ភ្នំពេញ ៖ ទីតាំងអ៉ីនធើណេត DP cafe បើកលេង២៤ម៉ោងលើ២៤ម៉ោងនៅក្បែងផ្សារកណ្តាល ផ្លូវ១៥៤សង្កាត់ផ្សារកណ្តាល ខណ្ឌដូនពេញកំពុងតែបន្តធ្វើអាជីវកម្មដោយទូលំទូលាយ ក្រោមក្រសែភ្នែកសមត្ថកិច្ច អាជ្ញាធរ ខណ្ឌដូនពេញ ដែលទីតាំងអ៉ីុនធើណេតសុទ្ធតែបង្កប់នូវល្បែងស៊ីសងគ្រប់ប្រភេទហ្គេមដូចជា៖ ករណីភ្នាល់បាល់ បៀរការ៉ាត រ៉ូលែត ដោយការឡាយផ្ទាល់ពីបណ្តាលកាស៊ីណូ ។ តាមការអោយដឹងពីអ្នកមើលការខុសត្រូវតាមហាងអ៊ីនធើណេតថា ម្ចាស់របស់គេបានបង់ជាខែអោយសមត្ថកិច្ចតាមជំនាញអស់ហើយ ដូចនេះ ពួកគេគ្រាន់តែជាអ្នកស៊ីឈ្នួលមើលការខុសត្រូវតែប៉ុណ្ណាុះគ្រាន់យកប្រាក់ខែចិញ្ជាឹមជីវិត ដោយឡែកអ្នកចូលលេងមានឈ្នះរាប់ពាន់ដុល្លារ តែ មិនបានប៉ុន្មានថ្ងៃមកវិញគឺចាញ់អស់ហើយ។
កន្លងមកលោកអភិបាលរាជធានីភ្នំពេញ ឯកឧត្តម ឃួង ស្រេង បានប្រកាស នឹងប្ដេជ្ញារួមគ្នាបង្ក្រាបឲ្យអស់ល្បែងហ្គេមស៊ីសងតាមប្រព័ន្ធ Online ជ្រកក្រោមរូបភាព ទីតាំង Internet cafe ឬ ណេត24h ក្នុងភូមិសាស្ត្រ រាជធានីភ្នំពេញ។
លោកអភិបាលបានដាក់ចេញនូវវិធានការណ៍ បង្ក្រាបគ្រប់ល្បែងហ្គេមស៊ីសង តាមប្រព័ន្ធ Online ជ្រកក្រោមរូបភាពទីតាំង Internet cafe ឬ ណេត24h ទាំងអស់ ទោះជាម្ចាស់អាជីវកម្ម មានច្បាប់អនុញ្ញាត បើកទីតាំង Internet ក៏ដោយព្រោះថាល្បែងហ្គេមស៊ីសង ទាំងនេះ គឺជាល្បែងបំផ្លាញ ការសិក្សារបស់កុមារ និងយុវជន ហើយទីនោះ ក៏ជាកន្លែងប្រមូលផ្តុំ នូវការប្រើប្រាស់គ្រឿងញៀន និងជនល្មើស លួច-ឆក់ផងដែរ។
ប្រជាជនរស់ក្នុងភូមិសាស្រ្តខណ្ឌដូនពេញបានទទួចស្នើសុំដល់លោក សុខ ពេញវុធ អភិបាលនៃគណៈអភិបាលខណ្ឌដូនពេញមេត្តាមានចំណាត់ ការបង្ក្រាប់បនល្បែងដែលជ្រកតាមស្លាក់អ៊ីនធើណេត ឫណេត២៤ម៉ោងផង ដើម្បីសេចក្តីសុខរបស់ប្រជាជន។
ដោយ ៖ វិចិត្រ
