ព័ត៌មាន​ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេសឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី បន្តវិនិច្ឆ័យក្បាលដីនៃការចុះបញ្ជីដីមានលក្ខណៈជាប្រព័ន្ធ នៅភូមិល្អឺនកាំងមីស ឃុំអូរជុំ ស្រុកអូរជុំ ខេត្តរតនគិរី - សេចក្តីប្រកាសព័ត៌មាន ស្តីពី លទ្ធផលនៃដំណើរទស្សនកិច្ចផ្លូវការរបស់ សម្ដេចមហាបវរធិបតី ហ៊ុន ម៉ាណែត នាយក រដ្ឋមន្រ្តី នៃព្រះរាជាណាចក្រកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប ប្រចាំការបិទផ្សាយជាសាធារណៈនូវឯកសារបញ្ជីឈ្មោះម្ចាស់ដី និងប្លង់សុរិយោដីតំបន់៣ កាត់មកតំបន់១ និងតំបន់២ ស្ថិតក្នុងភូមិសាស្រ្តឃុំកំពង់ភ្លុក ស្រុកប្រាសាទបាគង ខេត្តសៀមរាប - កិច្ចប្រជុំក្រុមការងារសិក្សាពិនិត្យ និងចុះបញ្ជីដីពាក់ព័ន្ធបុរាណដ្ឋាន ក្នុងភូមិសាស្ត្រខេត្តសៀមរាប មានចំនួន ១៩.០០០ក្បាលដី - ឯកឧត្តម សាយ សំអាល់ ថ្លែងថា អាងប្រព្រឹត្តកម្មទឹកកខ្វក់ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ - គណៈកម្មាធិការបណ្តុះបណ្តាលខេត្តសៀមរាបបើកកិច្ចប្រជុំផ្សព្វផ្សាយកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងងាយរងហានីភ័យ! - ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ - សមិទ្ធផលថ្មីព្រះវិហាវត្តទិព្វពិសីហៅវត្តដំរីឆ្លងដែលស្ថិតនៅឃុំសង្វើយស្រុកជីក្រែង ខេត្តសៀមរាបត្រូវបានប្រារព្ធពិធីសម្ពោធ និងកាត់ឫសសីមាដាក់ឱ្យប្រើប្រាស់ - កម្លាំងជំនាញផ្នែករដ្ឋបាលជលផលកំពង់ប្រសាទឃាត់បានឧបករណ៍នេសាទខុសច្បាប់!
0

លោក ​ចាន់ វិឌ្ឍី​ណាវុធ ​ត្រូវ​បាន​ដក​ចេញ​ពី​តំណែង​ប្រធាន​មន្ទីរ​ពេទ្យ​មិត្ត​ភាព​កម្ពុជា​-​ជប៉ុន​មង្គល​បូរី​ដោយ​ខ្វះការ​ទទួល​ខុស​ត្រូវ​!!!


ខេត្តបន្ទាយមានជ័យ ៖ លោក​វេជ្ជបណ្ឌិត ច័ន្ទ វិ​ឌ្ឍី​ ណាវុឌ្ឍ ប្រធានមន្ទីរពេទ្យខេត្តមិត្តភាពកម្ពុជា -​ជប៉ុន​ មង្គលបូរី ត្រូវបាន​ដកចេញពី​តំណែង​ ហើយលោកវេជ្ជបណ្ឌិ ទុ បារាំង​ ត្រូវបានឡើងជាប្រធានថ្មី នៃមន្ទីរពេទ្យមួយជំនួសវិញ នេះបើយោងតាមប្រសាសន៍ របស់ឯកឧត្តម អ៊ុំ រាត្រី អភិបាល នៃគណអភិបាលខេត្តបន្ទាយមានជ័យ បានអោយសារព័ត៌មានក្នុងស្រុកដឹងកាលពីថ្ងៃទី០៦ ខែកញ្ញា ឆ្នាំ២០២១។

ឯកឧត្តមអភិបាលខេត្តបានថ្លែងថា៖ ក្នុងករណី​ខ្វះ​ទំនួលខុសត្រូវក្នុងការគ្រប់គ្រងរបស់លោកជា​ប្រធាន​មន្ទីរពេទ្យ​ខេត្ត​មិត្តភាព​កម្ពុជា-ជប៉ុន​ មង្គលបូរី ក៏បានដឹងដល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាផងដែរ។

លោកវេជ្ជបណ្ឌិតត​ ឡេ ច័ន្ទ​សង្វាត ប្រធាន​មន្ទីរ​សុខាភិបាល​ខេត្តបន្ទាយមានជ័យ​ បានអោយដឹងថា ក្រោយពី​មានរឿង​ក្នុងករណី​ខ្វះ​ទំនួលខុសត្រូវក្នុងការគ្រប់គ្រងរបស់លោកប្រធាន​មន្ទីរពេទ្យ​ខេត្ត​មិត្តភាព​កម្ពុជា-ជប៉ុន​ មង្គលបូរី រួចមក យើង​បាន​ប្រជុំ​ក្រុមប្រឹក្សាវិន័យ​ ហើយបានបោះមតិស្ទាបស្ទង់ផ្គូរផ្គងស្នើសុំ​ជា​បេក្ខជន​ត្រូវ​ធ្វើជា​ប្រធាន​ថ្មី ក្នុងនោះ មតិ​ភាគច្រើន​ បានស្នើសុំផ្តល់ទំនុកចិត្តដល់លោកចក្ខុ​បណ្ឌិត​ ទុ បារាំង អនុប្រធាន​ឲ្យ​ឡើងជា​បេក្ខជន​ប្រធាន​ថ្មី​។​

