រាជធានីភ្នំពេញ ៖ បុរសម្នាក់មិនត្រូវបានគេស្គាល់អត្តសញ្ញាណបានបើករថយន្តស៊េរីទំនើបម៉ាកJeepមួយគ្រឿងក្នុងល្បឿនលឿនបានរេចង្កូតឡើងលើសួនច្បារការ៉ាសាំង ptt បុកបង្គោលភ្លើងថ្មមួយដើមបាក់ជាពីកំណាត់រថយន្តទៅមុខលែងរួច សំណាងល្អមិនបង្កឲ្យមានអ្នករងរបួស។
ហេតុការណ៍នេះកើតឡើងកាលពីវេលាម៉ោង១២ និង៤០ នាទីយប់រំលងអាធ្រាត្រឈានចូលថ្ងៃទី ២៦ ខែវិច្ឆិកាឆ្នាំ ២០២០ នៅចំនុចមុខការាស់សាំងptt តាមបណ្ដោយផ្លូវឧកញ៉ាម៉ុងឫទ្ធី ក្នុងសង្កាត់ភ្នំពេញថ្មី ខណ្ឌសែនសុខរាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តស៊េរីទំនើបម៉ាកJeepពណ៌សមួយគ្រឿងពាក់ស្លាកលេខភ្នំពេញ2BL-8801 ធ្វើដំណើរទិសដៅពីកើតទៅលិចក្នុងល្បឿនលឿនខណៈមកដល់ចំណុចកើតហេតុខាងលើបានរេចចង្កូតហោះឡើងសួនច្បារការ៉ាស់សាំង ptt បុកបង្គោលភ្លើងថ្មមួយដើមបាក់ជាពីកំណាត់រថយន្តផ្ទប់ជាប់នឹងបែកយាន់កង់ខាងក្រោយផ្នែកខាងឆ្វេងទៅមុខលែងរួច។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅខាងសមត្ថកិច្ចជំនាញចុះមកធ្វើការវាស់វែងនិងស្ទូចរថយន្តយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការរាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕
ដោយ ៖ គង់ សឿន
