ខេត្តបាត់ដំបង ៖ នៅថ្ងៃទី៤ ខែឧសភា ឆ្នាំ២០២០ វេលាម៉ោង ១៤:៣០នាទីកំលាំងនគរបាលនៃអធិការដ្ឋាននគរបាលស្រុកថ្មគោល បានចុះប្រតិបត្តិការបង្រ្កាបមុខសញ្ញារក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង នៅចំណុចព្រៃទួល ភូមិពពាលខែ ឃុំអូរតាគី ស្រុកថ្មគោល។
សមត្ថកិច្ចបានឲ្យដឹងថា៖ ក្នុងកិច្ចប្រតិបត្តិការនេះជំនាញបានធ្វេីការឃាត់ខ្លួនជនសង្ស័យបានចំនួន ០១នាក់ ឈ្មោះ សុង គឹមសឿត ភេទប្រុស អាយុ៣០ឆ្នាំ រស់នៅភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង រួមទាំងវត្ថុតាងចាប់យកបាន រួមមាន ៖
១. ម្សៅក្រាមពណ៌សថ្លាចំនួន ១៦ថង់តូច សង្ស័យជាសារធាតុញៀនប្រភេទមេតំហ្វេតាមីនម៉ាទឹកកក ICE
២. កាំភ្លេីងខ្យល់ចំនួន ០៤ដេីម
៣. ជញ្ជេីងសម្រាប់ថ្លឹងគ្រឿងញៀនចំនួន ០១
៤. កាំបិតសាមុរ៉ៃចំនួន ០១
៥. ដបសំរាប់ជក់គ្រឿងញៀនចំនួន ០១ ដែកកេះចំនួន០១ ទុយោជ័រចំនួន០២ដុំ ថង់កិបសម្រាប់ច្រករំលែកថ្នាំញៀនមួយចំនួន។
ក្រោយពេលសាកសួរស្រាវជ្រាវរួច កម្លាំងជំនាញនគរបាល បានរៀបចំបញ្ជូនជនសង័្សយ និងវត្ថុតាងទៅកាន់ការិយាល័យជំនាញ ដេីម្បីចាត់ការបន្តតាមផ្លូវច្បាប់ ៕
ដោយ ៖ គង់ សឿន
