ព្រៃវែង ៖ នៅថ្ងៃសៅរ៌២កើត ខែទុតិយាសាឍ ឆ្នាំ ច សំរឹទ្ឌិស័ក ព ស២៥៦២ ត្រូវនឹងថ្ងៃទី១៤ ខែកក្កដា ឆ្នាំ២០១៨ ឯកឧត្តម ហាស់ សារ៉េត ប្រធានក្រុមការងារថ្នាក់កណ្តាលចុះជួយស្រុកកំពង់ត្របែក និងឯកឧត្តមឧកញ៉ា សំ ប៊ន អនុប្រធានក្រុមការងារចុះជួយស្រុកកំពង់ត្របែក នៃខេត្តព្រៃវែង និងជាអនុប្រធានក្រុមការងារពិសេសចលនាបណ្តាគណបក្សនយោបាយខេត្តបាត់ដំបងបានដឹកនាំក្រុមការងារចុះជួបនិងសំណោះសំណាលសាកសួរសុខទុក្ខសមាជិកសមាជិការគណបក្សប្រជាជនកម្ពុជា (CPP) មានចំនួនប្រមាណ១៥០០នាក់មកពីឃុំកន្សោមអក នៃស្រុកកំពង់ត្របែក។
ថ្លែងទៅកាន់សកម្មជន សមាជិក សមាជិការគណបក្សប្រជាជនកម្ពុជា នៅក្នុងស្រុកកំពង់ត្របែក ឯកឧត្តម ហាស់ សារ៉េត និងឯកឧត្តមឧកញ៉ា សំ ប៊ន បានសំដែងការសាកសួរសុខទុក្ខពីសំណាក់សម្តេចក្រឡាហោមស ខេង អនុប្រធានគណបក្សប្រជាជនកម្ពុជា និងជាប្រធានគណះពង្រឹងចុះជួយខេត្តព្រៃវែង និងខេត្តបាត់ដំបង ដោយសម្តេចបានផ្តាំផ្ញើអោយសមាជិកសមាជិការបក្សទាំងអស់ត្រូវអញ្ជើញទៅបោះឆ្នោតជ្រើសតាំងតំណាំងរាស្រ្តនីតិការទី៦ ដែលប្រព្រឹត្តទៅនៅថ្ងៃអាទិត្យ ទី២៩ ខែកក្កដា ឆ្នាំ២០១៨ ជូនគណបក្សប្រជាជនកម្ពុជា ដែលមានលេខរៀងទី ២០ មានរូបសញ្ញាទេវតាបាច់ផ្កាជាសំគាល់ ដើម្បីបន្តគាំទ្រសម្តេចតេជោ ហ៊ុន សែន ប្រធានគណបក្សប្រជាជនកម្ពុជា ធ្វើជានាយករដ្ឌមន្ត្រី នៃព្រះរាជាណាចក្រកម្ពុជា ដើម្បីដឹកនាំប្រទេស ប្រកបដោយការអភិវឌ្ឍន៏ សុខសន្តិភាព និងកសាងប្រទេសជាតិយើងអោយមានការរីកចំរើនលើគ្រប់វិស័យ។
នៅក្នុងពិធីជួបជុំពិសេសនេះ ឯកឧត្តម ហាស់ សារ៉េត ប្រធានក្រុមការងារថ្នាក់កណ្តាលចុះជួយស្រុកកំពង់ត្របែកបានថ្លែងការកោតសសើរដល់សកម្មជន និងសមាជិកសមាជិការបក្សប្រជាជនកម្ពុជា ទូទាំងស្រុកកំពង់ត្របែកដែលបានឆ្លៀតពេលវេលាដ៌មានតំលៃមកចូលរួមនៅក្នុងពិធីសំណោះសំណាលដ៌មានអត្តន៌យជាមួយក្រុមការងារ។ ឯកឧត្តមបានបន្តថាសូមបងប្អូនទាំងអស់ត្រូវទៅបោះឆ្នោតអោយបានគ្រប់ៗគ្នា នៅថ្ងៃអាទិត្យ ទី២៩ ខែកក្កដា ឆ្នាំ២០១៨ ដោយនៅសល់តែ១៥ថ្ងៃទៀតទេ ហើយគូសអោយចំគណបក្សប្រជាជនកម្ពុជាដែលមានលេខរៀងទី២០ ងាយស្រួលចំណាំ ដោយមានរូបទេវត្តាបាច់ផ្កា ។
នាឱកាសសំណោះសំណាលឯកឧត្តមឧកញ៉ា សំ ប៊ន អនុប្រធានក្រុមការងារចុះជួយស្រុកកំពង់ត្របែក ខេត្តព្រៃវែង និងជាអនុប្រធានក្រុមការងារពិសេសចលនាបណ្តាគណបក្សនយោបាយ បានធ្វើការវាយតំលៃនិងមានមោទនភាពក្រៃលែងដែលថ្នាក់ដឹកនាំបានផ្តល់សេចក្តីទុកចិត្តអោយរូបលោកមានឪកាសបានចូលរួមបំរើប្រជាជនកម្ពុជា ។ ឯកឧត្តមឧកញ៉ា សំ ប៊ន បានសំណូមពរដល់សមាជិកសមាជិការអញ្ចើញទៅបោះឆ្នោតជ្រើសតាំងតំណាងរាស្រ្តនិតិកាលទី៦ នៅថ្ងៃអាទិត្យ ទី២៩ ខែ កក្តដា ឆ្នាំ ២០១៨ ខាងមុខអោយបានគ្រប់ៗគ្នា ពីព្រោះសន្លឹកឆ្នោតរបស់បងប្អូន១សន្លឹកគូសចំគណបក្សប្រជាជនកម្ពុជា អាចបន្តធ្វើអោយប្រទេសជាតិយើងមានស្ថេរភាព អភិវឌ្ឍន៏ សេដ្ឋកិច្ច មានការងារធ្វើសំរាប់កូនចៅរបស់យើងគ្រប់ៗគ្នា ហើយសូមកុំចាញ់កល្បិចបោកប្រាស់របស់ក្រុមរត់ចោលស្រុកសម រង្សី ដែលតែងតែប៉ុនប៉ងបង្កើតបក្សដិវត្តពណ៏ផ្តួលរលំរាជរដ្ឌាភិបាលស្របច្បាប់ ៕
ដោយ ៖ សំណាង
