ខេត្តព្រះសីហនុ : កោះរ៉ុងជាកោះមួយស្ថិតនៅចំងាយ ៤០គីឡូម៉ែតពីឆ្នេរសមុទ្រ ខេត្តព្រះសីហនុ ។ កោះរុងមានផ្ទៃដីទំហំ ៧៨គីឡូ ម៉ែត្រការ៉េ និងមានប្រវែងពីជើងទៅត្បូងប្រហែល១០គីឡូម៉ែត្រ ចំនុចខ្ពស់បំផុតរបស់កោះមានកំពស់១៣៣ម៉ែត្រពីនីវ៉ូទឹកសមុទ្រ កោះរុងគឺជាគោលដៅទេសចរណ៍ដែលកំពុងពេញនិយមសម្រាប់អ្នកដែលចង់លំហែរកាយតាមកោះនៃប្រទេសកម្ពុជា។
ដោយឡែកសង្កាត់កោះរុងដែលមានលោក ឡុក វណ្ណារីន ជាចៅសង្កាត់ ហើយជាសភាមូលដ្ឋានដែលប្រជាពលរដ្ឋផ្តល់សេចក្តីទុកចិត្ត លោកបានគ្រប់គ្រងដឹកនាំការអភិវឌ្ឍន៏ក្នុងមួយរយៈការកន្លងមកធ្វើអោយកោះមានការរីកចំរើនគ្រប់វិស័យរួមមានសន្តិសុខ ទេសចរណ៏…។ ការគ្រប់គ្រងដីធ្លីលោកបានខិតខំបំពេញតួនាទីជាអ្នកដឹកនាំដោះស្រាយជម្លោះមិនអោយពលរដ្ឋមានការទ្រហោយំទាមទារអោយថ្នាក់ដឹកនាំកំពូលឈឺក្បាលឡើយជាពិសេសភូមិឃំុមានសុវត្ថិភាព។
តាមសេចក្តីរាយការណ៏បានអោយអង្គភាព www.rskynews.com ដឹងថា : គ្រប់ហេដ្ឋារចនាសម្ព័នផ្លូវថ្នល់បំពាក់ទៅដោយស្លាកចរាចរណ៏ ភ្លើងបំភ្លឺ ស្លាក់ដឹកនាំគណបក្យប្រជាជន ដែលធ្វើអោយវិស័យទេសចរណ៏មានការរីកចំរើន ភ្ញៀវទេសចរណ៏ចេញចូលកំសាន្តក្នុងតំបន់កោះរុងមានភាពកក់ក្តៅមិនព្រួយបារម្ភពីសុវត្តភាពជាដើម។
តាមការអោយដឹងពីប្រជាពលរដ្ឋ និងអ្នកទេសចរណ៏ដែលធ្លាប់បានធ្វើដំណើរកំសាន្តនៅកោះរុងកន្លងមកបានសំដែងការកោតសសើរចំពោះលោក ឡុក វណ្ណារីន ដែលជាចៅសង្កាត់កោះរុងដែលបានចំណាយពេលវេលា និងថវិការបស់ខ្លួនដើម្បីអភិវឌ្ឍន៏កោះរុងដែលជាកោះឋានសួគ៌នៃមនុស្ស នៃខេត្តព្រះសីហនុក៏ដូចជាប្រទេសកម្ពុជាទាំងមូល៕
ដោយ ៖ វិបុល
