ខេត្តកំពង់ឆ្នាំង ៖ ត្រាក់ទរ័ជាច្រើនគ្រឿង កំពុងធ្វើសកម្មភាពលួចចូលឈូសឆាយដីព្រៃនៅក្នុងភូមិសាស្រ្តភូមិខ្ទុម ឃុំជៀបស្រុកទឹកផុស ខេត្តកំពង់ឆ្នាំង នៅពេលយប់។
ប្រភពព័ត៌មានពីប្រជាពលរដ្ឋនៅតំបន់នោះបានឲ្យដឹងថាម្ចាស់ដីឈ្មោះ រូយ ជាឈ្មួញចាប់ដីព្រៃលក់ហើយធ្លាប់លក់អស់ ជាច្រេីនកន្លែងមកហេីយ។
សកម្មភាពឈូសឆាយនេះនៅចំណុចខាងលិចត្រពាំងព្រៃ ចំណុចស្រង៉ាំជ្រុំ និងចំណុចឈូកស នៅក្នុងភូមិសាស្ត្រ ភូមិកោះខ្ទុម ឃំុជៀប ស្រុកទឹកផុស ខេត្តកំពង់ឆ្នាំង។
ម្ចាស់ដីដែលប្រើគ្រឿងចក្រទាំងនោះ ឈូកឆាយមានឈ្មោះនិត និងម្ចាស់ដីជាច្រើនទៀតមិនស្គាល់ឈ្មោះ…ឯមេការត្រាក់ទ័រ ឈ្មោះភ័ណ្ឌនិងម្ចាស់ត្រាក់ទរ័ឈ្មោះល័ក្ខសុខ នៅភូមិខ្លុងពពក ឃុំខ្លុងពពក ឈ្មោះយ៉ុង នៅភូមិទំនប់ថ្មី ឃុំជៀប និងឈ្មោះ ខ្លុយ ។
ប្រភពព័ត៌មានដដែលបានបន្តឲ្យដឹងថា ត្រាក់ទ័រចូលឈូសឆាយនៅតំបន់នោះមានការត្រូវរូវគ្នាជាមួយរដ្ឋបាលមូលដ្ឋាន និងមន្ត្រីជំនាញជាប្រព័ន្ធ នៅប្រចាំតំបន់នោះ ប្រសិនបើមានស្ថាប័នណាប្លែកទៅពីក្រៅ គឺសមត្ថកិច្ ទាំងនោះបានដើរតួនាទី ជាភ្នែកត្រចៀកផ្ដល់ដំណឹងទៅជនប្រព្រឹត្តល្មើសច្បាប់ទាំងនោះឲ្យផ្អាកសកម្មភាពមួយរយៈសិន។
ប្រជាពលរដ្ឋកំពុងរង់ចាំមើល តើចំណាត់ការរបស់លោកអភិបាលស្រុកទឹកផុស និងប្រធានមន្ទីរ សាម៉ីស្ថាប័នជំនាញ ដែលមន្ត្រីប្រចាំការនៅតំបន់នោះ ថាមានប្រសិទ្ធភាព សមត្ថភាព និងតម្លាភាព ក្នុងការបង្ក្រាបគ្រឿងចក្រឈូសឆាយ អត់ច្បាប់ទាំងនោះបានដែរឬទេ…?៕
ដោយ ៖ វិបុល
