ភ្នំពេញ ៖ ប្រមុខរាជរដ្ឋាភិបាលសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា បានស្នើឲ្យក្រសួងសុខាភិបាលពិនិត្យ អោយបានម៉ត់ចត់ជាមួយនិងការ បើកគ្លីនិក ឫការលក់ឱសថជៀសវាងនូវការប្រើប្រាស់ទីកន្លែងនេះបង្កើតនូវស្ថានភាពលំបាក់សំរាប់ប្រជាជនទៅវិញ។
ការថ្លែងរបស់សម្តេចនាយករដ្ឋមន្ត្រី ហ៊ុន សែន ធ្វើឡើងខណៈសម្តេច បានអញ្ជើញសម្ពោធដាក់ឲ្យប្រើប្រាស់អគារ ព្យាបាលជំងឺមហារីក និងសម្ភពដ៏ថ្មីមួយទៀតដែលមានកំពស់៩ជាន់ នៅក្នុងមន្ទីរពេទ្យកាល់ម៉ែត្រ បានចំណាយអស់ថវិការប្រមាណជាង២៣លានដុល្លារអាមេរិក នៅថ្ងៃចន្ទ ១៤រោច ខែបុស្ស ឆ្នាំរកា ព.ស ២៥៦១ ត្រូវនឹងថ្ងៃទី១៥ ខែមករា ឆ្នាំ២០១៨នេះ៕
បន្ថែមពីលើនេះ សម្តេចនាយករដ្ឋមន្ត្រីតេជោ ហ៊ុន សែន ក៏បានកោតសសើរនិងសម្តែងការអរគុណ ចំពោះក្រុមគ្រូពេទ្យ ដែលបានយកចិត្តទុកដាក់សម្រាប់ការសង្គ្រោះ ជីវិតមនុស្ស៕
ដោយ៖ វិបុល
