ខេត្តសៀមរាប ៖ គ្រោះថ្នាក់ធម្មជាតិដោយដើមក្ងោករំលំសង្កត់លើអ្នកធ្វើដំណើរពីរនាក់ប្តីប្រពន្ធ នៅវេលាម៉ោង ០៨និង៣០នាទីព្រឹក ថ្ងៃទី២៦ ខែមេសា ឆ្នាំ២០២០ ត្រង់ចំណុចផ្លូវមាត់ស្ទឹងសៀមរាប ខាងជើងផ្សារពោធិលង្កា ស្ថិតនៅក្នុងភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប។
លោកវរសេនីយ៍ឯក ណុប សារ៉ាក់ អធិការនៃអធិការដ្ឋាននគរបាលក្រុងសៀមរាប បានឲ្យដឹងនៅរសៀលថ្ងៃទី២៧ ខែមេសា ឆ្នាំ២០២០ នេះថា៖ ជនរងគ្រោះពីរនាក់ប្ដីប្រពន្ធបានជិះម៉ូតូពីផ្ទះទៅផ្សារពោធិ៍លង្កា លុះមកដល់ចំណុចខាងលើស្រាប់តែដើមក្ងោកពុកគល់ដួលរលំសង្កត់ពីលើតែម្ដង។
ជនរងគ្រោះទាំងពីរនាក់ប្តីប្រពន្ធមានឈ្មោះ : ១. ឈ្មោះ មូ ពីរូ ភេទប្រុស អាយុ ៥៦ឆ្នាំ មុខរបរបើកបរ ទីលំនៅបច្ចុប្បន្ន ភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប របួសធ្ងន់ក្បាលនិងស្មា ។ ២.ប្រពន្ធ ឈ្មោះ ពាញ ផល្គុន ភេទស្រី អាយុ៥៤ឆ្នាំ មុខរបរ មន្ត្រីអភិរក្សអង្គរ របួសត្រូវចំដើមទ្រូង។
ក្នុងហេតុការណ៏នោះខូចខាតម៉ូតូមួយគ្រឿងម៉ាក់zoomer x ស៊េរីឆ្នាំ២០១៨ ពណ៌ក្រហមលាយខ្មៅមិនចាំផ្លាកលេខ បាក់កែបនិងតួរចំពាក់កណ្ដាល។
ក្រោយកើតហេតុសមត្ថកិច្នគរបាលចបានចុះត្រួតពិនិត្យ និងបញ្ជូនជនរងគ្រោះទៅសម្រាកព្យាបាលនៅមន្ទីរពេទ្យ ស៊ឹង រិទ្ធីរេត ចំណែកម៉ូតូ zoomer ០១គ្រឿង ត្រូវកូនកូនរបស់ជនរងគ្រោះយកទៅរក្សាទុកនៅផ្ទះ ៕
ដោយ : វិបុល
