ខេត្តបាត់ដំបង ៖ នៅថ្ងៃ អង្គារ៍ ១៣កេីតខែពិសាខឆ្នាំជូតទោស័ក ព.ស.២៥៦៣ត្រូវនឹងថ្ងៃទី០៥ខែឧសភា ឆ្នាំ២០២០ វេលា ម៉ោង១១និង៣០នាទី អនុវត្តតាមមតិដឹកនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការ ដ្ឋាននគបាល ខេត្តបាត់ដំបង ក៏ដូចជាមតិណែនាំជំនាញពីលោកឧត្តមសេនីយ៍ត្រី កុយ ហៀង ស្នងការរងផែនការងារគ្រឿងញៀននៃស្នងការដ្ឋាននៅចំណុចភូមិរំចេក០១ សង្កាត់រតន: ក្រុងបាត់ដំបង ខេត្តបាត់ដំបង កម្លាំងនគរបាលការិយាល័យប្រឆាំង គ្រឿងញៀននិងកម្លាំងអន្តរាគមន៍ប្រឆាំងគ្រឿងញៀន នៃស្នងការដ្ឋានដែលមានលោកវរសេនីយ៍ទោ សុខ និមល ជានាយការិយាល័យ រួមសហការណ៍ជាមួយកម្លាំងនគរបាលនៃអធិការដ្ឋាននគរបាលក្រុងបាត់ដំបង ដឹកនាំបញ្ជាផ្ទាល់ដោយលោកវរសេនីយ៍ឯក ឆាង វណ្ណឆៃ អធិការនគរបាលក្រុង បានចុះធ្វើប្រតិបត្តការបង្ត្រាបករណីជួញដូររក្សា ទុកឬដឹកជញ្ជូនដោយខុសច្បាប់នូវសារធាតុញៀន០១ករណីក្នុងបទល្មើសជាក់ស្តែង។
ក្នុងកិច្ចប្រតិបត្តិការបង្ក្រាបនោះសមត្ថកិច្ចយើងបានធ្វើការឃាត់ខ្លួនជនសង្ស័យបានចំនួន០២នាក់គឺ៖
១-ឈ្មោះ ហម ចិត្រា ភេទប្រុសអាយុ៣៤ ឆ្នាំរស់នៅភូមិអូរចារ សង្កាត់អូរចារ ក្រុងបាត់ដំបង ខេត្តបាត់ដំបង។
២-ឈ្មោះ គុជ មាលា ហៅធំភេទប្រុសអាយុ២៩ឆ្នាំរស់នៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង។
វត្ថុតាងចាប់យករួមមាន ៖ ថ្នាំញៀនប្រភេទមេតំហ្វេតាមីនម៉ាទឹកកក ICEចំនួន០៥ថង់ទម្ងន់១២២,៧៨ក្រាម ជញ្ជេីងសម្រាប់ថ្លឹងគ្រឿងញៀនចំនួន០១ ទូរស័ព្ទដៃចំនួន០២ កាបូបប្រាក់ចំនួន០១ សម្ភារ:សម្រាប់ច្រករំលែកគ្រឿងញៀន និងសម្ភារ:សម្រាប់ជក់គ្រឿងញៀនមួយចំនួន។
ជនសង្ស័យនិងវត្ថុតាងត្រូវបានកម្លាំងជំនាញកំពុងសាកសួរស្រាវជ្រាវនិងរៀបចំសំណុំរឿងបញ្ជូនទៅកាន់តុលាការដេីម្បីចាត់ការបន្តតាមផ្លូវច្បាប់ ៕
ដោយ ៖ គង់ សឿន
