ខេត្តព្រៃវែង ៖ ពិតជាមិនធម្មតាមែនកន្លែងសង្វៀនជល់មាន់ដ៏ធំមួយកន្លែងកំពុងបើកលេងយ៉ាងអនាធិបតេយ្យ ដែលស្ថិត នៅចំណុចភូមិស្វាយសាក់ ឃុំពោធិ៍ទី ស្រុកសុី ធរកណ្ដាល ខេត្តព្រៃវែង ដែលលាក់កំបាំងបំផុតពីសំណាក់អាជ្ញាធរ និងសមត្ថកិច្ចមូលដ្ឋាន ។
ទីតាំងសង្វៀនជល់មាន់និងអាប៉ោងនេះអាចបើកលេងបានរយ៉ាងលួនដោយសាតែមានអ្នកសារព័ត៌ មានម្នាក់ឬពីរនាក់ជា អ្នករត់ការដោះស្រាយ ប្រហែលជាម្ចាស់សង្វៀននេះខ្សែរធំខ្លាំងណាស់ហើយមើលទៅបានអាចបើកលេងយ៉ាងសេរីបែបនេះ ហើយមិនមានការខ្លាចញញើតអាជ្ញាធរ និងសមត្ថកិច្ចមូលដ្ឋានទាល់ តែសោះ។
ថ្មីៗនេះមានភ្ញៀវចូលលេងជាច្រើន និងយុវវ័យជាច្រើនបានចូលមកលេង ដោយ ម្ចាស់សង្វៀនជល់មាន់បាន អះអាងថាគ្មាន នណាហ៊ានចាប់នោះទេ លោកបានចំណាយប្រាក់ជាច្រើនសំរាប់បង់ឲ្យថ្នាក់លើ ក៏ដូចជាមន្ត្រីសមត្ថកិច្ចទូទាំង ខេត្តព្រៃវែង ផងដែរ ដើម្បីបើកការលេងល្បែងទាំងនេះជារៀង រាល់ថ្ងៃបានសូមបងប្អូនជាភ្ញៀវកុំខ្លាចឱ្យសោះ ។
សូមបញ្ជាក់ថា សម្ដេច តេជោ ហ៊ុន សែន បានមានប្រសាសន៍ថាអ្នកយកព័ត៌មានត្រូវតែផ្សាយព័ត៌មានពិត មិនត្រូវផ្សាយ ព័ត៌មានក្លែងក្លាយឬញុះញង់បំពុលសង្គម ត្រូវតែលុបបំបាត់ព័ត៌មានក្លែងក្លាយផ្សាយតែព័ត៌មានណាពិត។
នៅរសៀលថ្ងៃទី ០៦ ខែមិថុនា ឆ្នាំ២០២០ អង្គភាពគេហទំព័រ www.rskynews.com បានទូរស័ព្ទរាយការណ៏ជូនលោក សេង សាវ៉ន អធិការនគរបាលស្រុកស៊ីធរកណ្តាល លោកបានឆ្លើយថា : លោកបានដឹងហើយ ថាទីតាំងភូមិគ្រឹះនោះ មានលួច លាក់លេងល្បែងមានជល់និងអាប៉ោងមែន ហើយលោកបានរាយការណ៏ជូនថ្នាក់លើហើយ ម្យ៉ាងទៀតទីតាំងល្បែងនេះ នៅក្នុង ផ្ទះរបស់គេលោកមិនអាចបង្ក្រាប់បានទេបើគ្មានការអនុញ្ញាតិពីលោកព្រះរាជអាជ្ញា។ ដោយឡែកលោកស្នង ការ ខេត្តព្រៃវែងទូរស័ព្ទហៅចូលជាច្រើនដងតែគ្មានអ្នកលើក។
ប្រជាពលរដ្ឋសូមសំណូមពរដល់ ឯកឧត្តម ជា សុ មេធី អភិបាលនៃគណៈអភិបាលខេត្តព្រៃវែង និងឧត្តមសេនីយ៍ត្រី ព្រុំ សន្ធរ ស្នងការខេត្តព្រៃវែង សូមមេត្តាចាត់វិធានការណ៍បង្រ្កាបទៅលើទីតាំងសង្វៀនជល់មាន់និងអាប៉ោង ខាងលើនេះផង សូមកុំ បណ្តែតបណ្តោយជាបន្តទៀតអី ដើម្បីភូមិឃុំមានសុវត្ថិភាពទាំង ៩ ចំណុច ដែលប្រមុខរាជរដ្ឋា ភិបាល ប្រាប់ឱ្យមន្ត្រី សមត្ថកិច្ចគ្រប់ជាន់ថ្នាក់ត្រូវតែអនុវត្តតាមទូនាទីរៀងៗខ្លួន សមត្ថភាពជូនពររដ្ឋផង៕
ដោយ : វិបុល
