រាជធានីភ្នំពេញ ៖ ប្រជាពលរដ្ឋដែលរស់នៅក្បែរកន្លែងទីតាំងភ្នាល់បាល់ដ៏ធំក្បែរគល់ស្ពានជ្រោយចង្វាបានលើកឡើងថា មូលហេតុដែលសមត្ថកិច្ច និងអាជ្ញាធរ មិនហ៊ានចុះទៅបង្ក្រាបនោះ គឺពួកគាត់សង្ស័យថា ប្រហែលជាម្ចាស់ទីតាំងនឹងអាជ្ញាធរ សមត្ថកិច្ចខណ្ឌដូនពេញអាចត្រូវរ៉ូវគ្នា ឬក៍ទទួលបានលាភសការៈពីម្ចាស់ទីតាំងហើយមើលទៅ ទើបគ្មានការចុះបង្ក្រាបបែបនេះ បើទោះបីកន្លងមកលោកអភិបាលរាជធានីភ្នំពេញ បានបញ្ជាឲ្យអាជ្ញធរ និងសមត្ថកិច្ចទាំង១៤ខណ្ឌ ក្នុរាជធានីភ្នំពេញ ត្រូវតែចុះបង្ក្រាបបទល្មើស ល្បែងស៊ីសងខុសច្បាប់ផ្សេងៗ ក្នុងមូលដ្ឋានរបស់ខ្លួនឲ្យអស់ ព្រោះថា ដោយសារតែល្បែងស៊ីសងទាំងនេះហើយ ដែលនាំឲ្យកើតបទល្មើស លួច ឆក់ ប្លន់ អំពើហិង្សារក្នុងគ្រួសារជាដើម។
ប៉ុន្តែផ្ទុយទៅវិញ គេសង្កេតឃើញថានៅទឹកដីខណ្ឌដូនពេញមានល្បែងសុីសងខុសច្បាប់គ្រប់ប្រភេទជាពិសេសម្ចាស់ទីតាំងរកស៊ីខុសច្បាប់ភ្នាល់បាល់ដ៏ធំនៅគល់ស្ពានជ្រោយចង្វារនេះតែម្តងហាក់ដូចជាកំពុងតែផ្គើននឹងបទបញ្ជារបស់លោកអភិបាលរាជធានីភ្នំពេញ ខណៈទីតាំងនេះ កំពុងតែសប្បាយកើបលុយ និងបើកលេងយ៉ាងរលូន នៅគល់ស្ពានជ្រោយចង្វា ភូមិផ្សារតូច សង្កាត់ស្រះចក ខណ្ឌដូនពេញ ហើយគ្មានអាជ្ញធរ ឬសមត្ថកិច្ចណាចុះទៅបង្ក្រាបនោះទេ។
ប្រជាពលរដ្ឋ សូមសំណូមមពរដល់ឯកឧត្តម ឃួង ស្រេង អភិបាលរាជធានីភ្នំពេញ និងឯកឧត្តម ឧត្តមសេនិយ៍ឯក ស ថេត អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ មេត្តាចាត់មន្ត្រីឲ្យចុះទៅពិនិត្យទីតាំងល្បែងចាក់បាល់ខាងលើ នឹងមានវិធានការបង្ក្រាបផង ៕
ដោយ ៖ វិបុល
