ខេត្តបាត់ដំបង ៖ នៅថ្ងៃព្រហស្បត្តិ៩កេីត ខែពិសាខឆ្នាំជូតទោស័ក ព.ស.២៥៦៣ ត្រូវនឹងថ្ងៃទី ៣០ខែមេសា ឆ្នាំ២០២០វេលា ម៉ោង១៦ និង៣៥នាទីអនុវត្តតាមមតិណែនាំដ៏ខ្ពង់ខ្ពស់របស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចមតិរបស់លោកឧត្តមសេនីយ៍ត្រី កុយ ហៀង ស្នងការរងផែនការងារ ប្រឆាំងគ្រឿង លោកវរសេនីយ៍ឯក ពេជ្រ សារ៉ែន អធិការនគរបាលស្រុកសំពៅលូន ដឹកនាំកម្លាំងផ្នែកជំនាញអធិការដ្ឋាននិងកម្លាំងប៉ុស្តិ៍នគរបាលរដ្ឋបាលសិរីមានជ័យបានចុះប្រត្តិបត្តិការបង្រ្កាបករណីរក្សា ទុកដោយខុសច្បាប់នូវសារធាតុញៀន ០១ករណីក្នុងបទល្មើសជាក់ស្តែង នៅចំណុចភូមិពោធិ៍ជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង។
ក្នុងករណីនេះសមត្ថកិច្ចនគរបាលឃាត់ខ្លួនជនសង្ស័យចំនួន០៣នាក់គឺ ៖
១-ឈ្មោះ គង់ វុទ្ធី (ធី) ភេទប្រុស អាយុ ៣៦ ឆ្នាំ មានទីលំនៅភូមិប្រឡាយប្រាក់ ឃុំអង្គរបាន ស្រុកសំពៅលូន ខេត្តបាត់ដំបង
២-ឈ្មោះ ប៊ុន ម៉ាលីស ភេទប្រុស អាយុ ៣០ ឆ្នាំ មានទីលំនៅភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង
៣-ឈ្មោះ ង៉ូវ សា ភេទប្រុស អាយុ ២៦ ឆ្នាំ មានទីលំនៅភូមិពោជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង។
ប្រតិបត្តិការបង្ក្រាបដកហូតវត្ថុតាងរួមមាន ៖ ថ្នាំញៀនប្រភេទមេតំហ្វេតាមីនម៉ាទឹកកកICE ចំនួន ០៥ ថង់(មិនទាន់ថ្លឹងទម្ងន់)
ថ្នាំញៀនប្រភេទមេតំហ្វេតាមីនយ៉ាម៉ាWYចំនួន ៣៧៨គ្រាប់(មិនទាន់ថ្លឹងទម្ងន់)ជញ្ជីងសម្រាប់ថ្លឹងថ្នាំញៀនលក់ចំនួន០២គ្រឿង ម៉ូតូចំនួន០១គ្រឿង ប្រាក់រៀលចំនួន ០១លានរៀល ប្រាក់បាតថៃចំនួន ០៥ពាន់បាត ។
ក្រោយពេលសាកសួរស្រាវជ្រាវបច្ចុប្បន្នជនសង្ស័យ និងវត្ថុតាងនគរបាលស្រុកបានកសាងសំណុំរឿងបញ្ជូនទៅការិយាល័យជំនាញចាត់ការតាមនីតិវិធីច្បាប់ ៕
ដោយ ៖ គង់ សឿន
