ខេត្តកណ្ដាល ៖ សមត្ថកិច្ចបានឲ្យដឹងថានៅថ្ងៃទី១១ ខែឧសភា ឆ្នាំ២០២០ វេលាម៉ោង ២០:៣០ នាទីចំណុចនៅក្នុងភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្ដាល កម្លាំងប៉ុស្តិ៍នគរបាលរដ្ឋបាលសំរោងធំសហការជាមួយកម្លាំងផ្នែកប្រឆាំងបទល្មើសគ្រឿងញៀនស្រុកកៀនស្វាយនិងកំលាំងប្រជាការពារធ្វើការល្បាតនៅក្នុងភូមិសាស្រ្ដឃុំសំរោងធំ ក៏បានឃេីញឈ្មោះ ពេញ លីន ភេទប្រុស អាយុ២៩ឆ្នាំ មុខរបរពុំពិតប្រាកដ និងឈ្មោះ ទិ សីហា ភេទប្រុស អាយុ២៣ឆ្នាំ ជនជាតិ ខ្មែរមុខ របរពុំពិតប្រាកដ កំពង់ឈរនៅក្រោមផ្ទះដោយមានការសង្ស័យ ភ្លាមនោះសមត្ថកិច្ចប៉ុស្តិ៍ និងកម្លាំងជំនាញប្រឆាំងបទល្មើសគ្រឿងញៀន ក៍ឆាកឆេរជនល្មើសរួចក៏ឃាត់ជនសង្ស័យរួមទាំងវត្ថុតាងថ្នាំញៀន(ម៉ាកទឹកកក)ចំនួន ១៧កញ្ចប់តូចដែលជនសង្ស័យសៀតទៅនិងធ្នឹមផ្ទះ។
ក្នងប្រតិបត្តការបង្ក្រាបសមត្ថកិច្ចឃាត់ខ្លួនជនសង្ស័យចំនួន ០២នាក់ប្រុស :
១. ឈ្មោះ ពេញ លីន ភេទប្រុស អាយុ២៩ ឆ្នាំ (ខ្មែរ) មុខរបរ មិនពិតប្រាកដ មានទីលំនៅ ភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល(ឃាត់ខ្លួន)
២. ឈ្មោះ ទិ សីហា ភេទ ប្រុស អាយុ ២៣ឆ្នាំ ជនជាតិ ខ្មែរ មានទីលំនៅ ភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល (ឃាត់ខ្លួន)។
វត្ថុតាងចាប់យករួមមាន ៖ ថ្នាំញៀន (ម៉ាទឹកកក) ១៧កញ្ចប់តូច ទូរស័ព្ទដៃ០១គ្រឿងម៉ាកAIS ពណ៌ខ្មៅសម្ភារះសំរាប់វិចខ្ចប់និងប្រើប្រាស់មួយចំនួនទៀត។
ក្រោយពីសួរនាំរួចកម្លាំងសមត្ថកិច្ច បញ្ចូនជនសង្ស័យទាំង០២នាក់រួមទាំងវត្ថុតាងទៅកាន់អធិការរដ្ឋាននគរបាលស្រុកកៀនស្វាយដើម្បីចាត់ការតាមនីតិវិធី ៕
ដោយ ៖ វិបុល
