ខេត្តព្រះសីហនុ ៖ កាលពីថ្ងៃ១៨ ខែមិថុនា ឆ្នាំ២០២០ វេលាម៉ោង០១:៣០នាទី កម្លាំងជំនាញការិយាល័យនគរបាលប្រឆាំងគ្រឿងញៀន បានបង្រ្កាបករណីគ្រឿងញៀនជាក់ស្តែងមួយករណីស្ថិតនៅចំណុចម្តុំកំពង់ផែ សង្កាត់៣ ក្រុង/ខេត្តព្រះសីហនុ។
សមត្ថកិច្ចបានឲ្យដឹងថាការបង្ក្រាបនេះឃាត់ខ្លួនជនសង្ស័យបានចំនួន ០១នាក់ ឈ្មោះ ឈិន ពៅ ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ ស្រុកកំណើតនៅភូមិ៣៥ សង្កាត់៣ ក្រុង/ខេត្តព្រះសីហនុ និងទីលំនៅបច្ចុប្បន្ននៅសង្កាត់៣ ក្រុង/ខេត្តព្រះសីហនុ។
សមត្ថកិច្ចបានដកហូតវត្ថុតាង និងសម្ភារៈ រួមមាន ៖ ម្សៅក្រាមសថ្លា សង្ស័យជាសារធាតុញៀនចំនួន០១កញ្ចប់, ទូរស័ព្ទដៃ ចំនួន០១គ្រឿង, អាវុធខ្លីម៉ាក K-54 ចំនួន០១ដេីម (គ្រាប់ចំនួន០៦គ្រាប់ និងបង់ចំនួន០១) និងបំពង់សម្រាប់ជក់គ្រឿងញៀនចំនួន០១ ។
បច្ចុប្បន្នជនសង្ស័យរួមនិងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅសាលាដំបូងខេត្តដេីម្បីបន្តនីតិវិធី ៕
ដោយ ៖ គង់ សឿន
