ខេត្តបាត់បង ៖ នៅថ្ងៃ សុក្រ ១០កេីត ខែពិសាខឆ្នាំជូតទោស័ក ព.ស.២៥៦៣ ត្រូវនឹងថ្ងៃទី ០១ខែ ឧសភា ឆ្នាំ២០២០ វេលាម៉ោង១៥ និង៤០នាទីរហូតដល់ម៉ោង១៧និង២០នាទីអនុវត្តតាមមតិណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចមតិរបស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿង លោកវរសេនីយ៍ឯក ប៉ាន់ វណ្ណនី អធិការនគរបាលស្រុកបាណន់ ដឹកនាំកម្លាំងផ្នែកជំនាញអធិការដ្ឋានចុះប្រត្តិបត្តិការបង្រ្កាបករណីរក្សាទុក ដឹកជញ្ញូន ឬជួញដូរដោយខុសច្បាប់នូវសារធាតុញៀន ០១ករណីក្នុងបទល្មើសជាក់ស្តែង នៅចំណុចភូមិអន្លង់កោងឃុំឈេីទាល និងភូមិថ្មី ឃុំកន្ទឺ០១ ក្នុងស្រុកបាណន់ ខេត្តបាត់ដំបង។
-ក្នុងករណីនេះសមត្ថកិច្ចនគរបាលឃាត់ខ្លួនជនសង្ស័យចំនួន០៣នាក់គឺ៖
១-ឈ្មោះ រ៉េត សុភារិទ្ធ ភេទប្រុស អាយុ២១ឆ្នាំរស់នៅក្រុមទី០១ភូមិផ្លូវមាស ឃុំផ្លូវមាស ស្រុករតនៈមណ្ឌល ខេត្តបាត់ដំបង។
២-ឈ្មោះយូ ពៅ ភេទប្រុស អាយុ១៩ឆ្នាំទីលំនៅភូមិទួលតាឯក សង្កាត់អូតាគាំ០២ ក្រុងបាត់ដំបង ខេត្តបាត់ដំបង។
៣-ឈ្មោះ យន់ ភារុណ(ហៅនួន)ភេទប្រុសអាយុ២៩ឆ្នាំរស់នៅភូមិអណ្តូងកន្ទួត ឃុំដូនបា ស្រុកគាស់ក្រឡ ខេត្តបាត់ដំបង ។
*-ក្នុងកិច្ចប្រតិបត្តិការនេះសមត្ថកិច្ចនគរបាលដកហូតវត្ថុតាងរួមមាន៖
១-ថ្នាំញៀនប្រភេទមេតាំហ្វេតាមីន(ម៉ាទឹកកក ICE) ចំនួន០១ថង់ធំ(មិនទាន់ថ្លឹងទម្ងន់)
២-រថយន្ត០១គ្រឿងម៉ាក Priusពណ៍សពាក់ស្លាកលេខភ្នំពេញ2AL.1812
៣-ម៉ូតូ០១គ្រឿងងម៉ាកClick ពណ៍ផ្ទៃមេឃគ្មានស្លាកលេខសេរីឆ្នាំ២០២០
៤-ទូរសព្ទដៃចំនួន០៣គ្រឿង
៥-ប្រាក់ចំនួន៥០មុឺនរៀល
ក្រោយពេលសាកសួរស្រាវជ្រាវបច្ចុប្បន្នជនសង្ស័យ និងវត្ថុតាងនគរបាលស្រុកបានកសាងសំណុំរឿងបញ្ជូនមកការិយាល័យជំនាញស្នងការនគរបាលខេត្តដើម្បីចាត់ការតាមនីតិវិធីច្បាប់ ៕
ដោយ ៖ វិបុល
