ខេត្តកំពង់ឆ្នាំង៖ នាព្រឹកថ្ងៃទី១៩ ខែតុលា ឆ្នាំ២០២១ ឯកឧត្តម ស៑ុន សុវណ្ណារិទ្ធិ ប្រធានគណ:កម្មាធិការគណបក្សប្រជាជនកម្ពុជាខេត្តកំពង់ឆ្នាំង បាននាំយកថវិការបស់ ឯកឧត្ដម បណ្ឌិតសភាចារ្យ អ៑ុក រ៉ាប៑ុន រដ្ឋមន្ត្រីក្រសួងអភិវឌ្ឃន៍ជនបទ អនុប្រធានទី១ ក្រុមការងារថ្នាក់កណ្តាលចុះជួយមូលដ្ឋានខេត្តកំពង់ឆ្នាំង និងប្រធានក្រុមការងារថ្នាក់កណ្តាលចុះជួយមូលដ្ឋានស្រុករលាប្អៀរ និងស្រុកសាមគ្គីមានជ័យ ចំនួន ៩,៥០០ ដុល្លារសហរដ្ឋអាមេរិក មកប្រគល់ជូនគណបក្សស្រុកសាមគ្គីមានជ័យ។
ថវិកាដែលបាននាំមកប្រគល់ជូនគណបក្សស្រុកសាមគ្គីមានជ័យដើម្បី៖
១-ឧបត្ថម្ភភ្នាក់ងារគណបក្សសង្កេតការណ៍មើលដំណើការពិនិត្យឈ្មោះ និងចុះឈ្មោះបោះឆ្នោត ឆ្នាំ២០២១ ចំនួន ៤.៥០០ ដុល្លារសហរដ្ឋអាមេរិក សម្រាប់៩ ឃុំទូទាំងស្រុកសាមគ្គីមានជ័យ។
២-កសាងសួនច្បារនៅស្នាក់ការគណបក្សស្រុក ចំនួន ៤.០០០ ដុល្លារសហរដ្ឋអាមេរិក
៣-ឧបត្ថម្ភប្រតិបត្តិរបស់មន្ត្រីស្នាក់ការគណបក្សស្រុកចុះតាមមូលដ្ឋានឃុំ ភូមិ ១.០០០ ដុល្លារសហរដ្ឋអាមេរិក។
ក្នុងឪកាសនោះ ឯកឧត្តមប្រធានគណ:កម្មាធិការគណបក្សខេត្តបានធ្វើការសំណេះសំណាលក្រើនរំលឹកដល់លោកប្រធានគណ:កម្មាធិការគណបក្សស្រុកត្រូវពង្រឹងការទទួលខុសត្រូវដឹកនាំគណបក្សឃុំ ភូមិធ្វើសកម្មភាពភាពឲ្យបានសកម្ម មានគំនិតច្នៃប្រឌិតក្នុងការអភិវឌ្ឍន៍មូលដ្ឋានរបស់ខ្លួន គ្រប់គ្រងសមាជិកបក្សឲ្យបានច្បាស់លាស់ ដោះស្រាយទុក្ខលំបាករបស់សមាជិកបក្សឲ្យបានទាន់ពេលវេលា។
លោក វន សុីផា ប្រធានគណ:កម្មាធិការគណបក្ស ក្នុងនាមគណបក្សស្រុក និងគណបក្សឃុំទាំង ៩ សូមគោរពថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម បណ្ឌិតសភាចារ្យ អ៑ុក រ៉ាប៑ុន ដែលតែងតែជួយឧបត្ថម្ភគាំទ្រសព្វបែបយ៉ាងដល់គណបក្សស្រុក និងគណបក្សឃុំក្នុងខេត្តកំពង់ឆ្នាំង និងសូមគោរពជូនពរឯកឧត្ដម បណ្ឌិសភាចារ្យ និងក្រុមគ្រួសារ បានជួបប្រទះតែនឹងសេចក្តីសុខ សេចក្តីចម្រើន ជោគជ័យគ្រប់ការងារភារកិច្ចទាំងបក្ស និងរដ្ឋប្រគល់ជូន ៕
ដោយ ÷ វិបុល
