ល្បែងសុីសងជល់មាន់និងអាប៉ោងបើកលេងវិញហើយនៅស្រុកស្ទឹងត្រង់ ក្រោយបង្ក្រាបមួយចំអិនកំពឹស!

ខេត្ដកំពង់ចាម ៖ ប្រភពព័ត៌មានពីស្រុកស្ទឹងត្រង់បានឲ្យដឹងថាទីតាំងលួចលាក់ល្បែងសុីសងជល់មាន់នឹងអាប៉ោង នៅភូមិខ្ពបតាងួន ឃុំខ្ពបតាងួន ស្រុកស្ទឹងត្រង់ ខេត្ដកំពង់ចាម បាននឹងកំពុងបើកលេងយ៉ាងរំភើយនៅថ្ងៃទី០១ខែមករា ឆ្នាំ ២០២២ នេះមិនរំខានដល់អាធរមានសមត្ថកិច្ចក្នុងមូលដ្ឋានឡើយ ដោយប្រមូលផ្ដុំគ្នាបេីកលេងយ៉ាងសប្បាយទៅវិញ។

បើយោងតាមប្រភពពីអ្នកចេញចូលលេងល្បែង ទីតាំងខាងលើបានឲ្យដឹងថា ទីតាំងនេះមានម្ចាស់ឈ្មោះ ពេក និងលោកប៉ុម បានអួតប្រាប់ក្រុមអ្នកញៀនល្បែងដែលទៅលេងទីតាំងខាងលើនេះថា មិនឱ្យមានការព្រួយបារម្ភពីការបង្ក្រាបនៃក្រុមសមត្ថកិច្ចណាឡើយ ដោយខ្លួនបានដាក់ខែឱ្យសមត្ថកិច្ចពីក្រោមដល់លើអស់ហើយ។

ពលរដ្ឋបានឲ្យដឹងថានៅក្នុងស្រុកស្ទឹងត្រង់មួយរយៈប៉ុន្មានខែនេះកើនមានល្បែងសុីសងគូរឲ្យកត់ សំគាល់ផងដែរ ហើយទីតាំងខ្លះត្រូវបានសមត្ថកិច្ចធ្វើការបង្ក្រាបតែទីតាំងខ្លះក៍មិនទាន់បង្ក្រាប។

ហើយអ្វីដែលសំខាន់ទៀតនោះគេសង្កេតឃើញថា បទល្មើសចោរកម្មក៏កើតឡេីងដូចជាចោរឆក់ ចោរលួច ចោរប្លន់ គាស់ផ្ទះយកទ្រព្យសម្បតិរបស់បងប្អូនប្រជាពលរដ្ឋជាដើម គឺអាចកើតចេញពីល្បែងស៊ីសងទាំងនេះឯង។

ពាក់ព័ន្ធនឹងករណីនេះដែរប្រជាពលរដ្ឋបានសុំណូមពរដល់អាជ្ញាធរពាក់ព័ន្ធទាំងអស់ជាពិសេស លោកឧត្ដមសេនីយ៍ទោ ឯម កុសល ស្នងការខេត្ដកំពង់ចាម មេត្តាចុះពិនិត្យ និងបង្ក្រាបទីតាំងដែលបើកល្បែងសុីសងនេះផង ដើម្បីឲ្យស្របតាមគោលនយោបាយភូមិ សង្កាត់ មានសុវត្ថិភាពទាំង៧ ចំណុចរបស់រាជរដ្ឋាភិបាលដែលបានដាក់ចេញកន្លងមក។

អង្គភាពយើងនឹងរងចាំការបំភ្លឺគ្រប់ពេលវេលាប្រសិនបើមានការពន្យល់បកស្រាយ ពីអាជ្ញាធរ និង សមត្ថកិច្ច ឬសាម៉ីភាគីពាក់ទាំងអស់ ជុំវិញការព្រួយបារម្ភ និងការលើកឡើងពីសំណាក់ប្រជាពរដ្ឋ នូវការបើកបនល្បែងស៊ីសងខាងលើ៕

ដោយ ÷ វិបុល