ខេត្តព្រះវិហារ ៖ នៅថ្ងៃទី១២ ខែឧសភាឆ្នាំ ២០២០ កម្លាំង នគរបាល ស្រុករវៀង ចុះបង្ក្រាបមុខសញ្ញា ចែកចាយ និងប្រើប្រាស់គ្រឿងញៀន ឃាត់ខ្លួនជនសង្ស័យប្រុសស្រីចំនួន០៤នាក់ដកហូតថ្នាំញៀនមួយចំនួន ៖ ប្រតិបត្តការណ៍បង្ក្រាបនេះធ្វើឡើង នៅចំណុច ផ្ទះសំណាក់ យីហោ(ភ្នំមាស)ស្ថិតនៅភូមិភ្នំដែក ឃុំរមណី ស្រុករវៀង ខេត្តព្រះវិហា ។
តាមលោកវិរៈសេនីយន៍ឯក សាយ ដេត អធិការនគរបាល ស្រុករវៀង បានឲ្យដឹងថា ដោយអនុវត្តតាមការណែនាំរបស់លោកស្នងការនគរបាលខេត្តព្រះវិហារ កម្លាំងនគរបាល នៃអធិការដ្ឋាននគរបាល ស្រុករវៀង បានតាមដានស្រាវជ្រាវបង្ក្រាប និងឃាត់ខ្លួនយុវជនប្រុសស្រី ចំនួន ០៤នាក់ដែលកំពុងពួនសំងំប្រេីប្រាស់ ចែកចាយគ្រឿងញៀន ខុសច្បាប់ នៅក្នុងផ្ទះសំណាក់ យីហោ (ភ្នំមាស) ដោយដកហូតបានថ្នាំញៀនចំនួន១៤កញ្ចប់ និងជញ្ជីងថ្លឹងថ្នាំញៀន១គ្រឿង។
បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ច កំពុងធ្វើការសាកសួរ ដើម្បីកសាងសំណុំរឿងបញ្ជូនទៅតុលាការចាត់ការបន្តតាមនិតិវិធីច្បាប់៕
ដោយ : វិបុល
