ខេត្តកណ្ដាល ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានចេញសេចក្ដីប្រកាសស្ដីពីការតែងតាំងមន្ត្រីពន្ធនាគារ លេខ២៦២៤ ប្រក ចុះថ្ងៃទី១៨ ខែតុលា ឆ្នាំ២០២១ សម្រេចតែងតាំងលោកឧត្ដមអគ្គានុរក្ស ថ្នាក់លេខ៣ ឯម និមល អត្តលេខ០១៦៣ ឲ្យទៅកាន់មុខតំណែងជាប្រធានពន្ធនាគារខេត្តកណ្តាល ជំនួសលោកឧត្ដមអគ្គានុរក្ស ចាត សុីនាង វិញ។
ដោយឡែកលោកឧត្ដមអគ្គានុរក្ស ថ្នាក់លេខ១ ចាត សុីនាង អត្តលេខ០០៥៣ ត្រូវបានតែងតាំងជាអគ្គនាយករង នៃអគ្គនាយកដ្ឋានពន្ធនាគារក្រសួងមហាផ្ទៃវិញ។ នេះបើយោងតាមអនុក្រឹត្យស្តីពីការតែងតាំងមន្ត្រីរាជការ លេខ៤៧២ អនក្រ.តត ចុះថ្ងៃទី១១ ខែតុលា ឆ្នាំ២០២១ ដែលបណ្ដាញព័ត៌មានក្នុងស្រុកទើបទទួលបាននារសៀលថ្ងៃទី២៥ ខែតុលា ឆ្នាំ២០២១នេះ។
សូមជម្រាបថា លោកឧត្ដមអគ្គានុរក្ស ឯម និមល ជាអនុប្រធានពន្ធនាគារខេត្តកណ្តាលដែលបម្រើការងារអស់រយះពេលជាយូរយារណាស់មក៕
ដោយ ÷ វាសនា
