ខេត្តបាត់ដំបង ៖ កាលពីថ្ងៃ សៅរ៍ ៣រោច ខែពិសាខឆ្នាំជូតទោស័ក ព.ស.២៥៦៤ ត្រូវនឹងថ្ងៃទី ៩ខែ ឧសភា ឆ្នាំ២០២០វេលាម៉ោង១៦និង២០នាទីអនុវត្តតាមមតិណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង រួមទាំងបានការសម្របសម្រួលលេីនីតិវិធីពីលោក នួន សាន ព្រះរាជអាជ្ញាអមសាលាដំបូងខេត្តបាត់ដំបង និងតាមមតិណែនាំជំនាញរបស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿង លោកវរសេនីយ៍ទោ សារ៉េត វិសេដ្ឋ អធិការនគរបាលស្រុកភ្នំព្រឹកដឹកនាំកម្លាំងផ្នែកជំនាញអធិការដ្ឋានរួមជាមួយមន្រ្តីប៉ុស្តិ៍នគរបាលរដ្ឋបាលបួរ ចុះប្រត្តិបត្តិការបង្រ្កាបករណីរក្សាទុកដោយខុសច្បាប់នូវសារធាតុញៀន ០១ករណីក្នុងបទល្មើសជាក់ស្តែង នៅចំណុចភូមិបួរ ឃុំបួរ ស្រុកភ្នំព្រឹក ខេត្តបាត់ដំបង។
ក្នុងករណីនេះសមត្ថកិច្ចនគរបាលឃាត់ខ្លួនជនសង្ស័យចំនួន០៣នាក់ស្រី០១គឺ៖
១.ឈ្មោះ គង់ ហ៊ុយឡេង ភេទប្រុស អាយុ៣៦ឆ្នាំរស់នៅក្រុមទី១០ ភូមិភ្នំតូច ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង (ជាប្តី)។
២.ឈ្នោះ ភាន ស្រីល័ក្ខ ភេទស្រី អាយុ៣៣ឆ្នាំ រស់នៅក្រុមទី១០ភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង(ជាប្រពន្ធ)។
៣.ឈ្មោះ សន សឿន ភេទប្រុស អាយុ៣៤ឆ្នាំ រស់នៅ ភូមិអូរថ្មី ឃុំពេជ្រចិន្ដាស្រុកភ្នំព្រឹក ខេត្តបាត់ដំបង។
ក្នុងកិច្ចប្រតិបត្តិការនេះសមត្ថកិច្ចនគរបាលដកហូតវត្ថុតាងរួមមាន៖
១.ម៉្សៅក្រាមពណ៌សថ្លាច្រកក្នុងថង់កឹបមាត់០៣កញ្ចប់ធំនិង១២កញ្ចប់តូច(មិនទាន់ថ្លឹងទម្ងន់)
សង្ស័យជាសារធាតុញៀនប្រភេទមេតំហ្វេតាមីន ម៉ាទឹកកកICE ។
២.ថ្នាំប្រភេទគ្រាប់ចំនួន ០៧ គ្រាប់ (ប្រាំពីរគ្រាប់) មានសញ្ញាអក្សរ WY លើគ្រាប់ថ្នាំ សង្ស័យជាសារធាតុញៀនប្រភេទមេតំហ្វេតាមីនយ៉ាម៉ា។
៣.ទូរសព្ទដៃ ០២គ្រឿង ។
៤.សម្ភារៈសម្រាប់ច្រកថ្នាំញៀនមួយចំនួន។
ក្រោយពេលសាកសួរស្រាវជ្រាវបច្ចុប្បន្នជនសង្ស័យ និងវត្ថុតាងនគរបាលស្រុកភ្នំព្រឹកបានកសាងសំណុំរឿងបញ្ជូនទៅកាន់ការិយាល័យជំនាញចាត់ការតាមនីតិវិធីច្បាប់ ៕
ដោយ : គង់ សឿន
