ភ្នំពេញ៖ កម្លាំងនគរបាលការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ និងនគរបាលខណ្ឌពោធិ៍សែនជ័យបានធ្វើការចាប់ឃាត់ខ្លួនឃាតករដែលបានអារកសម្លាប់យុវជនម្នាក់កាលពីថ្ងៃទី១៥ ខែមីនា ឆ្នាំ២០១៨ នៅខាងក្រោយរោងចក្រកាត់ដេរបឺរីភូមិជង្រុក សង្កាត់ត្រពាំងក្រសាំងបានហើយ។ ជនដៃដល់គឺមិត្តភក្ដិនិងជាអតីតប្ដីរបស់ស្រ្តីម្នាក់ជាគូដណ្ដឹងជនរងគ្រោះផងដែរហើយការសម្លាប់នេះ
សង្ស័យរឿងស្នេហាត្រីកោណ។
ការចាប់ឃាត់ខ្លួននោះបានធ្វើឡើងកាលពីវេលាម៉ោង៩ព្រឹកថ្ងៃទី១៦ ខែមីនា ឆ្នាំ២០១៨ នៅក្នុងភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែន
ជ័យ រាជធានីភ្នំពេញ។
ជនដៃដល់ខាងលើឈ្មោះ អាន សុភាព អាយុ២៥ឆ្នាំ ស្នាក់នៅភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ជាកូនថៅកែកាប់ជ្រូក ។ បានលែងលះគ្នាជាមួយប្រពន្ធម្នាក់ឈ្មោះធារី អាយុជាង២០ឆ្នាំ ។ ចំណែកយុវជនរងគ្រោះឈ្មោះ អែម សុជាតិហៅវិតអាយុ២០ឆ្នាំ មានស្រុកកំណើតនៅក្នុងភូមិព្រៃរំដួល ឃុំបរសេដ្ឋ ស្រុកបសេដ្ឋ ខេត្តកំពុងស្ពឺ។
ក្រោយពេលចាប់ខ្លួនឃាតករបានសារភាពថា ខ្លួនពិតជាបានអារកសម្លាប់ជនរងគ្រោះពិតប្រាកដមែន ដោយខ្លួនខឹងជនរងគ្រោះយកអតីត
ប្រពន្ធរបស់ខ្លួន។ មិនតែប៉ុណ្ណោះអ្នកទាំង២នាក់ជិតរៀបការជាមួយគ្នាថែមទៀតផង ហើយអ្វីដែលកាន់តែធ្វើឲ្យមានកំហឹងខ្លាំងថែមទៀតនោះ
គឺនៅពេលបានដេកនៅជាមួយអតីតប្រពន្ធរបស់ខ្លួនហើយ ជនរងគ្រោះតែងតែខលឌឺដងដាក់ខ្លួនទៀត។
ប្រភដដែលបានបន្តថា នៅមុនពេលកើតហេតុខ្លួនបានបបួលជនរងគ្រោះទៅដើរផឹកស៊ីនិងចូលលេងក្លឹបបន្ទាប់មកបាននាំទៅកាន់កន្លែងកើតហេតុទៀត។ លុះពេលទៅដល់ជនរងគ្រោះបានធ្វើជាជ្រុះកាំបិតកំញើញខ្លួនព្រមទាំងខលទៅជេរអតីតប្រពន្ធរបស់ខ្លួននិងប្រាប់ថាយកម៉ូតូខ្លួនថែមទៀតផង។ ដោយសារតែខ្លាចជនរងគ្រោះសម្លាប់ខ្លួនទើបខ្លួនរើសកាំបិតកាន់ហើយខណៈពេលដែលជនរងគ្រោះកំពុងអង្គុយនិយាយទូរស័ព្ទភ្លេចខ្លួននោះទើបខ្លួនចាប់ឱបពីក្រោយរួចអារកសម្លាប់ចោលតែម្ដង។ ក្រោយមកខ្លួនបានរត់គេចខ្លួននិងបានយកកាំបិតទៅ
បោះចោលក្នុងប្រឡាយទឹកស្អុយមុខវិទ្យាល័យហ៊ុន សែនជម្ពូវ័ន រួចបន្តគេចខ្លួនទៅផ្ទះរហូតដល់ពេលនគេបាលចាប់ខ្លួនបាន។
ក្រោយពេលចាប់ខ្លួនសាកសួររួចនគរបាលបាននាំជនសង្ស័យទៅរុករកកាំបិតដែលបោះចោលប៉ុន្តែរកមិនឃើញឡើយ។ បន្ទាប់មកបាននាំជននោះទៅទៅកាន់ផ្នែកព្រហ្មទណ្ឌខណ្ឌពោធិ៍សែនជ័យដើម្បសាកសួរបន្តនិងត្រៀមនាំទៅធ្វើត្រាប់នៅកន្លែងកើតហេតុ៕
ដោយ ៖ រចនា
