ឃុំពាមបាង ÷ សេចក្តីរាយការណ៍ពីប្រជានេសាទ បានឲ្យដឹងទៀតថា អ្នកនេសាទជនជាតិយួនបានប្រើទូកធំៗជាច្រើនគ្រឿងអូសយ៉ាំងកាវភ្ជាប់ឧបករណ៍ឆក់ត្រជាក់ចាប់ត្រីរាប់សិបតោនក្នុងមួយថ្ងៃៗ ដោយគ្មានមន្ត្រីជំនាញ និងសមត្ថកិច្ចណាបង្រ្កាបឡើយ ផ្ទុយទៅវិញលោក ហួន ផល នាយសង្កាត់រដ្ឋបាលជលផលពាមបាង និងលោក ហុក ម៉ន់ នាយរងសង្កាត់ជលផលពាមបាង និងមន្ត្រីបរិស្ថានប្រចាំតំបន់ពាមបាង ជាអ្នកឃុបឃិតឲ្យជនជាតិយួន ប្រើឧបករណ៍ខុសច្បាប់ចាប់ត្រីខ្មែរយ៉ាងមហន្តរាយ។ ចំណែកលោក ជិន ស៊ីថា នាយខណ្ឌជលផលខេត្តកំពង់ធំ និងលោក ប៉ែន វណ្ណរិទ្ធ ប្រធានមន្ទីរកសិកម្មខេត្តកំពង់ធំ នៅតែបណ្តោយឲ្យមន្ត្រីរដ្ឋបាលជលផលប្រចាំតំបន់បឹងទន្លេសាប ឃុំពាមបាង ស្រុកស្ទោង ធ្វើអ្វីៗតាមតែទំនើងចិត្ត។
ប្រភពព័ត៌មានពីប្រជាពលរដ្ឋ នៅឃុំពាមបាង ស្រុកស្ទោង ខេត្តកំពង់ធំ បានឲ្យដឹងថា បច្ចុប្បន្នសកម្មភាពអូសយ៉ាំងកាវភ្ជាប់ឧបករណ៍ឆក់ត្រជាក់កើតឡើងយ៉ាងពេញបន្ទុកក្នុងផ្ទៃបឹងទន្លេសាប ចំនុះមុខបាឡត ឃុំពាមបាង ស្រុកស្ទោង ព្រោះមានការបើកដៃពីសំណាក់មន្ត្រីខិលខូចជ្រោកក្រោមស្លាករដ្ឋបាលជលផល បរិស្ថាន និងសមត្ថកិច្ចពាក់ព័ន្ធ។ ប្រជានេសាទបានអះអាងថា ការបង្ក្រាបបទល្មើសនេសាទក្នុងតំបន់បាឡត នាពេលកន្លងមកបានត្រឹមតែធ្វើឲ្យល្អមើលប៉ុណ្ណោះ ព្រោះក្រោយពេលបង្ក្រាប បទល្មើសនៅតែកើតឡើងពេញបន្ទុកដដែល។ ហេតុនេះហើយទើបមានសេចក្តីអំពាវនាវឲ្យលោក ងួន រតនៈ អភិបាលខេត្តកំពង់ធំ និងលោក ពុំ សុថា មេត្រីនៃក្រសួងកសិកម្ម ត្រូវចាត់វិធានការបង្ក្រាបបទល្មើសនេសាទ នៅតំបន់បឹងទន្លេសាប ឃុំពាមបាង នេះប្រកបដោយប្រសិទ្ធភាព។
តាមការបង្ហើបពីមន្ត្រីនៅក្នុងមន្ទីរកសិកម្មខេត្តកំពង់ធំ បានឲ្យដឹងទៀតថា ប្រសិនបើគ្មានការបើកដៃពីលោក ប៉ែន វណ្ណរិទ្ធ ប្រធានមន្ទីរកសិកម្មខេត្តកំពង់ធំ និងលោក ជិន ស៊ីថា នាយខណ្ឌរដ្ឋបាលជលផលខេត្តកំពង់ធំ ទេនោះគឺមន្ត្រីរដ្ឋបាលជលផលប្រចាំតំបន់ពាមបាង ស្រុកស្ទោង មិនហ៊ានបណ្តោយឲ្យបទល្មើសនេសាទកើតឡើងយ៉ាងគំហុកនោះទេ។ ហេតុនេះហើយលោក ងួន រតនៈ អភិបាលខេត្តកំពង់ធំ និងលោក ពុំ សុថា មេត្រីនៃក្រសួងកសិកម្ម ត្រូវមានការពិនិត្យឡើងវិញជាបន្ទាន់ កុំឲ្យមើលរំលងតទៅទៀត។
ប្រភពពីប្រជានេសាទនៅឃុំពាមបាង បានឲ្យដឹងដែរថា រយៈពេលជិត៣សប្តាហ៍ហើយ ដែលជនជាតិយួនបានធ្វើសកម្មភាពអូសយ៉ាំងកាវភ្ជាប់ឧបករណ៍ឆក់ត្រជាក់បំផ្លាញធនធានមច្ឆារជាតិយ៉ាងព្រងើយ។មជ្ឈដ្ឋានអ្នកជំនាញខាងជលផលបានប្រមើល មើលឃើញថា មិនយូរមិនឆាប់ផលត្រីក្នុងបឹងទន្លេសាបនឹងត្រូវវិនាសហិនហោចពីផ្ទៃទន្លេជាក់ជាមិនខាន។គេបានលើកជាសំណួរទៅលោកងួន រតនៈ ដែលថ្នាក់លើចាត់តាំងឲ្យមកធ្វើចៅហ្វាយខេត្ត មើលការខុសត្រូវ ថែរក្សាសម្បត្តិធម្មជាតិ មិនថាលើគោក រឺក្នុងទឹក មានបើកភ្នែកមើលភាពវិនាសសាបសូន្យនៃភោគទ្រព្យដែលមានតម្លៃមហាសាលចិញ្ចឹមមនុស្សតជំនាន់នេះដែររឺទេ!។រួចចុះមេក្រសួងកសិកម្មដែលមានរដ្ឋបាលជលផលជាសេនាធិការ គេឲ្យមកមើល រឺក៏ឲ្យមកចូលរួមបំផ្លាញជាមួយអាសាសន៍ចោរចង្រៃដែលតែងតែលួចប្លន់ខ្មែរគ្រប់សម័យកាល!។យើងជឿថាមានតែសម្តចប្រមុខនៃកម្ពុជាដែលមានអំណាចស្មើមេឃទេ ទើបអាចកំណត់វាសនា មន្រ្តី ចោលម្សៀតទាំងនោះ ថាតើត្រូវប្រើផ្តៅ រឺត្រូវបញ្ជូនទៅត្រពាំងផ្លុង ដើម្បីរក្សាមច្ឆាជាត់របស់យើងឲ្យនៅគង់វង្ស៕
ដោយ ÷ វិបុល
