ខេត្តកំពង់ធំ ÷ ប្រភពពីអ្នករកស៊ីឈើបានអោយដឹង នៅថ្ងៃទី៣០ ខែធ្នូ ឆ្នាំ២០២១ ថា គេប្រាប់ថា អ្នករកស៊ីឈើបាន ប្រកាស ជូនដំណឹងសុំផ្លូវដឹករបស់ និងឈើ ដោយបានបង់លុយអោយមន្ត្រីជំនាញរដ្ឋបាលព្រៃឈើ និងមន្ត្រីបរិស្ថាន ដែលគ្រប់គ្រង នៅតំបន់ ឬគោលដៅទទួលខុសត្រូវ ឆ្លងកាត់នោះរួចស្រេចបាច់ ជាមុនហើយ ទើបហ៊ានដឹកឈើចេញយ៉ាងព្រងើយ នោះមិនខុសអីពីពាក្យបុរាណនិយាយថា “អារសាច់ជូនខ្លាទើបនៅស្រុកបាននោះទេ”។
ក្បួនរទេះក្របី គោ គោយន្តកន្ត្រៃ រថយន្តច្នៃ..ដូចហែក ឋិនបង្កើតបទល្មើសដឹកជញ្ជូនឈើឈើមូល៏គគ្រឹកគ គ្រេង ប៉ុន្តែមន្ដ្រីជំនាញ បង្ហើបតបថា បានឃើញដែរ តែមិនហ៊ានមើល មិនចង់ថា ឬបកស្រាយដូចម្តេចឡើយ ព្រោះខ្លាចឈ្មួញប្ដឹង ឬភ្ជាប់ទៅរឿងមិនប្រក្រតី ដែលនឹងនាំទុក្ខដាក់ខ្លួន។
ជាក់ស្ដែង នៅយប់ថ្ងៃទី២៩ ខែធ្នូ ឆ្នាំ២០២១ មានរទេះក្របី ចំនួន៧គ្រឿង ដឹកឈើមូល ចេញពីព្រៃសហគមន៍ទំអរ ឆ្លងកាត់តាមច្រកអើយបាន នៅយ៉ាងស្រួល ដ្បិតមានអ្នករត់ការ ជិះម៉ូតូពីមុខក្បួន។ ពោលគឺ បានដឹកជញ្ជូនឈើ ឆ្លងកាត់ ភូមិសាស្ត្រ ទឹកដីស្រុកសន្ទុក ក្រោមដែនការគ្រប់គ្រង របស់លោក មុំ សុផល នាយផ្នែករដ្នបាលព្រៃឈើ កំពង់ថ្ម និងដែលជាថ្នាក់លើនៃ បី សង្កាត់រដ្ឋបាលព្រៃឈើ គឺសង្កាត់ក្រយា សង្កាត់តាំងក្រសាំង សង្កាត់បារាយណ៍។
ពាក់ព័ន្ធនឹងការដឹកជញ្ចូនអនុផល ផលព្រៃឈើ ខាង លើនេះ ការទំនាក់ទំនងបំភ្លឺពី លោក មុំ សុផល នាយផ្នែករដ្នបាលព្រៃឈើ កំពង់ថ្ម នៅមិនអាចទទួលការ ហៅចូលបំភ្លឺ បាននៅឡើយ មកទល់ថ្ងៃទី៣១ ខែធ្នូ ។
ប៉ុន្តែលោក ប៊ុន សុធី នាយខណ្ឌរដ្នបាលព្រៃឈើកំពង់ធំ បានប្រាប់ឱ្យសារព័ត៌មានឲ្យដឹង នៅថ្ងៃទី៣០ខែធ្នូថា លោកនឹងអោយមន្ដ្រីរបស់លោក ចុះស្រាវ ជ្រាវមើល ថាតើបានឃើញ ឬមានករណីដឹកឈើ ឬអត់ទេ? ។
ប៉ុន្តែប្រភពមានទំនាក់ទំនងនឹងមន្ត្រីរដ្ឋបាលព្រៃឈើ និងមន្ត្រីបរិស្ថាន បានប្រាប់ក្រុមអ្នកសារព័ត៌មាន នៅថ្ងៃទី៣១ ខែធ្នូ ឆ្នាំ២០២១ ថា មន្ត្រីជំនាញក៏ដូចមន្ត្រីមានសមត្ថកិច្ច ក៏បានឃើញដែរ នូវសកម្មភាពបទល្មើសព្រៃឈើ ផលអនុផលព្ព្រៃឈើមួយចំនួន ប៉ុន្តែមិនហ៊ានមើល មិនចង់ថា ឬបកស្រាយ យ៉ាងណានោះទេ ព្រោះខ្លាច ឈ្មួញប្ដឹង ឬភ្ជាប់ទៅរឿងមិនប្រក្រតី ដែលនាំទុក្ខអំពល់ដាក់ខ្លួន ហើយខាងថ្នាក់លើ បន្ទោស។ ស្តាប់ក្រុមមន្រ្តីបកស្រាយបែបនេះយើងដូចចង់អាណិតបន្តិច ចង់ជេរបន្តិច។ យើងពិតជាអត់យល់ទេលោកមេព្រៃ!ក្រែងគេបញ្ជូនពួកលោកទៅឲ្យទៅការពារព្រៃឈើ អាម៉េចបានជាមិនចាប់ហើយ បែរទៅជាសូម្បីតែនិយាយក៏ខ្លាចមានបញ្ហាដាក់ខ្លួន? បើអញ្ចឹងដដែល ម៉េចមិននៅផ្ទះ ឲ្យគេអ្នកហ៊ានធ្វើម្តង។
ទាក់ទងការចោទប្រកាន់លើជំនាញរដ្ឋបាលព្រៃឈើនិងមន្ត្រីពាក់ព័ន្ធខាងលើ អង្គភាពយើងខ្ញុំនឹងរង់ចាំការបំភ្លឺរៀងរាល់ម៉ោងធ្វើការ៕
ដោយ ÷ វិបុល
