រាជធានីភ្នំពេញ ៖ កម្លាំងជំនាញមន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ ដោយគោរពតាមគោលការណែ នាំនិងបទបញ្ជាពីឯកឧត្តមនាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ និងមានការយកចិត្តទុកដាក់ខ្ពស់លើ ការងារជំនាញ ឯកឧត្តម ឧត្តមសេនីយឯក ឡឹក វណ្ណះ នាយកមន្ទីរនគរបាលប្រឆាំងបទល្មើសគ្រឿងញៀន នៃអគ្គស្នងការ នគរបាលជាតិ ក្រសួងមហាផ្ទៃ បានចាត់តាំងកម្លាំងជំនាញក្រោមឪវ៉ាទចុះបង្រ្កាបបទល្មើសកែច្នៃ ជួញដូរគ្រឿងញៀន និងរឹបអូសថ្នាំញៀន ជាង ១សែនគ្រាប់ នៅខណ្ឌពោធិ៍សែនជ័យ រាជធានីភ្នំពេញ ។
ប្រតិបត្តិការបង្ក្រាបធ្វើនៅវេលាម៉ោង១៤ម៉៤០នាទី ថ្ងៃទី ២៩ ខែមេសា ឆ្នាំ ២០២០ នៅចំណុចផ្ទះគ្មានលេខ ភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ដោយកម្លាំងជំនាញ”ក១១” របស់មន្ទីរប្រឆាំងបទល្មើសគ្រឿងញៀន ដឹកនាំដោយលោកឧត្ដមសេនិយ៍ត្រី ស៊ី ផល្លា នាយករងមន្ទីរ និងមានការសំរបសំរួលពីលោកព្រះរាជអជ្ញារង សាយ ណូរ៉ា បានបើកបង្ក្រាបករណីកែឆ្នៃ និងជួញដូរគ្រឿងញៀនដ៏ធំមួយ ដោយធ្វើការឃាត់ខ្លូនមនុស្ស០២នាក់ និងវត្ថុតាងមួយចំនួន ៖
១ – ឈ្មោះ LEE KWAN FUK ភេទប្រុស ជនជាតិចិន(ហុងកុង) កាន់លិខិតឆ្លង ដែនលេខ KJ06288571
២ – ឈ្មោះ THET THET HLAING ភេទស្រី ជនជាតិមីយ៉ាន់ម៉ា កាន់លិខិតឆ្លងដែនលេខ MA 030746 ។
៣ – សារធាតុញៀនអិចស្តាស៊ី ប្រមាណ ១៤០០០០គ្រាប់(ដប់បួនម៉ឺនគ្រាប់) ទម្ងន់: ៥៧គក្រ.៣៨ ម៉ាស៊ីនកែឆ្នៃ ២គ្រឿង ។
បច្ចុប្បន្នជនសង្ស័យ និងវត្ថុតាង បានបញ្ជូនទៅមន្ទីរប្រឆាំងគ្រឿងញៀន ដើម្បីបន្តការស៊ើបអង្កេត តាមចាប់មេក្លោង និងមុខសញ្ញាពាក់ព័ន្ធ មុននឹងបញ្ជូនសំណុំរឿងទៅកាន់តុលាការ ៕
ដោយ ៖ វិបុល
