ខេត្តកំពត ៖ នៅថ្ងៃទី២៦ ខែមេសា ឆ្នាំ២០២០ វេលាម៉ោង ២១:៤០នាទី កម្លាំងជំនាញ បានបង្ក្រាបមុខសញ្ញាជួញដូរ និងប្រេីប្រាស់គ្រឿងញៀន ស្ថិតនៅភូមិទូកមាស ឃុំទូកមាសខាងលិច ស្រុកបន្ទាយមាស ដោយឃាត់ខ្លួនជនសង្ស័យបានចំនួន ០២នាក់ (ស្រី០១នាក់) និងដកហូតថ្នាំញៀនចំនួន ១៥កញ្ចប់តូច។
លោកវិរៈសេនីយន៍ទោ ទន់ រ៉ូ អធិការនគរបាលស្រុកបន្ទាយមាស បានប្រាប់គេហទំព័រ www.rskynews.com នៅព្រឹកថ្ងៃទី២៧ ខែមេសា ឆ្នាំ២០២០ នេះថា : ដោយមានបទបញ្ជាណែនាំដ៏ខ្ពង់ខ្ពស់ជាប្រចាំពីឯកឧត្តមសេនីយន៏ទោ ម៉ៅ ច័ន្ទមរិទ្ទ ស្នងការនគរបាលខេត្តកំពត កម្លាំងជំនាញនៃអធិការដ្នានគរបាលស្រុកបន្ទាយមាស ក្រោមការដឹកនាំបញ្ជាផ្ទាល់ដោយលោកវិរៈសេនីយន៍ទោ ទន់ រ៉ូ បានបើកប្រតិបត្តការបង្ក្រាបមុខសញ្ញាជួញដូរគ្រឿង ញៀន ដោយធ្វើការឃាត់ខ្លួនជនសង្ស័យចំនួន០២នាក់ ៖
១.ឈ្មោះ សុខ ម៉ៅ ភេទប្រុស អាយុ៣៤ឆ្នាំ
២.ឈ្មោះ គឹម សុីណាត ភេទស្រី អាយុ៣២ឆ្នាំ (អ្នកទាំងពីររស់នៅភូមិទូកមាស ឃុំទូកមាសខាងលិច ស្រុកបន្ទាយមាស)។
បច្ចុប្បន្ន ជនសង្ស័យទាំង ០២នាក់ខាងលេី សមត្ថកិច្ចជំនាញ កំពុងកសាងសំណុំរឿង ដើម្បីអនុវត្តតាមនីតិវិធី ៕
ដោយ ៖ វិបុល
