ភ្នំពេញ ៖ ដោយមានការយកចិត្តទុកដាក់និងការពារសុវត្ថិភាពជូនប្រជាពលរដ្ឋក្នុងមូលដ្ឋានស្របតាមគោលនយោបាយ ភូមិឃុំ មានសុវត្ថិភាព នៅក្នុងតំបន់ភូមិសាស្ត្រ ខណ្ឌពោធិសែនជ័យ ក្រោមការដឹកនាំរបស់លោកអធិការ យឹម សារ៉ាន លោកតែងតែប្រជុំដាក់បទបញ្ចាយ៉ាងតឹងរឹងបំផុតដើម្បីលប់បំបាត់នូវរាល់ភាពអសកម្មទាំងឡាយមានដូចជាការជួញដូរ គ្រឿងញាណ ចោរកម្ម និងល្បែងស៊ីសងគ្រប់ប្រភេទ…ជាដើម។
នៅវេលាម៉ោង ៤.១០នាទី ទៀបភ្លឺព្រឹកព្រលឹមថ្ងៃទី១៤ ខែមករា ឆ្នាំ ២០១៨ លាំងល្បាតរបស់ប៉ុស្តិ៍គនរបាលរដ្ឋបាល កាកាបទី១ កំពុងល្បាតការពារសុវត្ថិភាពជូនប្រជាពលរដ្ឋបានពើបប្រទះឃើញជនសង្ស័យចំនួន៥នាក់ក៏បានដាក់ការ សង្ស័យសុំការឆែកឆេរ និងរកឃើញថាជាមុខសញ្ញាជូញដូរ និងចែកចាយគ្រឿងញាណយ៉ាងសកម្ម ដូច្នោះហើយកំលាំង យើងក៏បានធ្វើការឃាត់ជនសង្ស័យជួញដូរថ្នាំញៀន៥នាក់ត្រង់ចំណុចខាងមុខក្លឹបរីលែក្ស តាមបណ្តោយ២០១១ ស្ថិតក្នុង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
ក្នុងការបង្ក្រាបបទល្មើសនេះកំលាំងរបស់យើងបានឃាត់ខ្លួនមជនស្ស័យចំនួន៥នាក់ ជនសង្ស័យ១ឈ្មោះ ធុល ថេត អាយុ២១ឆ្នាំ ជាអ្នករក្សាទុកនិងចែកចាយ ទី២ឈ្មោះ ភិន សុភាព អាយុ២២ឆ្នាំ ទី៣ឈ្មោះ ដា រា អាយុ១៧ឆ្នាំ ទី៤ឈ្មោះ ដេ វីត អាយុ១៧ឆ្នាំ និងទី៥ឈ្មោះ សេង ពេជ្រ អាយុ២៩ឆ្នាំ ព្រមទាំងដកហូតបានបានម៉ូតូ១គ្រឿង ម៉ាកទ្រីម១២៥ពណ៌ខ្មៅសេរី ២០១៥ មានស្លាកលេខភ្នំពេញ 1CT-2029 ។
ជនសង្ស័យទាំង៥នាក់ខាងលើរួមនិងវត្ថុតាងត្រូវបានកម្លាំងសមត្ថកិច្ចប៉ុស្តិ៍នគរបាលរដ្ឋបាលកាកាបទី១កសាងសំណុំ រឿងបញ្ជូនទៅអធិការដ្ឋាននគរបាលខណ្ឌពោធិ៏សែនជ័យដើម្បីបញ្ជូនបន្តទៅតុលាការរងចាំធ្វើការចាត់ការទៅតាមនិតិវិធីច្បាប់ ៕
ដោយ៖ វិបុល
