង់ស្វាយ ក្រុង សិរីសោភ័ណ ។
ប្រភពព័ត៌មានបានឱ្យដឹងថា ក្តីព្រួយបារម្ភហួសពីការលេងល្បែងស៊ីសងនេះ គឺក្រុមអ្នកលេង និងម្ចាស់សត្វផងមិនបានយកចិត្តទុកដាក់លើវិធានការសុខាភិបាលក្នុងការទប់ស្កាត់ជំងឺកូវីដ១៩ ឬ អូមីក្រុងទេ។ អ្នកញៀនល្បែងបានឲ្យដឹងថា សង្វៀនបញ្ជល់មាន់របស់ឈ្មោះ ផេ ។សង្វៀនបានបើកឲ្យលេងចាប់ពីព្រឹកដល់យប់ (តាមថ្ងៃ) ហើយចាក់ភ្នាល់ចាប់ពីប្រាំលាន ដល់១០ លានរៀលក្នុងមួមួយគួរ នេះមិនរាប់ពីអ្នកចាក់ខាងក្រៅទេ ។
ឯលក្ខខណ្ឌសម្រាប់ភ្ញៀវចូលទៅលេង មុននឹងចូលលេងគឺត្រូវបង់លុយឱ្យម្ចាស់ទីតាំង ពីប្រាំពាន់ទៅមួយម៉ឺនរៀលក្នុងម្នាក់ៗ៕
ដោយ ÷ វិបុល