លោក​វេជ្ជបណ្ឌិត​ ឡេ ច័ន្ទ​សង្វាត​ បានបន្តថា ឥឡូវ​រដ្ឋបាលខេត្ត​បានសម្រេច​តែងតាំង​លោកចក្ខុ​បណ្ឌិត​ ទុ បា​រាំង ជាប្រធានពេញសិទ្ធិតែម្តង អត់​ចាំបាច់​ឆ្លងកាត់​ប្រធានស្តីទី​ ឬអនុប្រធានក្តាប់រួមអីទ។

សូមរំលឹកថា៖ រឿងហេតុ​ដែល​ឈានដល់​ដកហូត​តំណែង​លោក​វេជ្ជបណ្ឌិត​ ច័ន្ទ វិ​ឌ្ឍី​ណា​វុ​ឌ្ឍ ពី​ប្រធាន​មន្ទីរពេទ្យ​ខេត្ត​មិត្តភាព​កម្ពុជា-ជប៉ុន​ មង្គលបូរីនេះ បាន​កើតឡើង​ក្រោយ លោក អ៊ុំ រាត្រី អភិបាលខេត្ត​បន្ទាយមានជ័យ​ បានទៅបរិច្ចាគឈាម​ដើម្បី​ជួយលោកវរៈសេនីយ៍ទោ​មម្នាក់ជាអង្គរក្សសម្តេចតេជោ ដែលរលាកខ្នែងពោះវៀនកម្រឹតធ្ងន់ ហើយ​ត្រូវ​ការវះកាត់ ប៉ុន្តែ​ក្នុង​ឃ្លាំង​ឈាម​នៃ​មន្ទីរពេទ្យថា​គ្មាន​ឈាម​។​ ខណៈពេលដែលលោកអភិបាលទៅបរិច្ចាគឈាមដើម្បីជួយសង្គ្រោះអ្នកជំងឺ ក៏បានជួបបញ្ហាពេទ្យទារលុយមុនទើបព្យាបាលជំងឺតាមក្រោយបន្ទាប់មកឯកឧត្តម អ៊ុំ រាត្រី អភិបាលនៃ​គណអភិបាល​ខេត្តបន្ទាយមានជ័យ បានសរសេរបង្ហោះក្នុងគណនេយ្យ ហ្វេសប៊ុក ផ្លូវការរបស់ ឯកឧត្តម មានខ្លឹមសារថា កាលពី​យប់ម៉ោង​១០និង​០៥​នាទី លោក អ៊ុំ រាត្រី អភិបាលខេត្ត​បន្ទាយមានជ័យ​បាន​ទៅ​បរិច្ចាគ​ឈាម ដើម្បី​ជួយសង្គ្រោះ​លោក​អិន លី​អាន មាន​ឋានន្តរស័ក្តិ​វរសេនីយ៍ទោ ជា​ក្រុមការងារ​អង្គរក្ស​សម្តេច​តេ​ជោ​ដែលមាន​បេសកកម្ម​នៅ​ខេត្តបន្ទាយមានជ័យ ដែល​ត្រូវធ្វើ​ការវះកាត់​នៅ​មន្ទីរពេទ្យ​ខេត្ត​មង្គល​បូរី ស្របពេលនោះ​លោក​ប្រធាន​មន្ទីរពេទ្យ​បាន​ប្រាប់ថា​ជា​គោល​ការ​ណ៏​ត្រូវ​រក​អ្នក​ឲ្យ​ឈាម​ជំនួស និង​បង់ថ្លៃ​សេវា​ជាមុន​ធ្វើការ​វះកាត់ ទោះ​អ្នកជំងឺ​ធ្ងន់​ក៏ដោយ​។ តើ​ការគ្រប់គ្រង​របៀបនេះ គួរ​ត្រូវ​សម្រេច​យ៉ាងម៉េច​ចំពោះ​អ្នកគ្រប់គ្រង​ដែល​មិន​គិតពី​ក្រម​សីល​ធ​ម៏ និង​មិនចេះ​ចាត់ចែង​ការងារ ហើយ​មិនមែន​លើកទីមួយ​ទេ គឺ​ច្រើនលើក​ហើយ​ដែល​ប្រជាពលរដ្ឋ​តែងតែ​រអ៊ូរទាំ​លើ​ការផ្តល់សេវា​របស់​ប្រធាន​មន្ទីរពេទ្យ​ខេត្ត​មួយ​នេះ​៕

ដោយ ÷ សម្បត្តិ

 

 


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.